AJeevan

புது தளத்துக்கு வரவேற்கிறோம்

2007-09-01T11:27:00.000+02:00

அன்பு உள்ளங்களே

இங்கே அழுத்தி
புதிய தளத்துக்கு வருகை தாருங்கள்

நன்றி

பணிவன்புடன்
உங்கள்
அஜீவன்

நினைத்தாலும் மறக்க முடியாதவை 1 - அஜீவன்

2007-07-12T14:11:00.000+02:00

1990
பெங்களூரை விட்டு வெளியேற வேண்டும் எனத் தோன்றுகிறது.

பல வருடங்கள் தொடர்ந்து பெற்ற வாய்ப்புகளை உதறித் தள்ள வேண்டும்
நண்பர்களை பிரிய வேண்டும்
எனக்கு மிகவும் பிடித்த கால நிலை.............

இப்படி எத்தனையோ...........

முடிவுக்கு வர முடியாமல் தடுமாறுகிறேன்.

இருப்பது ஆபத்தானது தொடர்வது நெருடலானது
எனக்காக வாழ்ந்த காதல் கூட கருகிய நிலை

எல்லாமே பொய்

இருப்பது ஆபத்தானது தொடர்வது நெருடலானது
எனக்காக வாழ்ந்த காதல் கூட கருகிய நிலை

எல்லாமே பொய்

"என்னால் எங்கும் போக முடியாது" என்கிறேன்.

"ஏன்?"

"அது அப்படித்தான்.................."

"நீ ஏதாவது தவறான முடிவு எடுத்திடாதே.
உன்னை தெரியாமல் கைது செய்திட்டோம்.
ஆனால் உனக்கு ஏதாவது நல்லது செய்யணும்.
என்ன வேணும் சொல்லு" என்கிறார் சீனிவாசன்

"எனக்கு இப்போ தனியா இருக்கணும் யோசிக்கணும்............"

"வாங்க லாஜ்ஜில கொண்டு போய் விடுறன்."

"வேண்டாம்" "உங்க மேல யாரும் தப்பா நினைக்க மாட்டாங்க.
கதிர் சார் உங்க லாஜ் பணத்தை கூட கட்ட சொன்னார்."

நான் ஸ்டேசனை விட்டு நடந்தேன்.

என் பின்னே வந்த சீனிவாசன் ஒரு ஆட்டோவை நிறுத்தி என்னோடு சிவில் உடையில் ஏறுகிறார்.

ஆட்டோ சிவாஜி நகர் லாஜ்ஜை நோக்கி நகர்கிறது.

நாங்கள் இறங்கியதும் ரூம் பையன்கள் ஓடிவருகிறார்கள்.

"என்ன சார் நடந்துச்சு" நான் மெளனமாக சார்ஜன் சீனிவாசனை பார்க்கிறேன்.

"தப்பா அரட்ஸ் பண்ணிட்டோம்.
பிறகுதான் தெரியும் ஓஐசீ ஐயாவுக்கு தூரத்து உறவுக்காரர் ஜீவன் என்கிறது. இனி அவர்தான் சார் பில்லெல்லாம் கட்டுவார்." என்கிறார் சீனிவாசன்

நான் பேசாமல் சீனிவாசன் சொல்லும் பொய்யை மறுதலிக்க முடியாமல் இருக்கிறேன்.

என் ரூமை திறந்து விட்ட ரூம் பையன்கள்
எங்களை கேட்காமலே டீ கொண்டு வந்து கொடுக்ககிறார்கள்.

ஒரு சில ரூபா டிப்ஸை விட
அவங்க கூட நாலு வார்த்தை அன்பா பேசுறதில
கிடைச்ச பாசம் அது.

"வாடிப் போயிட்டிங்க சார்.
குளிங்க ஜம்முண்ணு ஆகிடுவீங்க சார்."
என் அனுமதிக்குக் கூட காத்திராமல்
வென்னீர் கொண்டு வந்து வைத்தான் மணி.

"குளிச்சுட்டு தூங்குங்க. சாயந்தரம் வர்றன்" என்று எழுந்த சீனிவாசன்
கொஞ்சம் பணத்தை எடுத்து தந்து விட்டு கிளம்பினார்.

அவர் போவதை வாசலில் நின்று பார்த்துக் கொண்டு நின்றேன்.

பணம் பறிக்கின்ற போலீஸ்காரரை பார்த்திருக்கேன்.
இப்படியும் பார்ப்பது அரிது.
மனதுக்குள் வியக்கிறேன்.

நான் உள்ளே போய் குளித்து விட்டு வரும் போது
மேசையில் யாரோ சாப்பாடு கொண்டு வந்து வைத்திருந்தார்கள்.

நான் கதவைத் திறந்த போது
ரூம்பாய் குமார் வெளியே நின்றிருந்தான்.

"சார் எனக்கு கொண்டாந்த சாப்பாடுதான்.
மனசு கேக்கல்ல. என்னால முடிஞ்சது இதுதான் சார்" என்றான்.

ஒருத்தனது மனசு கோடியை விட பெறுமதி வாய்ந்தது என்பது
அந்த வார்த்தை சொல்லாமல் புரிய வைத்தது.

நான் சாப்பிடத் தொடங்கியதும்
குமார் என் பக்கத்திலே நின்று என்னையே பார்த்துக் கொண்டிருந்தான்.
சாப்பிட்டு முடிந்ததும் என் கையை குமாரே கழுவி விட்டான்.

"உங்க சிரிப்பை திரும்ப பார்க்கணும் சார் தூங்குங்க................
சாயந்தரம் டீயோட வந்து எழுப்புறேன்" என்று போகும் போது

"கதவை சாத்திட்டு போ குமார்" என்றேன்.

"உள்ளாற சாத்துங்க சார்" என்றான்.

"எனக்கு ஒண்ணும் ஆவாவது சாத்திட்டு போ" என்று சொல்லி விட்டு
படுக்கையில் சாய்ந்த போது
தலையனை என்னை அறியாமலே நனைவது தெரிந்தது....................

நன்றி: முத்தமிழ்மன்றம்

நினைத்தாலும் மறக்க முடியாதவை - அஜீவன்

2007-07-11T21:04:00.000+02:00

நடந்து வந்த பாதையை
பெரும்பாலும் யாரும் திரும்பிப் பார்ப்பதில்லை
நடந்து கொண்டிருப்பவனுக்கு அது தேவையில்லை
ஆனால் நடக்க முடியாமல் போனாலோ
இல்லை திரும்பி வர நேர்ந்தாலோ மட்டுமே
அது குறித்து சிந்திக்கிறோம்

புதிய ஒருவரை சந்திக்கும் போது
அவருக்கு நம்மை அறிமுகம் செய்ய வேண்டி வருகிறது
இல்லை பழைய சினேகிதங்களை சந்திக்கும் போது
கடந்த காலத்தில் நடந்தவற்றை நினைத்து சிரிக்கவோ
அல்லது அழவோ வேண்டிய நிலை ஏற்படுகிறது

நல்ல நிகழ்வுகள்
குறைவாகவே மனதில் பதிவாகிறது
தாக்கங்களும் வேதனைகளும் மட்டும்
மனித மனங்களின் போக்க முடியாத கறையாகி
அல்லது வடுவாகி காயமாகி விடுகிறது

வயதாகும் போது
உடலிலும் உள்ளத்திலும் மாற்றம் தெரிகிறது
கண்களிலும் அடி மனதிலும்
தொடர்ந்தும் அதே குணாம்சம் தொடர்கிறது........................................

திரும்பிப் பார்க்க வைத்த
என் உறவுகளுக்கு என் முதற்கண் நன்றி!

என் மனதை திறப்பதாய்
என்னை சிலுவையில் அறைந்து கொள்ளப் போகிறேன்................

Thanks: muthamilmantram

ஜீவன்4யூ 15.4.2007 வானோலி நிகழ்ச்சி

2007-04-16T22:06:00.000+02:00

15.04.2007
ஒலிபரப்பான
ஜீவன்4யூ வானோலி நிகழ்சியை கேட்பதற்கு அழுத்துங்கள்:- http://www.zshare.net/audio/jeevan4u15-4-2007-mp3.html
அல்லது
www.radio.ajeevan.com

- உயிரே......உயிரே.......

- யேசு காவியம் ( கல்வாரி பாடுகள்)

- கவியரசர் வைரமுத்து அவர்களின் ஹிரோஷீமா
சதக்கத்துல்லா (கனியன்) குரலில்

- தன்நம்பிக்கையும் இறை நம்பிக்கையும்

டீ.பீ ஜோசப் (வாணியின் குரலில்)

- ஹிந்தி பாடல் தும்பாசு ஆயே.......

- சகாரா சாரல் தூவுதோ...........

ஆகியவற்றோடு
ஜீவன்4யூ

சுவிஸிலிருந்து தமிழ் வானோலி Jeevan4U (25.02.2007)

2007-02-26T17:15:00.000+01:00

சுவிற்சர்லாந்தில் வாழும் மக்களின்

கலாச்சார அங்கிகாரமாக
சுவிஸ் கலாச்சார அமைச்சின்
ஆதரவோடு
சுவிஸிலிருந்து
தமிழ் மற்றும் சிங்கள மொழிகளில் மாதம் இரு முறை
ஒரு மணி நேரம் ஒலிக்கிறது

KanalK

present

சாகரன் ( கல்யாண்)

25.2.2007 ஒலிபரப்பில்

மறைந்தாலும் மனித மனங்களில் வாழும் இருவர் குறித்த அஞ்சலிக் கட்டுரை முக்கிய கட்டுரையாக இடம் பெறுகிறது.

அது

சாகரன் மற்றும் உமர் தம்பி அவர்கள் தொடர்பானது.

மேலும் பல நிகழ்ச்சிகளை கேட்க படத்தின் மேல் அழுத்துங்கள்:-

அல்லது

http://radio.ajeevan.com/

மறைந்தாலும் தெரியும் உன் முகம்

2007-02-18T10:22:00.000+01:00

சாகரன் (Kalyan)

July 22nd 1975 - Feb 11th 2007

முகம் தெரியாது

இதயத்தால் இணைந்து நின்றிருக்கிறோம்

நீ பேசாமல் பேசப்படுவது கண்டேன்

இன்று பேசாமல் இருக்கிறாயே?

நண்பர்களது வேதனைகளை படிக்கும் போது

முகம் தெரியாத உனக்காக ஏனோ

எம் இதயம் அழுகிறதே?

உன் குடும்பத்தினர்

உற்றார் உறவினரோடு சேர்ந்து நாமும்

உன் பிரிவால் சேர்ந்து வாடுகிறோம் நண்பனே?

உன் ஆத்மா சாந்தி பெற இறைவனை வேண்டுகிறோம்

சுவிஸில் தமிழர் வார விழா

2007-02-12T16:17:00.000+01:00

சுவிஸில் தமிழர் வார விழா

2007 ஜுன் மாதம்......

சுவிஸ் பாசல் நகரில் தமிழர் வாரம் ஒன்றை

சுவிஸ் கலாச்சார அமைச்சுடன் கூடிய உதவி நிறுவனம் வழி

நடத்த தீர்மானிக்கப்பட்டுள்ளது

இதில் தமிழர் கலை மற்றும் கலாச்சார நிகழ்வுகள் இடம் பெற உள்ளன.

இதில் 3 பகுதிகளின் பொறுப்பு என்னிடம் ஒப்படைக்கப்பட்டுள்ளது.

அவை

1. தமிழ் சினிமா மாலை

2.புகைப்படக் கண்காட்சி (முழு வாரமும்)

3.புலம் பெயர் படைப்பாளிகளின் நூல் அறிமுகம்

தமிழர் கலாச்சாரத்தை பிரதிபலிக்கும் புகைப்படங்களை

உங்களால் அனுப்ப முடிந்தால்

தேர்வு செய்யப்படும் புகைப்படங்களுக்கு

ஒரு பரிசு தொகையை பெற்றுத் தர முடியும்.

அதற்கான கருத்தை அவர்களிடம் முன் வைத்திருக்கிறேன்.

பதில் அடுத்த சில வாரங்களுக்குள் தெரிந்துவிடும்.

முழு விபரம் விரைவில் தருகிறேன்.

தமிழர் வார விழாவில் இசை - நடனம் - நூல் - புகைப்படம் - தமிழ் கோயில்கள் - சினிமா - நாடகம் - நகர அறிமுகம் ஆகியவை இடம் பெற உள்ளன.

தொடர்புகளுக்கு:

info@ajeevan.com

21.01.2007 ஒலித்த Jeevan4U வானோலி நிகழ்ச்சி

2007-01-22T20:17:00.000+01:00

சுவிஸிலிருந்து
மாதம் இரு முறை
ஒரு மணி நேரம் ஒலிக்கிறது
KanalK
present
Jeevan4U

21.01.2007
ஒலித்த தமிழ் வானோலி நிகழ்ச்சியை

கேட்பதற்கு அழுத்துங்கள்:-
http://tamilamutham.net/amutham/index.php?option=com_artistavenue&task=playSong&amp;amp;amp;mode=HQ&id=772&Itemid=38

சுவிஸிலிருந்து தமிழ் வானோலி Jeevan4U (21.01.2007)

2007-01-22T09:33:00.000+01:00

சுவிஸிலிருந்து
மாதம் இரு முறை
ஒரு மணி நேரம் ஒலிக்கிறது

KanalK

present
Jeevan4U

21.01.2007

ஒலித்த
தமிழ் வானோலி நிகழ்ச்சியை
தரவிறக்கம் செய்து கேட்பதற்கு அழுத்துங்கள்:-
http://www.megaupload.com/?d=O1EY13U5

தை பொங்கல் வாழ்த்துகள்!

2007-01-14T23:53:00.000+01:00

அனைவருக்கும்

இனிய தை பொங்கல்

வாழ்த்துகள்!

புலத்தவர் கதை பேசும் Cinema Querfeld Festival திரைப்பட விழா (சுவிஸ்)

2007-01-10T23:22:00.000+01:00

புலம் பெயர்ந்து வாழும் மக்களின் பிரச்சனைகளையும்

அவர்களது

மன உணர்வுகளையும்

பேசும் திரைப்படங்கள் வழி

மனித மனங்களுக்குள்

சங்கமிக்க முயலும்

ஓர்

திரைப்பட விழா

Cinema Querfeld Festival
Basel
Switzerland

12.01.2007 முதல் 14.01.2007 வரை

Freitag, 12.1. - Sonntag, 14.1.2007
Interkulturelles Kinofestival "Cinema Querfeld"
Warum verlässt jemand sein Heimatland?
Wie erlebt er seine neue Heimat?
Das Kinofestival „Cinema Querfeld“ zeigt Filme aus Afrika, Asien, Lateinamerika und Europa zum Thema Migration.

Freitag, 12.1.2007
18.30 Hallenöffnung
19.00 Eröffnung

19.15 "Siamo Italiani"
(Alexander J. Seiler, Italien 1964),
evtl. in Anwesenheit des RegisseursEin Film über das häufig unmenschliche Leben der Italiener in der Schweiz Mitte der Sechziger Jahre.20.30 Abendessen
(italienische und afrikanische Spezialitäten)

22.00 "Il vento di settembre"
(Alexander J. Seiler, Italien 2002)
Der Film zeigt, wie die Protagonisten aus „Siamo Italiani“ heute - teils in der Schweiz, teils in Italien - leben.

00.15 "Touki Bouki"
(Djibril Diop Mambéty, Senegal 1973)
Ein Film über den Zusammenprall der Kulturen, die Spannung zwischen Moderne und Tradition und die Emigration der Landbevölkerung.

Samstag, 13.1.2007
15.30 Hallenöffnung
15.45 Tamilische Tanzvorführung

16.00 "wanakam"

வணக்கம்
(Thomas Isler, Schweiz 2005),
in Anwesenheit des RegisseursEin Dokumentarfilm über das Leben von Tamilen in der Schweiz und ihre Probleme mit ihrer Aufenthaltsbewilligung.

17.45 Kurdische Livemusik

18.00 "Bunte Träume"

(Mono Khalil, Schweiz 2003),
in Anwesenheit des RegisseursEine Geschichte über Menschen, die durch den Verlust der Heimat ihre innere Ruhe nicht mehr finden können.

19.00 Abendessen (tamilische und kurdische Spezialitäten)

20.30 "Moi et mon blanc"

(S. Pierre Yameogo, Burkina Faso 2004)
Eine zeitgenössische dramatische Komödie, deren Geschichte in Paris anfängt und in Ouagadougou (Burkina Faso) endet.

22.30 "Maria Full of Grace"
(Joshua Marston, USA-Kolumbien 2004)
Maria lebt im ländlichen Teil Kolumbiens. Das Angebot eines lukrativen Jobs, der auch das Drogenschmuggeln beinhaltet, verändert ihr Leben.

00.30 "Kolye"
(Hayri Arga, Schweiz 2007),
in Anwesenheit des RegisseursEine Geschichte über Zwangsheirat, Blutrache und die Hoffnung einer jungen Frau, ein Leben in Freiheit führen zu können.

Sonntag, 14.1.2007
10.30 Brunch

12.00 "Au sud des nuages"
(Jean-François Amiguet, Schweiz 2003)
Adrien ist ein starrköpfiger Walliser, der sein Tal regiert.
Erst durch eine lange Reise nach China lernt er seine sensible Seite zu akzeptieren.Danach Preisverleihung des dreitägigen „Cinema-Quiz“ mit Fragen zu den Filmen und beteiligten Ländern.

Eintritt:
Fr. 10.-- pro AbendSonntag: Film gratis,

Brunch Fr. 15.-- (Kinder Fr. 7.--)
http://www.querfeld-basel.ch/programm.php

இனிய புத்தாண்டு வாழ்த்துகள்

2006-12-31T22:24:00.000+01:00

பிறக்கும்

அனைவருக்கும்

இனியதொரு புத்தாண்டாக மலர

வாழ்த்துகள்!

Jeevan4U ஒலிபரப்பை நேரடியாக கேட்பதற்கு

2006-12-27T01:06:00.000+01:00

2006.12.24ம் நாள்
சுவிஸிலிருந்து
முதல் முறையாக வான் அலைகளில்
ஒலித்த
Jeevan4U
தமிழ் ஒலிபரப்பு நிகழ்ச்சியை நேரடியாக கேட்பதற்கு
கீழே உள்ள குறியீட்டின் மேல் அழுத்துங்கள்:-

http://tamilamutham.net/amutham/index.php?option=com_artistavenue&task=playSong&mode=HQ&id=758&Itemid=38

நன்றி:தமிழமுதம்

Jeevan4U ஒலிபரப்பை தரவிறக்கி கேட்பதற்கு

2006-12-25T23:34:00.000+01:00

KanalK
present
Jeevan4U

2006.12.24ம் நாள்

சுவிஸிலிருந்து

முதல் முறையாக வான் அலைகளில்

ஒலித்த

Jeevan4U

தமிழ் ஒலிபரப்பு நிகழ்ச்சியை தரவிறக்கம் செய்து கேட்பதற்கு

கீழே அழுத்துங்கள்:-

http://www.megaupload.com/?d=DF06M8YE

password: jeevan4

சுவிற்சர்லாந்தின்

பனித்தூறல் கலந்த

அல்ப்ஸ்மலைக் காற்றோடு

எம் மூச்சுக் காற்றும்

காற்றினில் கலந்து

உங்கள் இதய தாகமாய் வானில் கலக்கும்

Jeevan4U

உங்கள் எண்ணங்களை சுமந்து வரும் வானோலி நிகழ்ச்சி.

உங்கள் கருத்துகளை

jeevan4you@gmail.com

என்ற மின் அஞ்சலுக்கு அனுப்புங்கள்.

www.kanalk.ch

நன்றி: மோகன் (தொழில் நுட்பம்)

Jeevan4U தமிழ் ஒலிபரப்பு 24.12.2006 ஆரம்பம்

2006-12-23T20:31:00.000+01:00

இனிய நெஞ்சங்களே!
சுவிஸிலிருந்து
KanalK
present
Jeevan4U
தமிழ் ஒலிபரப்பு

2006.12.24ம் நாள் சுவிஸ் நேரம் மாலை 07.00மணி முதல் மாலை 08.00மணி வரை
Swiss time 19.00hrs to 20.00 hrs
முதல் முறையாக வான் அலைகளில்

Jeevan4U தமிழ் ஒலிபரப்பு
உங்களை நாடி வருகிறது

ஒலிபரப்புகளை சுவிஸ் நாட்டில்.........
94.9 MHz, 103.4 MHz, 92.2 MHz , 107.9 MHz , 102.9 MHz,
107.95 MHz, 93.0 MHz, 97.5 MHz , 93.0 MHz
ஆகிய அலைவரிசைகளிலும்

உலகம் முழுவதும்

2006.12.24ம் நாள்

சுவிஸிலிருந்து முதல் முறையாக

வான் அலைகளில் ஒலித்த

Jeevan4U

தமிழ் ஒலிபரப்பு நிகழ்ச்சியை கேட்பதற்கு:-
http://www.megaupload.com/?d=DF06M8YE

password: jeevan4

இணைய ஒலிபரப்பினூடாகவும் கேட்கலாம்.

ஒலிபரப்பு ஆரம்பமாகும் சில நாடுகளின் நேர வித்தியாசங்கள்:-

Addis Ababa Sun 9:00 PM to 10:00 PM
Adelaide * Mon 4:30 AM to 5:30 AM
Amsterdam Sun 7:00 PM to 8:00 PM
Ankara Sun 8:00 PM to 9:00 PM
Baghdad Sun 9:00 PM to 10:00PM
Bangkok Mon 1:00 AM to 02.00AM
Beirut Sun 8:00 PM to 9:00 PM
Berlin Sun 7:00 PM to 8:00 PM
Cairo Sun 8:00 PM to 9:00 PM
Chennai Sun 11:30 PM to 12:30AM
Colombo Sun 11:30 PM to 12:30AM
Dhaka Mon 12:00 AM to 01.00AM
Dubai Sun 10:00 PM to 11:00PM
Hong Kong Mon 2:00 AM to 3:00AM
Jerusalem Sun 8:00 PM to 9:00PM
Kabul Sun 10:30 PM to 11:30PM
Karachi Sun 11:00 PM to 12:00PM
Kathmandu Sun 11:45 PM to 12:45PM
Kolkata Sun 11:30 PM to 12:30PM
Kuala Lumpur Mon 2:00 AM to 3:00AM
Kuwait City Sun 9:00 PM to 10:00PM
London Sun 6:00 PM to 7:00PM
Mumbai Sun 11:30 PM to 12:30AM
Nairobi Sun 9:00 PM to 10:00PM
New Delhi Sun 11:30 PM to 12:30PM
New York Sun 1:00 PM to 2:00PM
Oslo Sun 7:00 PM to 8:00PM
Paris Sun 7:00 PM to 8:00PM
Riyadh Sun 9:00 PM to 10:00PM
Rome Sun 7:00 PM to 8:00PM
Singapore Mon 2:00 AM to 3:00AM
Toronto Sun 1:00 PM to 2:00PM
Vancouver Sun 10:00 AM to 11:00AM
Washington DC Sun 1:00 PM to 2:00PM
Zürich Sun 7:00 PM to 8:00PM (Switzerland)

சுவிற்சர்லாந்தின் பனித்தூறல் கலந்த

அல்ப்ஸ்மலைக் காற்றோடு

எம் மூச்சுக் காற்றும்

காற்றினில் கலந்து

உங்கள் இதய தாகமாய் வானில் கலக்கும்

Jeevan4U

உங்கள் எண்ணங்களை சுமந்து வரும் வானோலி நிகழ்ச்சி.

உங்கள் கருத்துகளை jeevan4you@gmail.com என்ற மின் அஞ்சலுக்கு அனுப்புங்கள்.

அனைவருக்கும் இனிய கிறிஸ்மஸ் வாழ்த்துகள்!

இரத்தினசபாபதி அவர்களுக்கு அஞ்சலி

2006-12-21T23:25:00.000+01:00

இரத்தினசபாபதி அவர்களுக்கு எமது அஞ்சலி

ஈரோஸ் (EROS,Eelam Revolutionary Organization of Students) இயக்கத்தின் ஸ்தாபகரும் அந்த இயக்கத்தின் முன்னாள் தலைவருமான இளையதம்பி இரத்தினசபாபதி அவர்கள் தமது 68 வயதில் காலமாகியுள்ளார்.

இதில் ஈரோஸ் தலைவர் இரத்தினா தான் உருவாக்கிய இயக்கத்தினை காட்டிலும் தனது இனத்தின் நலனை கருத்தில் கொண்டு செயற்பட்டு வந்தவர். தமிழ் இயக்க தலைவர்களும் போராளிகளும் முதல் முறையாக வெளிநாடுகளில் சென்று பயிற்சி பெறுவதற்கு காரணமாக இருந்தவர் இரத்தினா அவர்களே.

தான் ஒரு இயக்கத்தின் ஸ்தாபகராக இருந்த போதும் புலிகளின் முன்னாள் தலைவர் உமாமகேஸ்வரன் மற்றும் EPRLF (Eelam people,s Revolution Libration Front)தலைவர் பத்மநாபா ஆகியோரை லெபனான் நாட்டிற்கு அனுப்பி வைத்து பாலஸ்தீன விடுதலை இயக்கத்தில் பயிற்சி பெறுவதற்கு காரணமாக இருந்தவர் .

அனைத்து தமிழ் அமைப்புக்களும் ஒன்று பட்டு செயற்படவேண்டும் என்பதினை பல சந்தர்ப்பங்களில் அந்த விடுதலை இயக்க தலைவர்களுக்கு எடுத்து விளக்கி வந்தவர். 1985 ஆம் ஆண்டு திம்புவில் அமைதி பேச்சு நடைபெற்றவேளை ஈரோஸ் இயக்கத்தின் பிரதிநிதியாக அவர் கலந்துகொண்ட போதும் அனைத்து இயக்கமும் ஒன்று பட்ட கோரிக்கைகளை முன் வைக்கவேண்டும் என்பதினை வலியுறுத்தியதுடன் அந்த இயக்கங்களை இணைப்பதற்கான முயற்சிகளை மேற்கொண்டவர்.

திம்புபேச்சுக்களில் தமிழ் அமைப்புக்கள் இரண்டு பிரிவுகளாக கலந்து கொண்டு இருந்தன.

தமிழர் விடுதலைகூட்டணி, தமிழ் ஈழமக்கள் விடுதலைகழகம் (TULF,PLOTE) ஆகிய இரண்டு அமைப்புக்கள் ஒரு அணியாகவும், தமிழ் ஈழவிடுதலை புலிகள், ஈழ புரட்சிகர மாணவர் அமைப்பு, ஈழ மக்கள் புரட்சிகர விடுதலை முன்னணி, தமிழ் ஈழ விடுதலை இயக்கம் (LTTE, EROS, EPRLF, TELO) ஆகிய அமைப்புக்கள் இணைந்து ஈழ தேசிய விடுதலை முன்ணணி (ENLF,Eelam National Libration Front) என்ற அமைப்பின் கீழ் அந்த நான்கு இயக்கங்களும் ஒரு அணியாக கலந்து கொண்டு இருந்தார்கள்.

இரத்தினா இந்த நான்கு இயக்கங்களில் ஒன்றான ஈரோஸ் இயக்கத்தின் பிரதிநிதியாக வந்த போதும் கூட்டணி, புளொட் ஆகிய அமைப்பின் பிரதிநிதிகளுடன் உட்கார்ந்து பேசி ஒற்றுமையின் அவசியத்தினை வலியுறுத்தியவர்.

அவர் அரசியலில் இருந்து ஓய்வு பெறும் வரையில் அனைத்து தமிழ் இயக்கங்களும் தமிழ் இனத்தின் விமோசனத்திற்காக இணையவேண்டும் என்பதினை வலியுறுத்தியே வந்தார்.

1938 ஆம் ஆண்டு 3 ஆம் திகதி நவம்பர் மாதம் யாழ் இணுவில் கிராமத்தில் பிறந்த இளையதம்பி இரத்தினசபாபதி அவர்கள் சிறுவராக இருந்தபொழுது பலரும் வியக்க தக்க வகையில் தமிழரசு கட்சியின் பிரச்சார கூட்டங்களில் உரையாற்றி வந்தவர்.

பின்னர் பிரித்தானியாவிற்கு சென்ற இவர் 1975ஆம் ஆண்டு ஈரோஸ் இயக்கத்தினை ஸ்தாபித்து ஈழத்தமிழர் மாணவர்களை பெரிதும் கவர்ந்திருந்தார். தமிழ் இளைஞர் பேரவையின் தலைவராக இருந்த ரகுபதிபாலசிறிதரன், 5 வருடங்களுக்கு மேலாக சிறையில் வாடிய பூபதிபாலசிறீதரன் ஆகியோரின் ஒன்று விட்ட சகோதரர் ஆவார்.

காசி ஆனந்தன், வண்ணை ஆனந்தன், மாவை சேனாதிராசா ஆகியோருடன் 5வருடங்களாக சிறையில் பூபதிபாலசிறீதரன் இருந்தவர் என்பது குறிப்பிடதக்கது.

1989ஆம் ஆண்டு நடைபெற்ற பாராளுமன்ற தேர்தலில் போட்டியிட்ட இரத்தினாவும் ஏனைய 8உறுப்பினர்களும் பாராளுமன்ற உறுப்பினர்களாக வெற்றி பெற்று இருந்ததுடன் பின்னர் புலிகளின் வேண்டுகோளுக்கு இணங்க தமது பதவியினை இராஜினாமா செய்திருந்தார்கள்.

பின்னாளில் இவரின் வாழ்க்கை முறை திசை திரும்பி போன போதும் தமிழ் இனத்திற்கான விடுதலை போராட்டத்தினை தனது சுகபோக வாழ்விற்காகவோ அல்லது தனது பிரபல்யத்திற்காகவோ இவர் ஒரு போதும் பயன்படுத்தியதில்லை.

- நன்றி தேனி (அர்ச்சுனன்)

கலாநிதி பாலசிங்கம் அவர்களுக்கு அஞ்சலி

2006-12-20T15:32:00.000+01:00

தேசத்தின் குரலோனே
செங்கதிர் சொல்லோனே
தேசியத்தின் சுவடோடு
சென்றுவிட்ட வல்லோனே
தமிழ் வாழும் நாள் எல்லாம்
வாழ்ந்திடுவீர் எம்மோடே

கவிதை & படம் : இலக்கியன்

சுவிஸிலிருந்து Jeevan4U உங்கள் ஒலிபரப்பு

2006-11-30T23:14:00.000+01:00

சுவிஸிலிருந்து
Jeevan4U
உங்கள் ஒலிபரப்பு

கலந்து சிறப்பியுங்கள்............

எதிர்வரும் 2006 மார்கழி 24ம் தேதி முதல்
சுவிஸ் அரச வானோலி FM அலைவரிசை ஊடாக
Jeevan4U
என்ற பெயரில்
இலங்கை - இந்திய ஒலியாக வானோலி நிகழ்ச்சி ஒன்றை
பரீட்சார்த்தமாக மாதம் ஒரு முறை
சுவிஸ் நேரம் 19.00 முதல் 20.00 hrs. வரை
ஒரு மணி நேரம் ஒலிபரப்ப இருக்கிறோம்.

30 நிமிடங்கள் தமிழும்
15 நிமிடம் சிங்களமும்
15 நிமிடம் ஏனைய இந்திய மொழி
பாடல்கள் செய்திகளை தொகுத்தளிக்க முயல்கிறோம்.
(அரசியல் இடம் பெறாது)

பாடல்கள்: கதை : கட்டுரை மற்றும் நல்ல ஆக்கங்களை நீங்களும் அனுப்பலாம்.
அல்லது
உங்கள் கருத்துகளை எழுதலாம்.

உங்கள் குரலில் பதிவு செய்து கூட ஆக்க வடிவங்களை அனுப்பலாம்.

தரமானதாக இருந்தால் நிகழ்ச்சியில் சேர்த்துக் கொள்ளப்படும்.

தரத்தில் குறைகள் காணப்பட்டால் அதற்கான மாற்று கருத்துகளை
பகிர்ந்து கொண்டு மாற்றங்களை செய்து கொள்ளலாம்.

அரச அணுசரனையுடனான ஒலிபரப்பு என்பதால்
வர்த்தக விளம்பரங்கள் சேர்த்துக் கொள்ளப்பட மாட்டாது.

ஆனாலும் கலை நிகழ்ச்சிகள் தொடர்பிலான
சந்திப்புகளால் ஏற்படும் விளம்பரம் தொடர்பில் பிரச்சனையில்லை.

ஆரம்பத்தில்
2 முதல் 3 அல்லது 4 நிகழ்ச்சிகள் வரை
முன் கூடியே ஒலிப்பதிவு செய்யப்பட்டு ஒலிபரப்பப்படும்.
பின்னர் நேரடி ஒலிபரப்பாக தொடரும்.

மார்கழி மாதம் கிறிஸ்மஸ் பண்டிகை நாளில்
அதாவது
2006 மார்கழி 24ம் தேதி முதல் ஒலிபரப்பு ஆரம்பிப்பதால்

தமிழில் (30 நிமிடம்)

* கிறிஸ்மஸ் குறித்த தகவல் மற்றும் யேசு பாடல்
* மக்கள் திலகம் MGR குறித்த நினைவு நிகழ்ச்சி
* பயன்தரும் செய்தி குறிப்புகள்
* சிறுகதை அல்லது காட்சியும் கானமும்
அல்லது இசையோடு கதை(அதிக பட்ச காலம் 10 நிமிடம்)
* கவிதைகள்* புதிய பாடல்கள்
* புலம் பெயர் நாட்டு கலைஞர் மற்றும் திறமைசாலிகள் குறித்த
அறிமுகம் அல்லது பேட்டி
ஆகியன இடம்பெற இருக்கின்றன.

சிங்களத்தில் (15 நிமிடம்)
* பாடல்கள் : கலைஞர் சந்திப்பு மற்றும் அறிமுகம்.

இந்திய மசாலா (15 நிமிடம்)
இந்தியாவின் அனைத்து மொழி பாடல்களும்
இந்த மசாலா நிகழ்வுக்குள் இடம் பெறும்.

அடுத்த நிகழ்ச்சிகளில் நிச்சயம் மாற்றம் இருக்கும்.அதாவது கிடைக்கும் ஆக்கங்கள் பங்களிப்புகள் மற்றும் ஏனையோர் கருத்துகளை முன் வைத்து தரமான நிகழ்ச்சிகள் உருவாகும்.

கிடைக்கும் ஆதரவை முன் வைத்து
மாதம் இரு நிகழ்ச்சிகள் ஒலிபரப்பாகும்.

2007 ஜனவரி பெப்ரவரி மற்றும் மார்ச் மாதம் மாத்திரம்
மாதத்தின் இறுதி ஞாயிறு
சுவிஸ் நேரப்படி 19.00 மணி முதல் 20.00 மணி வரை ஒலிபரப்பாகும்.

2007 மார்ச் மாதம் தொடக்கம்
மாதத்தின் முதல் ஞாயிறு தோறும்
சுவிஸ் நேரப்படி 19.00 மணி முதல் 20.00 மணி வரை ஒலிபரப்பாகும்.

ஒலிபரப்புகளை
சுவிஸ் நாட்டில்.........
94.9 MHz
103.4 MHz
92.2 MHz
107.9 MHz
102.9 MHz
107.95 MHz
93.0 MHz
97.5 MHz
93.0 MHz
ஆகிய அலைவரிசைகளிலும்

இணைய ஒலிபரப்பினூடாக நேரடியாகவும் ஒலிபரப்பப்படும்.
(அது குறித்த தகவல் பின்னர் தரப்படும்)

உங்கள் கருத்துகளை இங்கே பதியலாம்.

ஆக்கங்களை
jeevan4you @gmail.com
என்ற
மின் அஞ்சலுக்கு அனுப்புங்கள்.

Jeevan4U
P.O.Box. 950
4601 - Olten
Switzerland

எனும் முகவரிக்கும் ஆக்கங்களை அனுப்பலாம்.

எம் மூச்சுக் காற்று
காற்றினில் கலந்து
உங்கள் இதய தாகமாய்
வானில் கலக்கும்
Jeevan4U
உங்கள் எண்ணங்களை சுமந்து வரும் வானோலி.

எனது அமெரிக்க - கனடாவுக்கான முதல் பயணம் இது .7

2006-10-29T12:34:00.000+01:00

இனிய நெஞ்சங்களே

வேலைபழு , நேரமின்மை ஆகிய பல காரணிகள் காரணமாக இத் தொடர் தாமதமாகியது.

அதற்காக வருந்துகிறேன்.

தங்கள் புரிந்துணர்வுக்கு நன்றி கூறி மீண்டும் பயணம் தொடர்கிறது.........!

நான் தலையை சொறியும் போது
சங்கரபாண்டி வெகு தூரம் காரை செலுத்தியிருந்தார்..................
எனவே
நான் அது குறித்து எதுவும் பேசாமல் அமைதியாக
காரினுள் உட்கார்ந்து இரவுடன் கூடிய அமெரிக்காவை ரசித்துக் கொண்டே நாட்டு நடப்புகளை பேசிக் கொண்டு வந்தோம்.

இரவு 11.00 மணியளவில் சங்கர் வீட்டுக்கு வந்திருப்போம் என்றே நினைக்கிறேன்.
வீட்டில் எல்லோரும் தூங்கியிருப்பார்கள் என்றே நினைத்தேன்.

காரை வீட்டின் முன் நிறுத்திய
சங்கர் எனது ஒரு பெட்டியை தூக்கிக் கொண்டு முன்னே நடக்க
அடுத்த பெட்டியை தூக்கிக் கொண்டு
நான் அவரை பின் தொடர்ந்தேன்.
கதவை திறந்து கொண்டு உள்ளே போனால்
உள்ளே எமது வரவுக்காக
சங்கர பாண்டியின் மனைவியார் ஜெயந்திகாத்திருந்தார்.
"வாங்க வாங்க..........."சிரித்த முகத்தோடு கூடிய வரவேற்பு.
அந்த இரவில் கூட எமக்காக காத்திருந்ததை
என் மனதுள் எண்ணியவுடன்
அன்றைய தின களைப்பு அத்தனையும்
பறந்தே போனது.

அவர்கள் தந்த அன்பான வரவேற்பில்
தந்த உணவு கூட மறந்தே போயிட்டு.

உண்மையில் நான் பெரிய உணவு பிரியனல்ல.

எங்கே எது கிடைத்தாலும் சாப்பிடும் பழக்கத்தை
சேனாநாயக்க என்ற என் நட்புக்குரிய ஆசிரியர் ஒருவரிடமிருந்து
பின் பற்றத் தொடங்கினேன்.

சிறுவயதில் என் தாயார் தெரியாத இடங்களில்
உணவருந்த வேண்டாம் என்றதால்
நான் வீட்டைத் தவிர வேறு எங்குமே உணவருந்துவதில்லை.
அதற்கு காரணம் புரியாமல் இருந்து
நான் அம்மாவுடன் கலகம் செய்த காலம் ஒன்றும் உண்டு.

அவரிடம் ஒரு மூட நம்பிக்கையாக அது இருப்பதை பின்னர்தான் கண்டு கொண்டேன்.

யாராவது ஏதாவது மந்திரித்து உணவுகளில் போட்டுக் கொடுத்து விடுவார்கள் என்ற மனப் பயமே அது.

மூடப் பழக்க வழக்கங்களிலிருந்து மக்கள் தெளிவு பெற வேண்டும் என்ற கருத்து எனக்குள் ஏற்பட என் ஆசிரியர் மூல காரணமானார்.
அவர்தான் கொலட் சேனாநாயக்க என்ற சிங்களவர்.

சேனாநாயக்க அவர்களுடன் ஏற்பட்ட நட்பு காரணமாக
அவரோடு போகும் இடங்களில் எல்லாம் யார் என்ன கொடுத்தாலும் சாப்பிட வேண்டி வந்தது.
அவர் அன்றைய JVPயின் தலைவர் றோகன விஜேவீரவின் நண்பராக மட்டுமல்ல
அன்றைய ஜேவீபியின் முக்கியமான ஒருவராக இருந்து
1971ல் நடை பெற்ற புரட்சியின் போது
இலங்கை அரசால் கைது செய்யப்பட்டு கொல்லப்பட்டார்.

சிறீமாவோ அரசு சிங்கள இளைஞரது புரட்சியை அடக்க
நடத்திய கொலை வெறியில் என் ஆசிரியரும் பிணமானார்.

அன்று
அவரது உயிரற்ற உடல்
போலீசாரால் மரம் ஒன்றில் தொங்கவிடப்பட்டிருக்கிறது
என்று கேள்வியுற்ற போது
பலர் தடுத்தும் அந்த சிறு வயதில்
நான் எப்படிப் போனேன் என்பதை நினைத்தால்
எனக்கே வியப்பாக இருக்கிறது.

அவரது உடல்
வெட்டுக் காயங்களுக்கு உட்படுத்தப்பட்டு
பெரியதொரு ஆல மரத்தில் தலை கீழாக தொங்க விடப்பட்டிருந்தது.
அருகே பலரது உடல்கள் டயர் போட்டு எரிக்கப் பட்டிருந்தன.

அவரது மரணம் சிறு வயதினனான என்னை வெகுவாகவே பாதித்தது.

அவர் சொன்னவை
இன்றும் என்னால் மறக்க முடியாதவை.............

"எவர் ஒருவர் உன் மேல் அன்பு கொண்டவராக இருக்கிறாரோ
அவர் ஒரு மர நிழலில் வாழ்ந்தாலும்
அவர் தருவது ஒரு பிடி கஞ்சியாக இருப்பினும் கூட
மனம் விரும்பி நன்றியுடன் அருந்த பழகு.
அதுவே அந்த மனிதருக்கு நீ செய்யும் மரியாதை."

சாப்பாட்டு பிரியனாக இல்லாமல்
கிடைப்பதை உண்ணும் மனப் பழக்கத்தை உருவாக்கிக் கொண்டேன்.
புலம் பெயர்ந்து வாழும் போது
எவரது மனதையும் நோகப் பண்ணாமல் வாழ
அது எனக்கு உதவியாகவே இருப்பதில் மகிழ்ச்சி...............

எனவே பசி ஆறும் போதே
அடுத்த நாள் என்னை BALTIMORE அழைத்துச் சென்று
ஒரு சில இடங்களை பார்ப்பதற்கு வழி செய்து விட்டு
வேலைக்கு செல்ல சங்கர் முடிவெடுத்தார்.

அடுத்த நாள் காலையில் எழுந்து
எக்ஸ்பிரஸ் வேகத்திலும் அன்போடு
உணவு பரிமாறுவதில் சங்கரும் ஜெயந்தியும்
போட்டி போட்டனர்.
ஊருக்கு போவதற்கு முன் மகள் மாதவியை
சந்திக்க முடிந்தது.
மின்மினி போல கண்ணுக்குள் வந்து விட்டு
போனது போன்ற உணர்வு எனக்குள்..........

வீட்டை விட்டுக் கிளம்புவதற்கு முன்
ஜெயந்தியின் கைத் தொலைபேசியை தந்த சங்கர்
ஏதாவது தேவையானால் இதைப் பாவிச்சு
என்னைக் கூப்பிடுங்க என்று சொல்லித் தந்தார்.

புதியவன் ஒருவன் தடுமாறினால்
அவனது பிரச்சனைகளை எப்படி தீர்ப்பது என்பதற்கு
அது உடந்தையாக இருக்கும் என்பதை
அவர்கள் அறிந்து வைத்திருந்தார்கள்.

BALTIMOREல்

BALTIMOREMARITIME MUSEUM
மற்றும்

NATIONALAQUARIUM
போன்றவற்றை பார்த்து விட்டு

The Walters Art Museum த்துக்கள் போன போது
உறைந்தே போனேன்...............

இரவு வீடு வந்த போது
மீண்டும்..............
சாப்பாடும்
நண்பர்களது அரட்டையும் களை கட்டியது.

தீர்க்க தரிசனம் மிக்க அரசியல் தலைவர் விஜய குமாரதுங்க

2006-10-10T00:57:00.000+02:00

- விஜய குமாரணதுங்க

நாம் வாழும் காலங்களில் தூரத்தே இருந்து பார்த்த மனிதர்கள்
புத்தகங்களில் படித்த மனிதர்கள் , இவர்களிடத்தில் பிரியப்படுவது இயல்பு.

என் சிறுவயதில் நீர்கொழும்பு கட்டான மகா வித்தியாலயத்தில்
கல்வி கற்கும் போது கட்டான தேர்தல் தொகுதியில் முதன் முதலாக
விஜய குமாரணதுங்க வேட்பாளராக நின்ற நேரத்தில் அவரோடு ஒன்றாக சென்ற தினங்கள் மறக்க முடியாதவை.

நான் முதன் முதலில் விஜய என்ற ஆடம்பரமே இல்லாத நடிகனை
பல உலக திரைப்பட விருதுகளை வென்ற என் திரைப்பட ஆசான்
அன்றூ ஜயமான்ன அவர்கள் எனக்கு அறிமுகம் செய்து வைத்தார்.

அது இலங்கையில் பிரபல்யமான
மிக முக்கிய கொலை கொள்ளைகளில் ஈடுபட்டு வந்த சிரிபால எனும் (நக்ஸல்பாரி) மறுசிரா என்ற திரைப்பட உருவாக்கத்தின் போதேயாகும்..........

மறுசிரா என்ற புனைப் பெயரில் அழைக்கப்பட்டு மக்களுக்காக உதவிகள் செய்து வாழ்ந்த வந்த சிரிபால
போலீசாரால் சுற்றி வளைக்கப்பட்ட போது
தன்னைத் தானே துப்பாக்கியால் சுட்டு தற்கொலை செய்து கொண்ட
ஒருவனின் உண்மைக் கதை.

மறுசிராவை இலங்கையின் முதலாவது சினமாஸ்கோப் திரைப்படமாக டிரைபோட் இல்லாமல் Hand Cameraவில் படமாக்கினார் எனது குரு அன்றூ ஜயமான்ன.

அதில் மறுசிராவாக நடிக்க விஜய (அய்யா) அண்ணன் வந்திருந்தார்.
நான் திரைப்படக் கல்வி கற்கத் தொடங்கிய காலம் அது.
என் ஆசானின் உதவிக்காக சென்றிருந்தேன்.

அத் திரைப்படத்தை நான்கு லட்சம் டையிட்டஸ் தொட்டவத்தை அவர்கள் இயக்கினார்.
ஒளிப்பதிவு இயக்கத்தை அன்றூ அண்ணன் செய்தார்.

ஒரு மாத காலம் அவர்களோடு இருந்ததால்
நெருக்கமான நட்பு எமக்குள் உருவானது.
எவரையும் தாழ்வு மனப்பான்மையோடு பார்க்கவே நினைக்காத
ஒரு மனிதனாக விஜய குமாரணதுங்கவை அங்கே கண்டேன்.

இதனால் விஜய் அவர்களது கட்டான பகுதி தேர்தல் காலத்தில்
(விடுமுறை காலங்களில்) உதவிகளுக்கு சென்றேன்.

பல காலத்துக்குப் பின்
என்னை தென் இந்தியாவில் வைத்து சந்தித்த போது
அதிர்ச்சியில் ஓடி வந்து என்னைக் கட்டித் தழுவியது
என்னால் மட்டுமல்ல என்னோடு நின்றவர்களையும்
அதிர்ச்சிக்குள்ளாக்கியது................

நான் சென்னையில் இருக்கும் போது
விஜய அண்ணன் (1988)படு கொலை செய்யப்பட்டார்
எனும் சேதி கேட்டு துவண்டு போனேன்.

இலங்கையின் சரித்திரத்திலேயே
அவரது மரண ஊர்வலத்தில் கலந்து கொண்டது போன்ற
சன சமுத்திரத்தை இலங்கை தேசம் கண்டிருக்கவில்லை
என ஊடகங்கள் எழுதின............
அதற்கு காரணமில்லாமல் இல்லை.
ஒரு நடிகனாக - அரசியல்வாதியாக அல்ல
உண்மையான ஒரு மனிதனாக வாழ்ந்தவன் என்பதை விட
ஒரு சாதாரண மனிதனாக இருந்தவன்
ஒருவனுக்காக மக்கள் திரண்டார்கள் என்பதே உண்மை..............

விஜய (குமாரணதுங்க) அண்ணன் குறித்த கட்டுரையை படித்த போது
என் கண்கள் பனித்தன.................
எனவே எனக்குள் மட்டுமல்ல
இங்கும் இணைத்துக் கொண்டேன்...........................

தீர்க்க தரிசனம் மிக்க அரசியல் தலைவர் குமாரதுங்க
-கலாநிதி குமார் ரூபசிங்க-

எமது காலத்தில் இலங்கை வரலாற்றில் தோன்றி பிரசித்தி பெற்ற நபர் யாரென எவரொருவர் வினவினால் அதற்கு உடனடியானதும், எளிதானதுமான பதிலாக அமைவது "விஜய குமாரதுங்க" என்பதாகும். 1945 ஆம் ஆண்டு அக்டோபர் மாதம் 9 ஆம் திகதி சீதுவையில் பிறந்த விஜய குமாரதுங்கவின் வாழ்க்கைத் திறமைகள் தொடர்பாக நோக்கும்போது உலகிலிருக்கும் ஒவ்வொருவரும் ஒவ்வொரு துறைகளில் கைதேர்ந்தவர்களாக இருப்பார்கள் என்ற புகழ் பெற்ற வசனம் சற்றே பொய்யானதாக இருக்கும்.

ஏனெனில், விஜய குமாரதுங்க சிங்கள சினிமாவில் பிரகாசித்தார். அது போலவே தனது இனிமையான குரலில் அவர் பாடிய பாடல் இன்னும் மக்கள் மனதில் பொதிந்து கிடக்கிறது. விஜய குமாரதுங்க என்பவர் மனிதத் தன்மைக்குரிய அனைத்து பண்புகளாலும் நிறைந்த யுகத்தை முந்திச் சென்ற நபரென்றே அவருடன் அன்பு செலுத்தி, அவரைப் பற்றி புரிந்து கொண்ட அனைவரும் ஒரே குரலில் சொல்லும் ஒரே கருத்தாகும்.

உண்மையில் விஜய குமாரதுங்கவிற்கும் எனக்குமிடையில் இருந்த சம்பந்தம் அற்புதமானது. எமது நட்பு 70களின் நடுப்பகுதி வரை தொடர்ந்து கொண்டிருந்தபோது, அப்போதிருந்த எமது "ஜன வேகய" (மக்கள் சக்தி) வேலைத் திட்டத்திற்கும் விஜய குமாரதுங்க பல வழிகளிலும் ஒத்துழைப்பு வழங்கினார். அதற்கமைய ஒருமுறை ஜன வேகயவிற்காக அச்சகமொன்று தேவைப்பட்டபோது அதைப் பெற்றுக் கொடுக்கவும் அவர் இணங்கினார்.

1974 ஆம் ஆண்டு கட்டான இடைத்தேர்தல் விஜய குமாரதுங்கவிற்கும் எனக்கும் மிக முக்கியமானதொன்றாக அமைந்தது. அந்த இடைத் தேர்தலின் பல ஏற்பாட்டு நடவடிக்கைகளை அன்றைய பிரதமரால் என்வசம் ஒப்படைக்கப்பட்டிருந்ததுடன், விஜய குமாரதுங்க முதல் தடவையாக ஷ்ரீலங்கா சுதந்திரக் கட்சியுடன் இணைந்ததும் அந்நாட்களில்தான். கட்டான சீதுவ என்பது அவரது ஊர். அங்கு நான் சென்றிருந்தபோதெல்லாம் அவரது உதவி, உபசரிப்புகள் எப்போதும் கிடைத்தன. நாம் இருவரும் இணைந்து கட்டான பிரதேசத்தில் சகல இடங்களுக்கும் நடை பயணம் மேற்கொண்டிருக்கிறோம்.

எப்படியிருப்பினும், இடைத் தேர்தல் காலத்தைப் போன்றே அதன் பின்னரும் ஐக்கிய தேசியக் கட்சியினரின் மரண தாக்குதல்கள் எம்மீது தொடர்ந்து கொண்டிருந்தன. ஒருமுறை அதைப்போன்றதொரு மரண தாக்குதலினால் விஜய குமாரதுங்க மிகவும் ஆபத்தான நிலையில் வைத்தியசாலையில் அனுமதிக்கப்பட்டிருந்தார்.

விஜய குமாரதுங்க சுதந்திரக் கட்சியுடன் இணைந்திருந்தாலும் ஆரம்பத்தில் அவர் உயர் வர்க்கத்தினர் என்ற மனோபாவத்திற்கு அவ்வளவாக விருப்பம் கொண்டிருக்கவில்லை. கட்டான இடைத் தேர்தலின் பின்னர் அவர் என்னிடம் பல சந்தர்ப்பங்களிலும் சுதந்திரக்கட்சியிலிருந்து விலகி நடுநிலைமையான மாற்றுக் கொள்கைகளுடைய வேறொரு அரசியல் கட்சியை கட்டியெழுப்புவோமென யோசனை செய்தார். எனினும், நான் அவரின் அந்த யோசனையை அச்சந்தர்ப்பங்களில் நிராகரித்தேன்.

விஜய குமாரதுங்க மட்டுமல்லாது, சுதந்திரக் கட்சியின் மேலும் 18 உறுப்பினர்களும் அந்த நிலைப்பாட்டைக் கொண்டிருந்ததுடன் நாம் அப்படி விலகிச்சென்றால் அது ஐ.தே.க. வின் தேர்தல் வெற்றிக்கு இலகுவாக வழி சமைத்துவிடுமென நான் அவர்களுக்கு சுட்டிக்காட்டினேன். 1975 இல் சமூகக் கட்சியை அப்போதைய ஐக்கிய முன்னணி அரசிலிருந்து நீக்க அப்போதைய பிரதமராகவிருந்த சிறிமாவோ பண்டாரநாயக்க எடுத்த நடவடிக்கையை அடுத்தே குறிப்பாக இந்த நிலைமை தோன்றியது.

இதேவேளை, 1977 ஆம் ஆண்டு தேர்தலுக்கு முதல் நாளன்று விஜய குமாரதுங்கவும் நானும் ஹொரகொல்லவில் சந்தித்துப் பேசினோம். அப்போதெல்லாம் அவர் சந்திரிகாவை தெரிந்து வைத்திருந்தார். "ஷ்ரீலங்கா சுதந்திரக் கட்சி குறித்து தற்போது என்ன நினைக்கிறீர்கள்." என்று நான் விஜய குமாரதுங்கவிடம் அங்கு வைத்து வினவினேன். அப்போது அவர், "எமது அரசியல் பயணம் சுதந்திரக் கட்சியுடனேயே செல்ல வேண்டும்" என்று பதிலளித்தார்.

இருப்பினும், நாளடைவில் விஜய குமாரதுங்க கருத்துவாதியாக முழுமைபெற்று பாண்டித்தியம் பெற்று, அதில் ஊறிப்போன அரசியல் ஆளுமையை வெளிப்படுத்தினார். 1977 ஆம் ஆண்டு தேர்தலில் தோல்வியைத் தழுவி அரசியல் சமுத்திரத்தில் மூழ்கும் கப்பலாக இருந்த காலத்தின்போதே அவர் சுதந்திரக் கட்சியின் சுமையை தனது தோளுக்கெடுத்தார். 1982 ஆம் ஆண்டு ஜனாதிபதித் தேர்தல் விஜய குமாரதுங்கவின் அரசியல் வாழ்க்கையில் பிரதான இலக்காக இருந்தது என்பதில் சந்தேகமில்லை. அப்போதெல்லாம் கட்சி அடிப்படையில் முற்போக்கு, பிற்போக்கு என இரண்டு பிரிவுகளாக பிரிந்து சென்றிருந்தது. அந்த வகையில் முற்போக்கு அணிக்கு தலைமைத்துவம் வகிக்கும் வரலாற்றுப் பொறுப்பை விஜய குமாரதுங்கவே ஏற்று நடத்தினார். இதில் கொப்பேகடுவவை ஜனாதிபதி வேட்பாளராக நியமித்தது விஜய குமாரதுங்க கண்ட முதல் வெற்றியாகும். அது தொடக்கம் அந்தத் தேர்தல் விஜய குமாரதுங்கவின் தேர்தலாகியது.

சுதந்திரக் கட்சிக்குள் ஏற்பட்ட கசப்பான அனுபவங்கள் காரணமாகவே அவர் 1984 இல் இலங்கை மக்கள் கட்சியை கட்டியெழுப்பினார். அதற்கு முன்னதாக அவர் முன்னின்ற மஹர இடைத் தேர்தல் இலங்கை வரலாற்றில் நடைபெற்ற மோசடிமிக்க இடைத் தேர்தலாக வரலாற்றில் பதிவாகியுள்ளதுடன் அவரது வெற்றியானது அரசின் அதிகாரத்தை பச்சாதாபமின்றி செலுத்தி தலைகீழாக மாற்றி வைக்கப்பட்டிருந்தது.
மக்கள் கட்சியை ஆரம்பித்ததன் பின்னர், மின்னேரிய இடைத் தேர்தலில் விஜய குமாரதுங்க போட்டியிட்டதுடன் அப்போது இலங்கையின் இரண்டாவது பெரிய அரசியல் சக்தியாக இருந்த ஷ்ரீலங்கா சுதந்திரக் கட்சியை பின்தள்ளி, விஜய குமாரதுங்கவின் இலங்கை மக்கள் கட்சி முந்திச் சென்றது. இதற்கிடையில் அவரது அரசியல் பயணத்துக்கு முன்பாக சுதந்திரக் கட்சி மக்கள் பார்வையில் இருந்து புறக்கணிக்கப்படும் ஒன்றாகவும் இந்தக் காலத்தில் தென்பட்டது.

விஜய குமாரதுங்கவும் இலங்கை மக்கள் கட்சியும் நாணயமொன்றின் இரு பக்கங்கள் போன்றதாகும். அந்தக் கட்சியின் பயணம் மிகவும் குறுகியதொன்றெனினும் இலங்கை அரசியலில் அக்கட்சியால் ஆரம்பித்து செய்து முடிக்கப்படாமல் இருக்கும் பணிகள் (சேவைகள்) தொடர்பாக இதுவரை எவரதும் சரியான பார்வை பட்டதாக தெரியவில்லை. இலங்கை மக்கள் கட்சி அடிப்படையில், சமூக ஜனநாயகவாத மார்க்கத்தில் பயணித்ததுடன் இலங்கையில் இனப் பிரச்சினை அதிர்வு பல வழிகளிலும் ஏற்பட்ட யுகத்தில் இன, குல, மத பேதங்களை புறந்தள்ளி எமது நாட்டின் அண்மைய காலத்தில் நாட்டின் சகல இன மக்களையும் ஒரேயொரு அரசியல் சக்தியான விஜய குமாரதுங்கவின் தலைமையில் தோன்றிய அந்த மக்கள் கட்சி மட்டுமே.

இலங்கை இனப் பிரச்சினை மற்றும் அரசியல் தீர்வு பற்றி பேசும்போது மா மனிதர் யுகத்தை முந்திச் சென்றவர் என்பதில் எந்த ஐயப்பாடும் கிடையாது. உண்மையில் இன்றும் கூட எம்மில் சில அரசியல்வாதிகள் தேசிய பிரச்சினைக்கு அரசியல் தீர்வாக சகல இன மக்களினதும் அபிலாஷைகளை பூரணப்படுத்தக் கூடிய சமஷ்டி முறை பற்றி பேசக்கூட அஞ்சுகிறார்கள். எனினும், விஜய குமாரதுங்க இற்றைக்கு 20 வருடங்களுக்கு முன்பே அதாவது 1985/86 காலப் பகுதிகளிலேயே இலங்கை இனப் பிரச்சினைக்கு சமஷ்டி முறையிலான அரசியல் தீர்வே ஒரேயொரு இறுதித் தீர்வென அச்சமின்றி சுட்டிக்காட்டியிருந்தார்.

சில வேளைகளில், அவர் சமஷ்டி முறை பற்றிப் பேசும்போது நாட்டில் பலரும் அவ்வாறான சொல்லொன்றைக் கூட கேள்விப்பட்டிருக்கவில்லை. விஜய குமாரதுங்க கொண்டிருந்த இந்த அரசியல் நிலைப்பாடு காரணமாகவே அப்போதிருந்த ஜயவர்தன அரசுக்கும் கூட தாங்கள் கடைப்பிடித்துக் கொண்டிருந்த தமிழ் விரோத மற்றும் இந்திய விரோத நிலைப்பாட்டில் இருந்து விடுபட்டு யுத்தத்துக்கு பதிலாக அரசியல் தீர்வொன்றை நோக்கிச் செல்ல வேண்டி ஏற்பட்டதென்றால் அது மிகையாகாது;
இவ்வாறானதொரு சூழ்நிலையில் விஜய குமாரதுங்க 1986 ஆம் ஆண்டு யாழ்ப்பாணம் மற்றும் சென்னை சுற்றுப் பயணம் மேற்கொண்டு வடக்கிற்கும் தெற்கிற்கும் இடையில் அரசியல் இளைப்பாறல் ஒன்றை ஏற்படுத்த தானாக முன்வந்து செயற்பட்டார். யாழ்ப்பாணம் சென்ற விஜய குமாரதுங்க உட்பட்ட குழுவினரை அங்குள்ள சாதாரண மக்கள் வரவேற்ற முறையிலிருந்தே அவர் மீது, வட பகுதி மக்கள் வைத்திருந்த அசைக்க முடியாத நம்பிக்கை வெளிப்பட்டது. இதேநேரம் சென்னைக்கும் சென்ற விஜய குமாரதுங்கவை சந்திக்கவென அப்போது, தமிழ் நாட்டில் தங்கியிருந்த வடக்கின் சகல போராட்டத் தலைவர்களும் வந்திருந்தனர். இன்னொறு, சிங்கள, தமிழ் மக்களிடையே தோன்றியிருந்த பரஸ்பர வைராக்கியம், நம்பிக்கையின்மை மற்றும் இடைவெளியை குறைப்பதற்கு வெற்றிமிக்கதொரு அனுசரணையாளர் பாத்திரத்தை அவர் நிறைவேற்றினார்.

எனினும், விஜய குமாரதுங்க வீழ்ச்சி கண்டு கொண்டிருக்கும் ஐ.தே.க.வை நிலை நிறுத்த செயற்படுவதாக, அவரது இந்த சுற்றுப் பயணத்தை விமர்சித்த பிற்போக்கு சக்திகள் குற்றஞ்சாட்டின. அத்துடன், அவரொரு பச்சைப் புலியெனவும் (கொல கொட்டியா) பிரசாரம் செய்தனர். யாழ்ப்பாணம் சென்ற விஜய குமாரதுங்கவிற்கு அப்போது விடுதளைப் புலிகளின் பொறுப்பிலிருந்த பொலிஸ் அதிகாரிகள் குழுவொன்றையும் விடுதலை செய்ய முடிந்தது.

அத்துடன், அப்போதைய நிலைமையில் கொழும்பு நகரில் இடைவிடாமல் இடம் பெற்று வந்த குண்டு வெடிப்புகளினால் மக்கள் நகரத்துக்கு வர அச்சம் கொண்டிருந்ததால் நாளுக்கு நாள் நாடு அராஜக நிலைமைக்குள் தள்ளப்பட்டு வந்தது. அந்த வகையில் விஜய குமாரதுங்கவின் சென்னை சுற்றுப் பயணத்தின் இன்னுமொரு பிரதான நோக்கமாக அமைந்தது என்னவெனில், நாட்டில் அப்பாவி பொது மக்களை இலக்கு வைத்து கொழும்பு நகரில் தாக்குதல்களை நிறுத்துமாறு வடக்கின் ஆயுதக் குழுக்களிடம் வேண்டுகோள் விடுப்பதாகும். உண்மையில் அதிலிருந்து சில காலம் வரை அவ்வாறான துரதிஷ்ட வசமான சம்பவங்கள் நிறுத்தப்பட்டிருந்தன. இதற்கிடையே வடக்கின் ஆயுதக் குழுக்களிடம் மட்டுமல்லாது சாதாரண பொது மக்களும் விஜய குமாரதுங்க மீது மிகவும் நம்பிக்கை வைத்திருந்தமை சகல திசைகளிலும் காணக்கூடியதாக இருந்தது.

அதேபோல், ஜயவர்தன நிர்வாகத்தின் யுத்தவாதத்திற்கும் ஷ்ரீ லங்கா சுதந்திரக் கட்சியாலும் தடைக்குட்பட்டிருந்த ஜே.வி.பி.யினது இனவாதத்திற்கு அமைதியான வழியில் பதில் கொடுத்த அவர் நாட்டின் சகல முற்போக்கு பிரிவினரும் ஒரே அரசியல் மார்க்கத்திற்குள் கொண்டு வரும் பாரிய முயற்சியில் ஈடுபட்டிருந்தார். குறிப்பாக, அப்போதைய நிலைமையில் நாட்டின் எதிர்க்கட்சி சக்திகள் வரலாற்றில் எப்போதும் கண்டிராத, நினைத்திராத வகையில் முரண்பட்டு ஆதரவற்றுக் கிடந்தன.

விஜய குமாரதுங்க மார்க்சிசவாதியாக இல்லாவிட்டாலும் விஞ்ஞானமய சோசலிசத்தில் லெனினால் சுட்டிக்காட்டப்பட்ட, இனங்களின் சுயாட்சி உரிமையை ஏற்றுக் கொண்டு இனப் பிரச்சினை சமூக ஜனநாயகவாத சமூக முறையொன்றுக்குள் அமைதியாக தீர்க்கப்பட வேண்டும் என்ற பூரணமான சுபமான பிரவேசத்தில் இருந்தார். அதற்கமைய பண்டைய இடதுசாரி ஜாம்பவான்களான கொல்வின், கெனமன் மற்றும் வாசுதேவ போன்ற தலைவர்களைக் கூட தனது அரசியல் மார்க்கத்திற்குள் இணைத்துக் கொள்ள அவரால் முடிந்திருந்தது.

விஜய குமரதுங்க உயிரிழப்பதற்கு முன்னர், ஸ்தாபிக்க திட்டமிட்டிருந்த ஐக்கிய தேசலிச முன்னணியை அவர் உயிருடன் இருக்கும் போதே உண்மையாக்கிக் கொள்ள அவருக்கு எதிராக வைராக்கியம் கொண்டிருந்த பிற்போக்கு சக்திகள் இடமளிக்கவில்லை. எனினும், அந்த ஐக்கிய சோசலிச முன்னணியை உண்மையாக்கி அவருக்கு வாழ இடமளித்திருந்தால் உண்மையில் எமது நாட்டின் அரசியல் பயணப் பாதை இதற்கு மேலும் சுபமாக இருந்திருக்க இடமிருந்தது.

இறுதியாக, விஜய குமாரதுங்கவைப் பற்றி கூற முடியாது என்னவெனில், இற்றைக்கு 20 வருடங்களுக்கு முன்னர் தீர்க்கதரிசனம் மிக்க அறிவுடன் எமது நாட்டின் தேசிய பிரச்சினை தொடர்பில் அவர் வகித்த அந்த முற்போக்கு எண்ணக் கருக்களுக்கு அப்பாற்பட்ட தீர்வொன்றை தேடிக் கொள்ள இன்று வரையிலும் எமது அரசியல் தலைவர்களுக்கு முடியவில்லை என்பதாகும். அதற்கமைய எமது நாட்டின் தேசியப் பிரச்சினைக்கு அரசியல் தீர்வோன்றைத் தேடிச் செல்லும் பயணத்தில் விஜய குமாரதுங்க எனும் மகா யுகபுருஷர் சர்வகாலமும் பொதித்து கிடக்கும் நினைவுப் பதிவாகும்.

நன்றி: தினக்குரல்

கனவின் கோட்டோவியங்கள்: அலெக்சாண்டர் சுக்ரெவ்

2006-10-09T22:38:00.000+02:00

உலக சினிமா வரலாற்றில் ருஷ்யாவிற்கு எப்போதுமே தனியிடம் உண்டு. சினிமாவின் வளர்ச்சியில் எப்போதுமே ருஷ்யா முன்னோடியாக இருந்திருக்கிறது. திரைக்கோட்பாடுகள் மற்றும் புதிய உத்திகளைப் பயன்படுத்துவதில் ருஷ்ய இயக்குனர்கள் வழிகாட்டிகளாக இருந்து வந்திருக்கிறார்கள். சினிமாவை மக்களுக்கான கலை வடிவம் என்று அரசும் திரைக் கலைஞர்களும் உணர்ந்திருந்தார்கள். புரட்சிக்குப் பிந்திய ருஷ்யாவில் சினிமா ஒரு முக்கிய கலைவடிவமாக வளர்த்து எடுக்கப்பட்டது. குறிப்பாக ருஷ்ய சினிமாவின் கறுப்பு வெள்ளை கால முயற்சிகள் பலவும் இன்றளவும் சினிமா உலகில் தொடர்ந்து பேசப்படுவதாக உள்ளன.

ஐசன்ஸ்டீன், ருஷ்ய திரைப்பட உலகின் பிதாமகராகக் கொண்டாடப்படுகிறார். அவரது ‘பேட்டில்ஷிப் பொடம்கின்’யின் பாதிப்பு முக்கிய இயக்குனர்கள் பலரிடமும் வெளிப்படையாகக் காணப்படுகின்றது. ‘பேட்டில்ஷிப் பொடம்கின்’ ஒரு வரலாற்று ஆவணம். இந்தப்படம், ஒரு காட்சிக் கலையின் ஆகச் சிறந்த நுட்பமாக வெளிப்பட்டதோடு சமூக உண்மைகளுக்கான சாட்சியாகவும் அமைந்திருந்தது. ஐசன்ஸ்டீனின் புகழ்பெற்ற படத்தொகுப்பு உத்தியான மாண்டாஜ் சினிமாவிற்குக் கிடைத்த சிறந்த பரிசாகும். தனித்தனி காட்சிகளை மாற்றி அடுக்குவதன் வழியாக, காட்சிகளின் மூலம் தரக்கூடிய கருத்துக்களின் தொகுப்பை உருவாக்குவதுதான் மாண்டாஜ். ‘வெர்தோவின் மேன் வித் எ மூவி கேமிரா’, ‘டவ்சென்கோவின் ஆர்சனல்’ போன்ற படங்கள் திரைப்பட வளர்ச்சிக்கு முக்கிய காரணிகளாகயிருந்தன.

ஐசன்ஸ்டீனுக்குப் பிறகு வந்த ருஷ்ய திரைப்பட மேதைகளில் சமகால உலகத் திரைப்பட வரலாற்றில் தனித்த நட்சத்திரமாக அறியப்படும் ஆந்த்ரே தார்கோவெஸ்கி கவித்துவமான சினிமாவை உருவாக்கிக் காட்டியுள்ளார். தார்கோவெஸ்கியின் திரைப்படம் மனித இருப்பு குறித்த ஆதாரமான கேள்விகளை ஆராயக்கூடியவை. திரைக்கலையின் புதிய பக்கங்களை உருவாக்கிக் காட்டிய தார்கோவெஸ்கியிடமிருந்தே இந்தத் தலைமுறை ருஷ்ய சினிமா துவங்குகிறது. தார்கோவெஸ்கியின் பாதிப்பிலிருந்து உருவான புதிய அலை என்று கூட இதைச் சொல்லலாம். தார்கோவெஸ்கி படித்த திரைப்படக்கல்லூரியில் பயின்று, அவரது விருப்பத்திற்குரிய நண்பர்களாக இருந்த அலெக்சாண்டர் சுக்ரோவும் பரஜினேவும் தற்கால ருஷ்ய சினிமாவிற்கு உலக அரங்கில் முக்கிய கவனத்தை உருவாக்கித் தந்தார்கள். சுக்ரோவ்வின் சினிமா, சம்பிரதாயமான கதைப்படங்களுக்குக் கொஞ்சமும் தொடர்பில்லாதது. நவீன ஓவியத்தோடு மிக நெருக்கமான ஒரு திரை வடிவம் என்று சொல்லலாம். ஓவியரைப் போலவே நிறங்களின் வழியே உணர்ச்சியை வெளிப்படுத்துதலும் அரூபங்களைக் காட்சியாக்குவது மற்றும் காட்சிகளை அரூபமாக்குவதுமே அவரது தனித்துவங்கள்.

திரைப்பட வரலாற்றில் பரிசோதனை முயற்சிகளுக்கு எப்போதுமே தனியிடமிருந்து வருகிறது. ஊமைப் படங்களில் இருந்து, சினிமா பேசத் துவங்கி இன்று டிஜிட்டல் தொழில் நுட்பம்வரை சினிமாவின் வளர்ச்சி ஒவ்வொன்றும் ஏதோ ஒரு கலைஞனின் உள்ளார்ந்த ஆசையிலிருந்தே துவங்கியிருக்கிறது. தனது வேட்கையைத் திரைப்படத்தின் வழியாக சாதித்துக் காட்டிய கலைஞனே சினிமாவின் முன்னோடியாக கருதப்படுகிறான். அந்த வகையில் அகிரா குரசோவா, பெலினி, பெர்க்மன், தார்கோவெஸ்கி, லூயி புனுவல், கோடார்ட், ஆண்டனியோனி என்று தொடரும் தனித்த ஆளுமைகளின் பட்டியல் மிகப் பெரியது. லூயி புனுவலும் புகழ்பெற்ற ஓவியரான சல்வதோர் டாலியும் ஒன்றிணைந்து ‘ஆந்தலூசியன் டாக்’ என்ற படத்தை உருவாக்கினார்கள். இந்தப் படம் சர்ரியலிச திரைப்படங்களுக்கு ஒரு முன்னோடி. படத்தின் ஆரம்ப காட்சி ஒன்றில் ஒரு கண்ணை, கத்தி ஒன்று குறுக்காக வெட்டி இரண்டாகக் கீறிவிடும். டாலி அதைப் பற்றிக் கூறும்போது நமது மரபான பார்வைகளுக்கு வெளியில் வேறு காட்சிகளும், பதிவுகளும் உள்ளது. அதை நோக்கி நாம் முன்னேறிச் செல்லவேண்டிய அவசியமிருக்கிறது என்பார். இந்த தேடுதல்தான் எல்லா கலைஞர்களையும் கொண்டு செலுத்திக் கொண்டிருக்கிறது.

சினிமாவை உருவாக்குகின்றவர் என்று விமர்சிக்கப்படும் பெலினி காண்கலையின் நுட்பங்களையும் யதார்த்தம் குறித்த பழைய பார்வைகளையும் உருமாற்றிவிடுகிறார். பெலினியின் படங்கள் சினிமாவின் வழியே யதார்த்தம் பற்றிய புரிதல்களை விரிவடையச் செய்கிறது. இது அறிவு பூர்வமான தளத்தில் பெலினியிடம் வெளிப்படுகிறது என்றால், சார்லி சாப்ளினிடம் கேளிக்கையாகவும் மிக எளிமையாகவும் வெளிப்படுகிறது. சாப்ளின் திரைப்படங்கள் ஒவ்வொன்றும் ஒரு சோதனைப் படங்களே. சாப்ளின் தன் காலத்தின் கேள்விக்குப் பதில் சொல்கின்றவராகயிருந்தார். மனித வேதனைகளை அவர் பகடி செய்பவராகச் செயல்பட்டார். வாழ்வின் ஒவ்வொரு நிமிஷத்தையும் அனுபவிப்பவனே உண்மையில் சுதந்திரமாக இருக்கிறான் என்பதையே அவரது கதாபாத்திரம் வெளிப்படுத்தியபடியிருந்தது.

அலெக்சாண்டர் சுக்ரோவின் சினிமா இந்த மரபிலிருந்து உருவானதே.
சுக்ரோவ் உக்ரேனில் பிறந்தவர். பெற்றோர்கள் போலந்திற்கு இடம்பெயர்ந்து போன காரணத்தால் சிறுவயது முழுவதையும் போலந்தில் கழித்தவர். கல்லூரி நாட்களின்போது மீண்டும் மாஸ்கோ வந்த சுக்ரோவ், கார்க்கி பல்கலைக்கழகத்தில் வரலாறு பாடத்தைப் பயின்றார். பிறகு மாஸ்கோவில் உள்ள அரசு திரைப்படக் கல்லூரி ஒன்றில் சேர்ந்து படித்தார். அந்த நாட்களில் தார்கோவெஸ்கியின் நட்பு கிடைத்தது. அதன் காரணமாக தார்கோவெஸ்கியின் ஆழ்ந்த பாதிப்பிற்கு உள்ளானார். சுக்ரோவ், திரைப்படக் கல்லூரியில் மாணவராக இருந்த நாளில் உருவாக்கிய ‘A Lonely Voice of Man’ படத்தை கல்லூரிப் பேராசிரியர்களும், மதிப்பீடு செய்ய வந்த நடுவர்களும், மனவெறுமையைப் பேசும் படம் என்று புறம் தள்ளியபோது, அந்த நடுவர் குழுவில் இருந்த தார்கோவெஸ்கி படம் மிகச் சிறப்பானது என்று வாதிட்டு படத்தை திரைப்பட விழாவில் பங்கேற்கச் செய்தார்.

சுக்ரோவின் ஆரம்பகால படங்களில் சில அன்றைய அரசின் கட்டுப்பாடுகளால் தடை செய்யப்பட்டது. அத்தோடு அவரது அரசியல் நிலைப்பாட்டின் காரணமாகத் தொடர்ந்து கண்காணிக்கப்படுகின்றவராகவுமிருந்தார் சுக்ரோவ். நோபல் பரிசு பெற்ற ருஷ்ய எழுத்தாளரான அலெக்சாண்டர் கோல்சனிட்சென் பற்றி ஆவணப்படத்திற்காக, சுக்ரோவ் மீது அன்றைய ருஷ்ய அரசு நடவடிக்கை எடுத்து விசாரணை செய்தது. இதுபோன்று தொடர்ந்து அச்சுறுத்தப்படும் சூழலுக்கு நடுவில் ஆவணப்படங்களையும் முழுநீள திரைப்படங்களையும் தொடர்ந்து இயக்கி வந்தார் சுக்ரோவ். திரைக்கோட்பாடுகள் மீது தனக்கு நம்பிக்கையில்லை. தனது மனப்பதிவுகளுக்கு திரைவடிவம் கொடுப்பதற்காக அந்த இலக்கணங்களை மீறுவதில் தவறில்லை என்று கூறும் சுக்ரோவ் ருஷ்யாவிற்கு வெளியில் ‘மதர் அண்ட் சன்’ என்ற திரைப்படத்தின் வழியாக அறிமுகமானார். அத்திரைப்படம் பல்வேறு உலகத் திரைப்பட விழாக்களில் பங்கேற்றதோடு புதிய சினிமா மொழியை உருவாக்கியவராக சுக்ரோவிற்குப் பெருமை தேடித் தந்தது. கான்ஸ் திரைப்பட விழாவில் ‘மதர் அண்ட் சன்’ திரைப்படம் ஒரு பெரிய எழுச்சியை எழுப்பியது.

சுக்ரோவின் திரைப்படங்கள் இரண்டு விதமானவை. ஒன்று, குடும்ப உறவின் நுட்பத்தையும் மனிதர்களுக்குள் ஏற்படும் சுகதுக்கங்களின் அறியப்படாத மன அடுக்குகளைத் திறந்து காட்டுவதுமாகும். மற்றொன்று, கலாச்சார, அரசியல் அடையாளங்களாக முன்னிறுத்தப்படும் தனி நபர்களின் வாழ்வும் அது சந்தித்த நுட்பமான சிக்கல்களையும் பற்றியது. ஆகவே இவரது படங்கள் தனித்தனிப்படங்களாக அறியப்படும் அதே வேளையில், ஒரு கூட்டுத் தொகுப்பு போல ஒன்றிருந்து ஒன்று பிரிக்கப்பட முடியாததாகவுமிருக்கின்றன.‘Moloch’, ‘Taurus’, ‘the sun’ ஆகிய மூன்று படங்களும் முறையே ஹிட்லர், லெனின் மற்றும் ஐப்பானிய அரசர் ஹிராகுடாவின் வாழ்வை மையமாகக் கொண்டவை. இந்த முத்தொகுப்பு படங்கள் அரசியல் அடையாளமாக முன்னிறுத்தப்படும் இந்த மூவரின் தனிப்பட்ட வாழ்வை விவரிக்கக் கூடியது. மூன்றிலும் அடையாளங்களுக்கு வெளியில் சாதாரண மனிதர்களைப் போல அவர்கள் இருப்பதற்கு என்ன சாத்தியங்கள் உள்ளன என்பதே ஆராயப்படுகிறது. ‘மொலாஸ்’ படம் ஹிட்லருக்கும் அவரது காதலியான ஈவா ப்ருனுக்கும் உள்ள காதலைப் பற்றியது. ஹிட்லர் தோற்றுப்போவதற்கு முந்திய வாரத்தில் அவரும் ஈவா ப்ரூனும் தனியே ஒரு பண்ணை வீட்டில் தங்கியிருக்கிறார்கள். அந்த ஒரு நாளில் அவர்கள் இடையே இருந்த நட்பும், மனச்சிக்கலும் அதில் ஏற்படும் மீட்பு உணர்வையும் படம் பிரதிபலிக்கிறது. ஈவாவின் பார்வையில் விவரிக்கப்படும் ஹிட்லரின் தனிப்பட்ட நடவடிக்கைகளையும் அவரது மன நெருக்கடியையும் அவரது தோல்வியின் அறிகுறிகள் சொந்த வாழ்வில் தோன்றத் துவங்குவதையும் படம் விவரிக்கிறது. கான்ஸ் திரைப்பட விழாவில் பரிசு பெற்ற இந்தத் திரைப்படம் இதுவரை ஹிட்லரைப் பற்றி எடுக்கப்பட்ட படங்களில் மிகவும் வேறுபட்டதாகும். ஈவா, ஏன் இதுபோன்ற ஒரு மனிதனைக் காதலித்தாள்? அவளது துயர வாழ்வு என்ன அர்த்தத்தை உருவாக்குகிறது என்பதை உளவியல் கண்ணோட்டத்தில் காண்பது இப்படத்தின் சிறப்பம்சம். இப்படத்தை திரை, சாதனையாளர்களான ‘Fritz Lang F.W. Murnau’ படங்களோடு ஒப்பிட்டுப் பேசுகிறார்கள் திரை விமர்சகர்கள்.

இதுபோலவே ‘டாரஸ்’ திரைப்படம் ருஷ்ய புரட்சியாளர் லெனின் வாழ்வை விவரிக்கிறது. இந்த இரண்டு படங்களையும் விடவும் ஜப்பானிய மன்னரான ஹிராகுடாவின் வாழ்வை விவரிக்கும் ‘சன்’ திரைப்படம் மிக முக்கியமானதாகும். ஜப்பானிய மன்னருக்கு வன்முறை மற்றும் அரசு அதிகாரங்களில் அதிக நாட்டமில்லை. அவர் இயல்பிலேமென்மையான மனது உடையவராக, கலைகளை ரசிக்கக் கூடியவராக இருக்கிறார். ஆனால் அரசவம்சம் அவரை சக்கரவர்த்தியாக்கி அரியணையில் உட்கார வைத்த பிறகு நிர்ப்பந்தம் காரணமாக அவர் தொடர்ந்து வன்முறைக்கும் யுத்தத்திற்கும் கட்டளை இடுபவராக மாறுகிறார். அவரது சொந்த விருப்பங்கள் அரசியல் காரணங்களால் தொடர்ந்து அழித்து ஒழிக்கப்படுகின்றன. அதிகாரம் ஒரு தனி மனிதனின் சொந்த விருப்பு வெறுப்புகளைக்கூட விட்டு வைப்பதில்லை என்பது படம் முழுவதும் தெளிவாகப் புலப்படுத்தப்படுகிறது. இந்த நெருக்கடியின் உச்சபட்சமாக அவர் இரண்டாம் உலக யுத்தத்தில் ஜப்பான் சரண் அடைவதாக அறிவிக்கிறார். அந்த வீழ்ச்சி அவரது தனிப்பட்ட வாழ்வின், ஜப்பானிய அரசாட்சி மரபின் வீழ்ச்சியாக அடையாளப்படுத்தப்படுகிறது.

இந்த மூன்று படங்களைப் போலவே அவரது ‘Mother and Son’ மற்றும் ‘Father and Son’ இரண்டும் குடும்ப உறவின் அரூபமான தளங்களை விவரிக்கின்றது. ‘மதர் அண்ட் சன்’ படம் உடல்நலமற்ற ஒரு தாயைப் பராமரிக்கும் மகனைப் பற்றியது. தாயும்,மகனும் பசுமையான புல்வெளி ஒன்றின் நடுவில் உள்ள சிறிய வீட்டில் குடியிருக்கிறார்கள். அம்மாவின் நினைவுகளும் அவளது கனவும் மகனது வெறுமையும் காட்சிப்படுத்தப்பட்டிருக்கின்றது. கதை சொல்லல் என்று இப்படத்தில் தனியாக எதுவுமில்லை. மரணத்தின் தருவாயில் உள்ள அம்மாவின் மீதான நெருக்கமே படம் முழுவதும் வெளியாகிறது. காட்சிகள் கனவிலிருந்து துண்டிக்கப்பட்டது போன்று உள்ளன. மிக பச்சைப் பசுமையான இயற்கை, பறவைகளின் சப்தங்கள் மற்றும் இந்த பிரபஞ்சத்தின் ரகசிய அறை ஒன்றைப் போலிருக்கும் வீடு என்று மயக்க நிலையைத் தோற்றுவிக்கிறது மதர் அண்ட் சன். காட்சிகள் மிக மெதுவாக நகர்கின்றன. சாவின் வெறுமையை சந்திக்கப் போகும் மனநிலை கொண்டிருக்கிறான் மகன் என்பதால், அவனுக்கு அம்மாவின் ஒவ்வொரு சிறு அசைவும் மிக முக்கியமாக இருக்கிறது. அவர்கள் இருவரும் பால்ய நினைவுகளுக்குள் செல்கிறார்கள். அம்மா உணர்ச்சியின் ஆழ்ந்த கதியில் செயல்படுகிறாள். நிலவியல் ஓவியங்களைப் போல காட்சிகள் ஒவ்வொன்றும் தன் அளவில் முழுமையானதாக உள்ளன. இப்படத்தின் ஒளியும் இயற்கையும் முன்காணாத அற்புதம் போல காட்சி வசப்படுத்தப்பட்டுள்ளன. மிக குறைவான உரையாடல்கள், நெடுநேரம் பின்புலத்தில் சலனமேயில்லை. இசையும் ஒரு நீரோட்டம் போல மெதுவாக கடந்து செல்கிறது. தாயும் மகனும் பேசிக்கொள்வதை விடவும் அவர்கள் ஒருவர் மீது ஒருவர் பார்வையாலும் பாவனைகளாலும் பேசிக்கொள்கிறார்கள். அம்மா இவ்வளவு பிரகாசமும், வனப்புமான உலகிலிருந்து விடைபெற்றுக் கொண்டுவிடப் போகிறாள் என்பதற்காகவே காட்சிகள் துல்லியமாகப் படமாக்கப்பட்டிருக்கின்றன.
சாவு குறித்த பயம் என்பதை விடவும் சாவு துண்டித்து விடப்போகின்ற உலகின் பரவசத்தை இந்தப் படம் விவரிக்கிறது. அத்தோடு இந்த உறவுகள் யாவும் நேரடியான தளத்திற்கு அப்பால் இயற்கையைப் போல நம் வாழ்வைத் தொடர்ந்து பாதித்துக் கொண்டேயிருக்கப் போகிறது என்பதையும் வெளிப்படுத்துகிறது ‘மதர் அண்ட் சன்’. படத்தின் ஒளிப்பதிவு ஆகச் சிறந்த ஒன்று. மிக மெதுவான படம் என்று விமசகர்களால் குற்றம் சாட்டப்பட்ட போதும் இப்படம் கண்ணுக்கு தெரியாத துக்கத்தைத் திரையில் விவரிக்கிறது என்பதை பார்வையாளர்கள் புரிந்துகொள்ள முடிகிறது. அத்தோடு மிக நீண்ட காட்சிகளாக அமைக்கப்பட்டிருப்பதால் அந்தக் காட்சிகளின் ஒரு பகுதியாக பார்வையாளன் மாறிவிடுவதையும் காணமுடிகிறது. தார்கோவெஸ்கியின் ‘மிரர்’ படத்தின் தாக்கத்தில் உருவான படம் என்று திரை விமர்சகர்கள் இதை வகைப்படுத்துகிறார்கள். காரணம், தார்கோவெஸ்கியைப் போல நீண்ட காட்சிகளை அதிகம் பயன்படுத்தியது மற்றும் இயல்பான நடிப்பு மற்றும் இயற்கை சார்ந்த இசையைச் சார்ந்து உருவாக்கியதுமேயாகும்.

‘மதர் அண்ட் சன் உலகத்’ திரைப்பட விழாவில் ‘Moscow International Film Festival Special Jury Prize;’ ‘Russian Film Critics Award;’ ‘Andrei Tarkovsky Award’ உள்ளிட்ட பல முக்கிய விருதுகளைப் பெற்றது. அதன் தொடர்ச்சியாக சுக்ரோவ் மிகவும் பேசப்படுகின்ற இளம் இயக்குநர்களில் ஒருவராக அறியப்படத் துவங்கினார்.
இப்படத்தின் தொடர்ச்சி போல சுக்ரோவ் உருவாக்கியது ‘Father and Son.’ படம் ஒரு கற்பனையான நகரில் நடக்கிறது. ஒரு அடுக்குமாடி குடியிருப்பின் மேல்தளத்தில் அப்பாவும் பையனும் குடியிருக்கிறார்கள். அவர்களது உலகம் மிகச் சிறியது. புறஉலகின் பாதிப்பிலிருந்து விலகி தங்களுக்குள்ளாகவே அவர்கள் ஒரு தனி உலகை உருவாக்கிக் கொண்டிருக்கிறார்கள். இருவரது தோற்றமும்கூட அப்பா, பையன் போல இல்லை. இரண்டு சகோதரர்கள் போன்ற சாயலே காணப்படுகிறது. அப்பா, ராணுவத்திலிருந்து ஓய்வு பெற்று வீடு திரும்பியவர். அவர் தனது வாலிப வயதில் ஒரு பெண்ணைக் காதலித்து திருமணம் செய்துகொள்கிறார். பையன் பிறந்தபோது மனைவி இறந்துபோய்விடவே தானே தனது மகனை வளர்க்கிறார். அதனால் அவரது மகனுக்கும், அவருக்கும் மிக நெருக்கமானதொரு உறவு வளர்கிறது. அப்பாவின் ஆளுமையில் உருவான அலெக்சி, அப்பாவைப் போலவே தானும் ராணுவத்தில் சேர்கிறான். விளையாட்டில் மிகுந்த ஆர்வம் காட்டுகிறான். அலெக்சி ஒரு இளம்பெண்ணைக் காதலிக்கிறான். அவள் பல நேரங்களில் அப்பாவிற்கும் அவனுக்குமான நெருக்கத்தைக் கண்டு பொறாமைப்படுகிறாள். தன்னிடம் ஏன் அலெக்சி அவ்வளவு இணக்கமாக இருக்க மறுக்கிறான் என்று அவளுக்குப் புரியவேயில்லை.

அப்பாவிடமிருந்து தன்னால் விடுபடவே முடியாது என்பதை அலெக்சி உணரத் துவங்கும்போது ஏற்படும் குழப்பங்கள், அவனது குடும்ப வாழ்வைப் பாதிக்கின்றன. ஏதோவொரு புள்ளியில் அப்பா என்பது வெறும் உறவு மட்டுமல்ல என்பதை அலெக்சி புரிந்துகொள்கிறான். இப்படம் அப்பா, மகன் என்று இருவர் இல்லை; ஒரு தொடர்நிலையின் இரு வேறு புள்ளிகள்தான் அப்பாவும், பிள்ளையும் என்று கூறுகிறது. கனவுகளால் அலைக்கழிக்கப்படும் அலெக்சி வகைப்படுத்தமுடியாத ஒரு தவிப்பிற்கு உள்ளாகிறவனாகயிருக்கிறான். அந்தத் தருணங்களில் அவனது அப்பாவின் பிம்பம் அவனைச் சாந்தமடையச் செய்கிறது. அப்பாவின் உறவு, பெண்ணின் நெருக்கத்தை விடவும் மிக அந்தரங்கமாக இருப்பதாக உணர்கிறான் அலெக்சி.

புகழ்பெற்ற சோச்சி திரைப்பட விழாவில் இப்படம் குறித்து ஓரினச் சேர்க்கை பற்றிய படம் என்று பெரிய விவாதம் உருவானது. ஊடகங்கள் இந்தப் படம் இரண்டு ஆண்களுக்கு இடையில் உடல் ரீதியாக உள்ள நெருக்கத்தை மிக அப்பட்டமாக வெளிப்படுத்துவதாக குற்றம் சாட்டின. அதற்குப் பதில் சொல்லிய சுக்ரோவ் ‘‘சமூக மாற்றங்கள் யாவையும் தாண்டி ரத்த உறவுகள் தொடர்ந்து வந்துகொண்டேயிருக்கின்றன. இன்றிருப்பதைவிட அதிவேகமான எதிர்காலம் ஒன்றில்கூட அப்பா, மகன் பிரச்னை மிக முக்கியமானதாகவே இருக்கக்கூடும். அதைத்தான் எனது படம் ஆராய்கிறது, என்றார். இப்படம் கான்ஸ் திரைப்பட விழாவில் திரையிடப்பட்டபோதும் இதே பிரச்னையைச் சந்தித்தது. அப்பாவும் மகனும் ஒருவரில் மற்றவரைத் தேடிக்கொண்டிருக்கிறார்கள். அப்பா, மகனின் துர்க்கனவுகளில் இருந்து அவனை விடுவித்து வாழ்வின் ருசியைப் புகட்டிவிட முயற்சிக்கிறார். மகனோ, அப்பாவின் கடந்த கால சுமையைத்தான் ஏற்றுக்கொண்டு அவஸ்தைப்பட்டுக் கொண்டிருக்கிறான். உண்மையில் அப்பா, பையன் என்று இருவர் உலகில் இல்லவே இல்லை என்று அங்கு நடைபெற்ற நேர்முகத்தின்போது சுக்ரோவ் விளக்கிக்கூறினார்.

இப்படமும் மிக மெதுவானதே. ஆனால், ‘மதர் அண்ட் சன்’ போன்றே இப்படத்தில் மிகவும் வெளிப்படையான நிகழ்வுகளும், தருணங்களும் படமாக்கப்பட்டுள்ளன. அதிலும் மகனின் கனவுக் காட்சிகளும், மகனைத் தேடி அப்பா, அவனது ராணுவ பயிற்சி முகாமிற்கு வருகை தருவதும் அங்கே மற்றவர்கள் அவனது அப்பாவைப் பற்றிப் பேசுவதும் மிகவும் சிறப்பாக உள்ளது. ‘Fipresci award’ பெற்றுள்ள இப்படத்தின் ஒளிப்பதிவும், இசையும் மிகச் சிறப்பானவை.

சுக்ரோவ் நாற்பதுக்கும் மேற்பட்ட ஆவணப்படங்களை உருவாக்கியிருக்கிறார். அதில் ‘Elegy of a Voyage’, ‘Spiritual Voices A Simple Elegy’, ‘Sonata for Hitler’, ‘Evening Sacrifice’, ‘Petersburg Elegy’ போன்றவை மிக முக்கியமானவை. சுக்ரோவின் சினிமா சாதனையாகக் கருதப்படுவது அவர் ஒரே ஷாட்டில் எடுத்த ‘Russian Ark’ என்ற திரைப்படமேயாகும். 96 நிமிஷங்கள் ஓடக்கூடியது அந்தத் திரைப்படம் ஒரே ஷாட்டில் எடுக்கப்பட்டதாகும். படத்திற்கு எடிட்டிங் கிடையாது. இந்த உலகச் சாதனை இன்றுவரை எவராலும் முறியடிக்கப்படவில்லை. சினிமாவில் இதுபோல சில சோதனை முயற்சிகள் நடைபெற்றிருக்கின்றன. அவ்வகையில் ஹிட்ச்காக்கின் ‘தி ரோப்’ படம் மிக முக்கியமானது. அதில் ஒவ்வொரு முக்கிய நிகழ்வுகளும் ஒரு ஷாட்டில் படமாக்கப்பட்டிருக்கும். இந்தப் பரிசோதனைகள் யாவிற்கும் அப்பால் சென்று ஒரு முழுநீள திரைப்படத்தை ஒரே ஷாட்டில் உருவாக்கிக் காட்டிய பெருமை அலெக்சாண்டர் சுக்ரோவிற்கு உண்டு. சாதாரணமாக இதுபோல ஒரு முழுப்படத்தை ஒரு ஷாட்டில் படமாக்க முடியாது. காரணம் கேமிராவில் லோடு செய்யப்படும் பிலிமின் அளவு மிகச் சிறியது. தற்போது உள்ள டிஜிட்டல் தொழில்நுட்பம் அந்தத் தடையைத் தளர்த்தியதோடு முழு படத்தையும் ஒரு ஹார்ட் டிஸ்கில் பதிவு செய்வதற்கு வசதி செய்து கொடுத்தது. மிக நவீனமான Sony. HDWF900 கேமிராவில் படமாக்கப்பட்ட ருஷ்யன் ஆர்க் பல்வேறு விதங்களில் ஒரு முன்னோடிப் படமாகும்.

ருஷ்யாவின் புகழ்பெற்ற மியூசியமான Hermitage Museumத்தை மையமாகக் கொண்டு இந்தப் படம் உருவாக்கப்பட்டிருக்கிறது. உலகின் மிகச் சிறந்த கலைப் பொக்கிஷங்கள் உள்ள இந்த மியுசியத்தை ஒரு நபர் முழுமையாகச் சுற்றிப் பார்த்து வருவதற்கு குறைந்தபட்சம் மூன்று வருடங்களாகும். அவ்வளவு அரிய சேமிப்புகள் உள்ளது. ஆகவே இந்தக் கலைப்படைப்புகளை மையமாகக் கொண்டு ஒரு திரைப்படத்தை உருவாக்கவேண்டும் என்று சுக்ரோவ் ஆசைப்பட்டார். அதற்கு அவரது தயாரிப்பாளரும் ஹெரிமிடேஜ் மியூசியத்தின் புரவலர்களில் ஒருவருமான Audrey Deryabin சம்மதிக்கவே ஒரே மூச்சில் படத்தை உருவாக்கிக் காட்டும் அரிய முயற்சிகளில் இறங்கினார் சுக்ரோவ். இந்தப் படத்திற்கான ஒளிப்பதிவாளராக Tilman Buttner என்ற ஒளிப்பதிவாளர் நியமிக்கப்பட்டார். இவர் புகழ்பெற்ற ஜெர்மானிய படமான ‘ரன் லோலா ரன்’ படத்தின் ஒளிப்பதிவாளர். ஸ்டெடிகேம் எனப்படும் நடந்து செல்லும் கேமிராவின் உதவியால் படப்பிடிப்பு நடத்தப்பட்டது. இந்தப் படத்தில் 867 முக்கிய நடிகர்கள் பங்கேற்றனர். அவர்களைத் தவிரவும் இரண்டாயிரம் துணை நடிகர்கள் படத்தில் பங்கேற்று உள்ளனர்.

மியூசியத்தின் வெவ்வேறு தளங்களில் நடைபெறுவதாக அமைக்கப்பட்ட கதையின் வழியாக ருஷ்ய சரித்திரத்தின் பல்வேறு காலகட்டங்கள் சிறிய காட்சிகளாக அமைக்கப்பட்டுள்ளன. இதற்காக மியூசியத்தில் நடிகர்கள் எங்கே நிறுத்தப்படுவார்கள், வெவ்வேறு காட்சிகள் எங்கிருந்து எங்கே நகர்ந்து செல்கின்றன என்று தீவிரமான ஒத்திகை பார்க்கப்பட்டது. கிட்டத்தட்ட 8 மாதங்கள் தொடர்ந்து, பயிற்சிக்குப் பிறகு இரண்டாயிரம் பேரோடு கடைசி ஒத்திகையும் பார்க்கப்பட்டு அதன்பிறகே படமாக்கப்பட்டது.

மியூசியத்தின் 33 அறைகளில் கேமிரா நகர்ந்து சென்று காட்சிகளைப் படமாக்கியது. படத்தில் நடித்தவர்களில் பெரும்பான்மையினர் நாடக நடிகர்கள். படத்தின் கடைசியாக இடம் பெற்றுள்ள ஒபராவிற்காக நிஜமான ஒபரா இசைக்குழுவினர் கலந்துகொண்டனர். சினிமா வரலாற்றின் மைல் கல்லாகக் கருதப்படும் படப்பிடிப்பு நடந்த 2001ஆம் ஆண்டின் டிசம்பர் 23ஆம் நாள், தன் வாழ்நாளில் மறக்கமுடியாதது என்கிறார் சுக்ரோவ்.

ருஷ்ய வரலாற்றின் சாட்சி போலவும் ஹெர்மிடேஜ் மியூசியத்தின் வரலாறு போலவும் தனித்த கதைப்படமாகவும் ஒருங்கே அமைந்துள்ள ருஷ்யன் ஆர்க் பல்வேறு உலகத் திரைப்பட விழாக்களில் கலந்துகொண்டு ‘German Camera Award’, ‘Nika Award’, ‘Toronto film festival award’ உள்ளிட்ட பல முக்கிய விருதுகளையும் பாராட்டையும் பெற்றது.

சுக்ரோவின் சினிமா ஆழ்ந்த மெய்த்தேடலைக் கொண்டது. அவர் மனித இருப்பின் ஆதாரங்களைத் தனது சினிமாவின் வழியாகத் தேடுகிறார். பரபரப்பும், ஆர்ப்பாட்டமும் மிகை உணர்ச்சிகளும் நிரம்பிய சினிமா உலகிற்கு மாற்றாக இயற்கையைப் போல மிகத் தூய்மையாகவும் பசுமையாகவும் நெகிழ்வாகவும் உள்ளது சுக்ரோவின் சினிமா.

நன்றி: தீராநதி

உருமாறும் அடையாளம் ( அயல் சினிமா)

2006-10-03T15:18:00.000+02:00

- எஸ்.ராமகிருஸ்ணன்

தீவிர சினிமாவின் இன்றைய இலக்கு, வாழ்வை காண்நிலையில் அப்படியே பிரதிபலிப்பது மட்டுமல்ல, வாழ்வின் முக்கிய பிரச்னையாகக் கருதும் ஒன்றை நுணுகி ஆராய்வதும், அதன் அக மற்றும் புறத்தளங்களில் ஏற்படும் சலனங்களை அவதானித்து வெளிப்படுத்துவதுமேயாகும். சமகால உலக சினிமாவில் பெரும்பான்மை, குடும்பம் என்ற அமைப்பு சார்ந்த பிரச்னைகளையே மையப்பொருளாகக் கொண்டுள்ளது. குறிப்பாக குடும்பத்தை உருவாக்குவதிலும் கட்டிக் காப்பதிலும் ஆண், பெண் இருவரும் என்ன பங்கு வகிக்கிறார்கள்? ஆண், பெண் இருவருக்குமான பால் இச்சைகளின் வெளிப்பாடு எப்படி உள்ளது? குடும்பம் சிதைவுறுவதற்கான காரணிகள் என்ன? பிளவுண்ட குடும்பங்கள் குழந்தைகளிடம் ஏற்படுத்துகின்ற பாதிப்புகள் எத்தகையது என்பதைப் பற்றியதுமேயாகும்.

பரபரப்பான பெருநகர வாழ்வில், குடும்பம், இதுநாள் வரை தன் அஸ்திவாரமாக நினைத்துக் கொண்டிருந்த மதிப்பீடுகளையும் அனுசரணைகளையும் இழந்து ஆண், பெண் இருவரும் தங்கள் விருப்பங்கள் சார்ந்தும் சுய மதிப்பீடுகள் சார்ந்தும் வாழ்வதற்கான வெளியாக மட்டுமே உள்ளது. அதிலும் ஆண், பெண் இருவரும் சேர்ந்து வாழ்வதற்கு, திருமணம் என்ற நடைமுறை ஒப்பந்தம் தேவையற்றது என்று நம்பும் ஒரு சமூக நிலை உருவாகிவிட்டதால், இன்றைய குடும்பத்தின் உருவாக்கமும் அதன் தினசரி நடைமுறைகளில் எதிர்கொள்ளும் பிரச்னைகளும் மிகவும் மாறுபட்ட தளங்களில் வெளிப்படுகின்றன. குடும்ப அமைப்பு உருவாக்கும் வன்முறை காரணமாக ஆண், பெண் இருவரும் எப்படி வேறுவேறு அளவுகளில் மனச்சிதைவைச் சந்திக்கிறார்கள்? பிறழ்வு நிலைகள் எப்படி உருவாகின்றன என்பதையும் மிக கவனமாக ஆராய்கிறது நவீன சினிமா.

பெட்ரோ அல்மதோவாரின் திரைப்படங்களும் இதுபோன்ற வகைப்பாட்டினைச் சார்ந்ததேயாகும். பெட்ரோ அல்மதோவர் சமகால ஸ்பானிய சினிமாவின் முக்கிய இயக்குனர்களில் ஒருவர். பதினைந்துக்கும் மேற்பட்ட படங்களை இயக்கியிருக்கிறார். பத்திற்கும் அதிகமான படங்களைத் தயாரித்திருக்கிறார். சிறந்த அயல் மொழி படத்திற்கான ஆஸ்கார் விருது, பிரான்ஸ் தேசத்தின், கலைக்கான உயரிய விருது, ஐரோப்பிய திரைப்பட விழா விருது, கான்ஸ் திரைப்பட விழா விருது உள்ளிட்ட பல முக்கிய விருதுகளை வென்றிருக்கிறார். இவரது திரைப்படங்களைக் காணும்போது, அத்திரைப்படங்கள் ஸ்பானிய குடும்ப வாழ்வின் இன்றைய இருப்பு மற்றும் அதன் சிதைவு இரண்டையும் பற்றிய மிக நுட்பமான ஆய்வாகவே உள்ளது.

முக்கிய பிரச்னைகளாக பெட்ரோ அல்மதோவரின் திரைப்படங்களில் நான்கு காரணிகள் வெளிப்படுகின்றன. 1) குழந்தைப் பருவத்தில் ஏற்படும் உளப்பாதிப்புகள். குறிப்பாக பாலியல் சார்ந்து பள்ளி வயதில் அடையும் திகைப்பு மற்றும் பயம். அதன் தொடர்ந்த விளைவுகள். 2) கணவனால் கைவிடப்பட்ட பெண்கள் எப்படி வாழ்வைச் சந்திக்கிறார்கள், அவர்களை எது ஆறுதல்படுத்துகிறது, குடும்பம் என்ற அமைப்பு எதனால் சிதைந்து போகின்றது என்பது. 3) பால் உணர்ச்சிகள் சார்ந்து ஆணும் பெண்ணும் எது போன்ற சிக்கல்களை எதிர்கொள்கிறார்கள், எப்படி தங்களை வெளிப்படுத்திக்கொள்கிறார்கள், அதன் தொடர் விளைவுகள் எத்தகைய மனச்சிதைவுகளை உருவாக்குகின்றது. 4) மதம் வெறும் நிறுவனமாகிவிட்ட சூழல் கடவுளையும் மதம் சார்ந்து சிறு வயதிலிருந்து கட்டி அமைக்கப்பட்ட மனக்கூறுகளையும் இப்போது எப்படிக் கடந்து அல்லது விலகிப்போவது, கடவுள் இல்லாத உலகில் எது கடவுளின் இடத்தைப் பூர்த்தி செய்யப்போகின்றது என்பதே. இந்தக் காரணிகளை அல்மதோவரின் எல்லா படங்களிலும் காணமுடியும்.

இந்தப் பிரச்னைகளை பெட்ரோ அல்மதோவர் விவாதம் செய்யவில்லை. மாறாக இவற்றைத் தனது திரைப்படங்களின் அடிநாதமாக எதிரொலித்துக் கொண்டேயிருக்கும் படியாக கதையைத் தேர்வு செய்கிறார். நிகழ்ச்சிகளை உருவாக்குகிறார். கதையின் பிரதான குரலாக இந்தப் பிரச்னைகளில் ஒன்று வெளிப்படும் விதமாகக் கவனித்துக்கொள்கிறார். ஆகவே, அவரது ஒவ்வொரு திரைப்படமும் ஏதாவது ஒரு காரணத்தை முன்னிறுத்தி சர்ச்சைக்கு உள்ளாகின்றது. பல நேரங்களில் அவரை ஒரு போர்னோகிராபி இயக்குனர் என்று புறம் ஒதுக்குவதுகூட நடந்திருக்கிறது. ஆனால், அல்மதோவரின் திரைப்படங்கள் குடும்ப அமைப்பையும் சமகால கலாசார சமூக சூழ்நிலைகளையும் மிக நுட்பமாக ஆராய்கின்றது. வாழ்வின் இருள்பகுதிகளையும் அவமானத்துக்கு உரியதாகக் கருதப்படும் மறைவு வெளிகளையும் எவ்விதமான தயக்கமும் இன்றி வெளிப்படுத்துகின்றது என்பதே உண்மை.

பெர்க்மனைப் போல அல்மதோவரின் பெரும்பான்மை படங்கள் பெண்களை மையமாகக் கொண்டது. பெண்களின் வழியாக மட்டுமே நான் வாழ்வைப் புரிந்துகொள்கிறேன் என்று அவரே ஒரு விமரிசனத்தின்போது கூறியிருக்கிறார். இன்னொரு விதத்தில் அவரது சினிமா ஸ்பானிய கலாச்சாரத்தின் முக்கிய குறியீடுகளாக கருதப்படும் காளைச் சண்டை, டாங்கோ இசை மற்றும் நடனங்கள், அதிகார அரசியல், மிக பிரமாண்டமான திருச்சபைகள், வழிபாடுகள், விழாக்கள், காதலை முன்னிறுத்திப் பாடும் இசைப்பாடல்கள் என்று ஸ்பானியர்களுக்கு மட்டுமே உரித்தான தனித்துவங்களையும் வெளிப்படுத்துகிறது.

பெட்ரோ அல்மதோவரின் பிரசித்தி பெற்ற படமான Talk to Her ஒரு நடன நிகழ்ச்சியிலிருந்து துவங்குகிறது. உலகப் பிரசித்தி பெற்ற நடனக்கலைஞரான பினா போஷின் நடன நிகழ்ச்சி ஒன்று ஆரம்பமாகிறது. தூக்கத்தில் நடப்பவர்கள் போன்று இரண்டு பெண்கள் மேடையில் தோன்றி தங்களது துயரம் தோய்ந்த முகத்தோடு தங்களது வலியையும் மனத்துயரையும் நடனமாக ஆடத் துவங்குகிறார்கள். பார்வையாளர்கள் வரிசையில் பெனிகோ என்ற ஆண் செவிலியும் மார்கோ என்ற எழுத்தாளரும் அருகருகில் அமர்ந்து நடனத்தைப் பார்த்துக்கொண்டிருக்கிறார்கள். இருவரும் முப்பது வயதைக் கடந்தவர்கள். ஒருவருக்கொருவர் முன் பரிச்சயம் இல்லாதவர்கள். மேடையில் துயரத்தை வெளிப்படுத்தும் நடனக்காரிகளின் அசைவுகளால் தன்னை அறியாமல் அழுகிறார் மார்கோ. அதைக் கவனிக்கிறான் பெனிகோ. ஏன் இப்படி ஒரு ஆள் நடனத்தைப் பார்த்து அழுகிறார் என்பது அவனுக்கு விளங்கவில்லை.

ஆனால், அவனும் அந்த நடனம் உருவாக்கிய பாதிப்பில் அழுதுவிடும் மனநிலையில்தான் இருக்கிறான். பொது இடத்தில் அழுவது அவமானமாகிவிடும் என்று அடக்கிக் கொண்டிருக்கிறான். இந்த இரண்டு கதாபாத்திரங்களின் வாழ்வில் என்ன நடந்தது, எது இவர்களை இப்படி ஒரு நடன நிகழ்ச்சியைப் பார்த்து அழச் செய்தது, ஏன் இந்த இரண்டு ஆண்களும் இவ்வளவு துயரத்தோடு வாழ்கிறார்கள் என்பதை, முன்பின்னாக நகர்ந்து சொல்கிறது Talk to Her திரைப்படம். கடந்த பத்தாண்டுகளில் வெளியான சிறந்த படங்களை, தரவரிசைப் படுத்திய அமெரிக்க சினிமா இதழ் ஒன்றின் பட்டியலில் முதலிடம் பெற்றுள்ளது இப்படம்.

பெட்ரோ அல்மதோவரின் திரைப்படங்கள் காலம் மற்றும் வெளியின் குறுக்கு வெட்டுப் பாதைகளில் ஊடாடக்கூடியது. அவர் கதையைத் துண்டுதுண்டாக மாற்றிக்கொண்டு, ஒரு புதிர் விளையாட்டில் சிறு சிறு பகுதிகளை ஒன்று சேர்த்து மொத்த உருவத்தை நாம் உருவாக்கிக் கொள்வது போன்ற புதிர் தன்மையைத் திரைப்படத்தில் ஏற்படுத்துகிறார்.

நான் பார்த்தவரையில் சமகாலத்தின் முக்கிய காதல் படங்களில் ஒன்றாக இத்திரைப்படத்தினைக் குறிப்பிடுவேன். காதல் திரைப்படங்கள் என்றாலே ஒரு ஆணும் பெண்ணும் எப்படி காதல் வசப்படுகிறார்கள், அதில் என்ன பிரச்னைகள் நேர்கின்றன, அதை எப்படி எதிர்கொண்டு ஜெயிக்கிறார்கள் என்பதே மையமாக இருக்கும். ஆனால் Talk to Her அந்த வகையைச் சார்ந்த படமல்ல. ஒரு ஆணிற்கு பெண் மீதுள்ள ஆழமான நேசம் பற்றியது. பெனிகோவின் காதலி கோமா நிலையில் மருத்துவமனையில் படுத்த படுக்கையாகக் கிடக்கிறாள். பெனிகோ ஒரு செவி என்பதால் அவளைத் துடைத்து சுத்தம் செய்து படுக்க வைக்கிறான். அத்தோடு தனது வாழ்வில் அன்றாடம் நடக்கும் சிறுசிறு விஷயங்களைக்கூட அவளிடம் பகிர்ந்து கொள்கிறான். கோமாவில் மயங்கி கிடக்கும் அவளிடம் சலனமேயில்லை. ஆனால் தான் சொல்வது யாவையும் அவள் கேட்டுக்கொண்டிருக்கிறாள் என்று நம்புகிறான் பெனிகோ.

சினிமாவின் பலமே உரையாடல்தான் என்று நம்பும் சமகால திரைப்படங்களுக்கு மத்தியில் உரையாடல்களே அதிகம் இல்லாமல் தனக்குத்தானே பேசிக்கொள்வதைப் போல தனி மொழியாகவே அமைக்கப்பட்டுள்ளது இப்படம். ஆனால், பார்வையாளன் வழக்கமான உரையாடல்களில் அடையமுடியாத மனநெருக்கத்தை இந்தத் தனிமொழியின் வழியே அடைகிறான் என்பதுதான் இதன் சிறப்பு. பெனிகோ தான் பினா போஷின் நடன நிகழ்ச்சிக்குச் சென்று வந்ததைப் பற்றியும் அங்கே மேடையில் எது போன்ற நடனம் நடைபெற்றது என்பதையும் கோமாவில் இருக்கும் தனது காதலிக்கு விவரிக்கிறான். பிறகு அவளுக்காக தான் பினா போஷிடமிருந்து ஆட்டோகிராப் வாங்கி வந்த போஸ்டரைக் காட்டுகிறான். காதலியின் முகம் மெழுகு போன்று அசைவற்றிருக்கிறது. அவள் உடலைச் சுத்தப்படுத்தும்போது அவளுக்கு மாதவிடாய் கசிந்து கொண்டிருக்கிறது; அந்த ரத்தத்தைக்கூட பெனிகோ துடைத்து சுத்தம் செய்கிறான். இந்த ஒரு சம்பவம்தான் அவள் கோமாவிலிருந்தாலும்கூட உடல் இயங்கிக் கொண்டேயிருக்கிறது என்பதைக் காட்டுகிறது.

இந்த மருத்துவமனையில் எதிர்பாராமல் ஒரு நாள் மார்கோவைச் சந்திக்கிறான் பெனிகோ. மார்கோவும் அவனைப் போலவே கோமாவில் உள்ள தனது காதலி ஒருத்தியைக் காண வந்திருப்பதைத் தெரிந்துகொள்கிறான். மார்கோவின் காதலி ஒரு காளைச் சண்டை வீராங்கனை. சிறு வயதிலிருந்தே அவளை காளைச் சண்டைக்குத் தயார் செய்கிறார் அவளது அப்பா. அவளும் முக்கிய காளைச் சண்டை வீராங்கனையாக உருவாகிறாள். ஒரு பத்திரிகையில் அவளைப் பற்றிய கட்டுரை எழுதுவதற்காக சந்திக்கச் செல்கிறான் மார்கோ. இந்தச் சந்திப்பின் ஊடாகவே அவர்கள் இருவருக்குள்ளும் நெருக்கம் உண்டாகிவிடுகிறது.

ஒரு காளைச் சண்டையின் போது மார்கோவின் கண் எதிரிலே அவளை காளை தூக்கி எறிந்து கொம்பால் குத்தி உடலைக் கிழிக்கிறது. அவசர சிகிச்சைக்காக மருத்துவமனையில் அனுமதிக்கிறார்கள். அதுவரை அவளது பணம் மற்றும் புகழுக்காக அவளைச் சுற்றியிருந்த யாவரும் மருத்துவமனையில் அவளை தனியே விட்டுவிட்டுப் போய்விடுகிறார்கள். மார்கோ இப்போதுதான் அவளை மிக அதிகமாக நேசிக்கத் துவங்குகிறான். இந்த நேசம் அவனை மருத்துவமனையிலே அவள் அருகிலே இருக்கச் செய்கிறது. அவனும் பெனிகோவைப் போல கோமாவில் இருந்தபோதும் தன் காதலியோடுதான் சேர்ந்து வாழ்ந்து கொண்டிருக்கிறோம் என்று நம்புகிறான். தனிமையும் வெளிக்காட்டிக்கொள்ள முடியாத துக்கமும், ஏக்கமும், கனவுகளும் என்றாவது நிறைவேறிவிடும் என நினைக்கும் ஆசைகளுமாக இந்த இரண்டு ஆண்களும் உலகை எதிர்கொள்வதையே அல்மதோவரின் இப்படம் விவரிக்கிறது. காளைச்சண்டை அல்மதோவரின் படங்களில் தொடர்ந்து குறியீட்டுத் தன்மையில் பயன்படுத்தப்பட்டு வருவது போன்றே இப்படத்திலும் இடம்பெற்றுள்ளது. சிறந்த திரைக்கதை மற்றும் இயக்கம், சிறந்த திரைப்படம் என பத்திற்கும் மேற்பட்ட விருதுகளை பெற்று இப்படம் உள்ளது.

பெட்ரோ அல்மதோவர் தீவிர கத்தோலிக்க ஈடுபாடு கொண்ட ஒரு ஸ்பானிய குடும்பத்தில் 1949_ஆம் ஆண்டு பிறந்தார். இவரது எட்டு வயதில் குடும்பம் அல்மேகரோ என்ற பகுதியிலிருந்து இடம்பெயர்ந்தது. ஸ்பானிய நாட்டுப்புறப்பகுதியில் வசிக்கத் துவங்கிய பெட்ரோ, கத்தோலிக்க பள்ளி ஒன்றின் விடுதியில் சேர்ந்து படிக்கத் துவங்கினார். இந்த கத்தோலிக்க பள்ளியில் இருந்த நாட்கள் தன் வாழ்வில் மறக்கமுடியாதவை என்றும், அவை தனது படங்களில் தொடர்ந்து ஆங்காங்கே வெளிப்பட்டுக்கொண்டேயிருக்கிறது என்றும் ஒரு நேர்முகம் ஒன்றில் குறிப்பிட்டுள்ளார்.

கத்தோலிக்க பள்ளியில் மாணவர்கள் கடுமையாகக் கண்காணிக்கப்பட்டார்கள். அத்தோடு சிறு குற்றங்களுக்குக்கூட கடுமையான தண்டனைகள் வழங்கப்பட்டது. அந்த நாட்களில் பள்ளியில் பெரிதும் சர்ச்சைக்குள்ளான விஷயம் ஓரினச் சேர்க்கையாகும். இந்தப் பழக்கத்திற்கு உட்பட்ட சக மாணவர்களையும் ஆசிரியர்களையும் கண்டு, தான் பயந்து போனதாகவும் பள்ளியின் கட்டுப்பாடு அதிகமாக அதிகமாக, இதுபோன்ற பாலியல் பிறழ்வுகள் அதிகமாகின என்றும் நினைவு கொள்கிறார். (தனது கத்தோலிக்க பள்ளி வாழ்வை முன்வைத்து அல்மதோவர் இயக்கிய ‘Bad Education’ படத்திற்கு திருச்சபை கடுமையான எதிர்ப்பைத் தெரிவித்தது. இப்படம் ஓரினச்சேர்க்கையில் ஈடுபடும் பள்ளி மாணவனைப் பற்றியது.) கத்தோலிக்க பள்ளியின் இந்தச் சூழ்நிலை கடவுள் உலகில் இல்லை என்பதைத் துல்லியமாக தனக்குப் புரியவைத்தது என்றும், அன்றுமுதல் கடவுள் நம்பிக்கையற்றவராக அல்லது கடவுளின் தேவையற்றவராக தான் வாழ்ந்து வருவதாகவும் பெட்ரோ தனது நாட்குறிப்பில் பதிவு செய்துள்ளார். இந்தப் பள்ளி நாட்களில் அவர் மீது திணிக்கப்பட்ட மத நம்பிக்கைகளும் ஆசிரியர்களின் கடுமையான தண்டனைகளும் படிப்பின் மீது தீவிர எதிர்ப்பு உணர்ச்சியை உருவாக்கியிருக்கிறது.

கடவுளிடமிருந்து தான் தப்பி வெளியே வருவதற்கு அந்தப் பள்ளி மிகவும் உதவி செய்தது என்று கேலியாகக் குறிப்பிடும் பெட்ரோ, சினிமாவைக் கற்றுக்கொள்ள வேண்டும் என்று விரும்பினார். இதற்காகவே அவர் மேட்ரிட் நகருக்கு வந்து சேர்ந்தார். ஆனால், அன்றைய அரசியல் காரணங்களுக்காக திரைப்படக் கல்லூரியை மூடியிருந்தார் ஜெனரல் பிராங்கோ. ஆகவே, அவரால் திரைப்படக் கல்லூரியில் சேர்ந்து கற்றுக்கொள்ள முடியவில்லை. தானாக முயன்று சினிமாவைக் கற்றுக்கொள்ளவேண்டும் என்று விரும்பினார். இதன் காரணமாக அவர் மேட்ரிட் நகரிலிருந்த கலாசார குழுக்களுடன் தன்னை ஈடுபடுத்திக்கொண்டார். சிறு சிறு காமிக்ஸ் புத்தகங்கள் எழுதுவது, குறுநாவல்களை எழுதி வெளியிடுவது என்று எழுத்திலும் ஆர்வம் காட்டத் துவங்கினார்.

அந்த நாட்களில் அவருக்கு இருந்த ஒரே ஆசை எப்படியாவது ஒரு சூப்பர் 8 கேமிரா ஒன்றை வாங்கிவிட வேண்டும் என்பதே. இதற்காகவே அவர் டெலிபோன் கம்பெனி ஒன்றில் வேலைக்குச் சேர்ந்தார். அந்தப் பணியை பன்னிரண்டு வருடங்கள் தொடர்ந்து செய்தார். வேலையின் நடுவிலே அவர் நாடகங்களிலும் நடிக்கத் துவங்கினார். வேலையில் கிடைத்த பணத்தைக் கொண்டு ஒரு சூப்பர் 8 கேமிராவை வாங்கி தனக்கு விருப்பமான விஷயங்களைப் படம் பண்ணத் துவங்கினார்.

அந்த நாட்களில் ஸ்பெயினில் இருந்த முக்கிய பிரச்னை போதை மருந்து கடத்துதல் மற்றும் வன்முறை, வேலையின்மை, பாலியல் பிறழ்வுகள், அடிநிலை மக்களின் ஆவேசம், அதிகார போட்டி. இவை யாவும் ஒன்று கலந்து பெட்ரோவின் படங்களில் வெளிப்படத் துவங்கின. இவரது முதல் படம் ‘Pepi, Luci. Bom and Other Woman on the Heap’ 1972 இல் வெளியாகி திரைப்பட விமர்சகர்களாலும் பார்வையாளர்களாலும் பாராட்டப்பட்டது. அதன் தொடர்ச்சியாக அவர் ஆண், பெண் உறவு குறித்த தீவிர தேடுதல்கள் கொண்ட படங்களை இயக்கத் துவங்கினார். இவரது படங்களில் மிகவும் குறிப்பிடத்தக்கவை. ‘Dark Habits’, ‘Labyrinth of passion’, ‘Matador’, ‘Women on the Verge of a Nervous Breakdown’, ‘Tie Me Up! Tie Me Down’, ‘High Heels’, ‘Kika’, ‘The Flower of My Secret’, ‘Live Flesh’, ‘All About My Mother’, Bad Education, ‘Volver’.

அல்மதோவரின் படங்கள் மதம் மற்றும் ஆண், பெண் உறவில் ஏற்படும் சிக்கல்கள் குறித்து ஆழமான விசாரணை மேற்கொள்கின்றது. ஆண் பெண்ணாக உருமாறும் பால் மாற்று சிகிச்சையும், அது காலாசாரத்தில் ஏற்படுத்தும் அதிர்வுகளும் இவரது படங்களில் மிக நுட்பமாக வெளிப்படுத்தப்பட்டுள்ளது. இதன் காரணமாகேவே இவரது படங்களை ஹாலிவுட் மிக ஆபாசமான படங்கள் என்று ஒதுக்கி வைத்து எக்ஸ் முத்திரையிட்டு போர்னோகிராபி படங்களைப் போல வெளியிட்டது.

அல்மதோவரின் நான்கு படங்கள் என்னளவில் மிக முக்கியமானவை. அவை ‘Talk to Her’, ‘All About My Mother’, ‘Tie Me Up! Tie Me Down’, ‘Bad Education’ லத்தீன் அமெரிக்க நாவல்களில் காணப்படுவது போன்ற அதீத புனைவுகளின் பாதிப்பு அல்மதோவரிடம் மிக அதிகமாகக் காணப்படுகிறது. சமீபத்தைய இவரது படமான ‘Volver கூட யுவான் ருல்போ எழுதிய பிரபல லத்தீன் அமெரிக்க நாவலான பெட்ரோ பரோமாவின் சாயல்கள் கொண்டிருப்பதாக விமரிசர்கள் கருதுகிறார்கள். தன்னை உருவாக்கியதில் சமகால ஸ்பானிய இலக்கியத்திற்கும் இசைக்கும் முக்கிய பங்கிருக்கிறது என்கிறார் பெட்ரோ. இவரது ‘‘Tie Me Up! Tie me Down’திரைப்படம் தமிழ்ச் சூழலோடு மிகவும் தொடர்புடையது. இந்தப் படத்தின் பாதிப்பு தமிழில் ‘குணா’, ‘காதல் கொண்டேன்’, ‘மாயாவி’ என சில படங்களில் வெளிப்பட்டுள்ளது. இப்படம் பல வருடங்களுக்குப் பிறகு மனநலகாப்பகம் ஒன்றிலிருந்து வெளியேறி இயல்பான வாழ்க்கைக்குத் திரும்பும் ஒரு இளைஞனைப் பற்றியது. இந்த இளைஞனாக அண்டோனியோ பண்டாரஸ் நடித்திருக்கிறார். காப்பகத்திருந்து வெளியே வந்த பண்டாரஸ் தனக்கு விருப்பமான திரைப்பட நடிகை ஒருத்தியைச் சந்திக்கச் செல்கிறார். ஆனால் படப்பிடிப்பு தளத்தில் உள்ளே விட மறுக்கிறார்கள். ஆகவே யாருக்கும் தெரியாமல் ரகசியமாக வேறு ஒப்பனையோடு உள்ளே போய்விடுகிறார்.

அங்கே தான் விரும்பிய நடிகையைப் பார்க்கிறார். அவள் பண்டாரஸைக் கவனிக்கவேயில்லை. அவள் படப்பிடிப்பு முடிந்து வீடு திரும்பும் வழியில் அவளைக் கடத்திக் கொண்டு போய் ஒரு அறையில் அடைத்து வைத்துக் கொள்கிறார். அந்த அறையில் அவளைக் கட்டிப் போட்டுவிட்டு, தான் அவளைக் காதலிப்பதாகவும் அவள் தன்னைத் திருமணம் செய்துகொள்ள வேண்டும் என்றும், அவளோடு தான் வாழ்ந்து நிறைய குழந்தைகள் பெற்றுக் கொண்டு ஒரு நல்ல தகப்பனாக, ஒரு நல்ல கணவனாக வாழ ஆசைப்படுவதாகக் கூறுகிறார் பண்டாரஸ். ஆரம்பத்தில் அவர் ஒரு பைத்தியம் என நினைத்துக் கத்தும் நடிகை, நாளடைவில் கொஞ்சம் கொஞ்சமாக அவரைப் புரிந்துகொள்ளத் துவங்குகிறாள்.

ஒரு சந்தர்ப்பத்தில் அவர்மீது உள்ள அன்பின் காரணமாக அவளையே தருகிறாள். இருவரும் கலவி மேற்கொள்கிறார்கள். இதற்கிடையில் காணாமல் போன நடிகையை காவல்துறையினர் தேடி அலைகிறார்கள். முடிவில் அந்த நடிகை வெளியே வந்து தன்னைக் கடத்தியவன் யார் என தெரியவில்லை என்று காவல்துறையையும் மற்றவர்களையும் நம்ப வைத்துவிட்டு, தன்னைக் காதலிக்கும் பண்டாரஸோடு சேர்ந்து எங்கோ கண்காணாத இடத்திற்குப் போய் வாழத் தயாராவதோடு படம் முடிவடைகிறது.

இப்படத்திலும், சிறுவயதில் சரியான குடும்பச் சூழலும் அன்பும் கிடைக்காத ஒருவன், தனது அன்பை வெளிப்படுத்திக் கொள்ள எத்தனை தூரம் வன்முறையைக் கைக்கொள்வான் என்பதையே அல்மதோவர் வெளிப்படுத்துகிறார். ஹாலிவுட்டின் சாகச திரைப்படங்களின் சாயல் கொண்ட இப்படம் வெறும் கடத்தல் நாடகத்தை மட்டும் முதன்மைப் படுத்தாமல் அதன் பின்னணியில் உள்ள மனப்பிரச்னைகளை ஆராய்கிறது. இதுபோலவே ‘All About My Mother’

தனது பதின்வயதைச் சேர்ந்த மகனோடு நாடகம் பார்க்கச் செல்கிறாள் நாற்பது வயதான மேனுலா (Manuela). தாயும் மகனும் மிகவும் ரசித்து நாடகம் பார்க்கிறார்கள். அன்று வரை மேனுலாவின் மகனுக்கு தனது அப்பா யார் என்று தெரியாது. அவளும் தனது கணவனைப் பற்றி மகனிடம் எதுவும் சொல்வதேயில்லை. நாடகம்முடித்துவிட்டு வெளியே வரும்போது, ஒரு நடிகையிடம் தான் ஆட்டோகிராப் வாங்கப் போவதாக ஓடுகிறான் மேனுலாவின் மகன். வழியில் எதிர்பாராமல் ஒரு சாலை விபத்தில் சிக்கி அவன் இறந்து போகிறான். இதனால் மேனுலாவின் வாழ்வு வெறுமைக்குள்ளாகிறது. தன் மகன் சாகும்போது அவனது அப்பாவை ஒரு முறையாவது அவன் காண வேண்டும் என்று ஆசைப்பட்ட விபரத்தைத் தெரிந்து கொள்கிறாள் மேனுலா.

தனது கணவனைத் தேடி பார்சிலோனா புறப்படுகிறாள். அங்கு தனது கணவனைச் சந்திக்கும் மேனுலா அதிர்ச்சியடைகிறாள். காரணம் அவள் கணவன் இப்போது பால் உறுப்பு மாற்று சிகிச்சை செய்து கொண்டு பெண்ணாக உருமாறியிருக்கிறான். இப்போது அவனை எப்படி தனது கணவனாக நடத்துவது என்று தெரியாத சிக்கலுக்கு உள்ளாகிறாள். ஆனால், வந்த இடத்தில் அவளுக்கு ஒரு நடிகைக்கு ஒப்பனையாளராக வேலை செய்யும் சந்தர்ப்பம் கிடைக்கிறது. அந்த வேலையே போதும் என நினைக்கும் போது, தனது பழைய தோழி ஒருத்தியைச் சந்திக்கிறாள். அவளது கஷ்ட நிலையை அறிந்து கொண்டு அவளது வேலையை அந்தத் தோழிக்குத் தந்துவிட்டு தோழியின் சகோதரியும் கன்னியாஸ்திரியுமான ஒரு பெண்ணிற்கு உதவி செய்யப் போகிறாள். அந்த கன்னியாஸ்திரி எய்ட்ஸ் நோயால் பாதிக்கப்பட்டிருக்கிறாள். அத்தோடு கர்ப்பிணியாகவும் உள்ளார். அவளுக்குக் குழந்தை பிறக்கும்வரை கூடவே இருந்து கவனித்துக் கொள்கிறாள் மேனுலா. முடிவில் அந்த கன்னியாஸ்திரி இறந்து போய்விடவே அக் குழந்தையைத் தனது மகன் நினைவாக, அதே பெயரிட்டு தானே வளர்க்கப் போவதாக தூக்கிக் கொண்டு செல்கிறாள் மேனுலா. ஒரு தாயின் மனவேதனையையும், அவளது தேடுதலையும், வாழ்வின் மீது அவள் கொண்டுள்ள பற்றுதலையும் வெளிப்படுத்தும் இந்தத் திரைப்படம் சிறந்த அயல் மொழிப் படத்திற்கான ஆஸ்கார் பரிசு பெற்றது குறிப்பிடத்தக்கது.

அல்மதோவர் தனது திரைப்படங்களுக்கு முன்னோடியாக லூயி புனுவலைக் குறிப்பிடுகிறார். தான் புனுவல் திரைப்படங்களின் வழியேதான் ஸ்பானிய வாழ்வை மிக நெருக்கமாக அறிந்து கொண்டதாகக் கூறும் இவர், ‘‘புனுவலுக்கு பெண்களின் கால்களைத் திரையில் காட்டுவதற்கு ரொம்பவும் பிடிக்கும். அழகான, வாளிப்பான இளம் பெண்களின் கால்களைப் பல திரைப்படங்களில் காட்டியிருக்கிறார். அவருக்கு பெண் என்பது காலில் இருந்து துவங்குகிறது. இந்த கூறு எனது படங்களிலும் வெளிப்பட்டுள்ளது’’ என்று சொல்கிறார்.

இசையும் ஒளிப்பதிவும் சிறந்த திரைப்படம் உருவாவதற்கு முக்கியமான இரண்டு காரணிகள். ஆகவே, படத்தின் ஒளிப்பதிவைப் பொறுத்தமட்டில் ஒவ்வொரு திரைப்படத்திற்கும் பிரத்யேகமாக கலர் சார்ட் ஒன்றை உருவாக்குவோம். ஒவ்வொரு கதாபாத்திரமும் எந்த நிறத்தைப் பிரதிபலிக்கிறது, கதையின் மையம் எந்த நிறத்தில் வெளிப்பட்டால் நன்றாக இருக்கும் என்பதை ஒளிப்பதிவாளருடன் விவாதித்து, படத்தின் நிறத்தினை முடிவு செய்வோம். அது போலவேதான் இசையும். இசை, கதையில் நான் சொல்ல நினைத்த காட்சிகளாகவோ, அல்லது உரையாடல்களாகவோ சொல்லாமல் விட்ட அத்தனையையும் பூர்த்தி செய்ய வேண்டும் என்று ஆசைப்படுவேன் என்றும் அல்மதோவர் குறிப்பிடுகிறார். ஒவ்வொரு திரைப்படமும் இயக்குனரைப் பொறுத்தவரை ஒரு பரிசோதனைதான். இயக்குனரின் தனிமை மிகவும் புரிந்துகொள்ள முடியாதது. அது கடவுளின் தனிமையைப் போன்றது. பல நேரங்களில் இயக்குனர் படப்பிடிப்பு தளத்தில் இருக்கும்போது, அவரது மனது கதையின் எங்கோ ஒரு இடத்தில் சிக்கிக் கொண்டிருக்கும். படப்பிடிப்பு என்பது ஒரு வீட்டில் நம்மை வைத்து பூட்டி விடுவது போன்றதுதான். எப்போது படப்பிடிப்பு முடிகிறதோ, அப்போதுதான் வெளியே வர அனுமதிக்கப்படுவோம். ஆனால், அப்படி ஒவ்வொரு துண்டுகளாக படத்தை உருவாக்கி ஒன்று சேர்ந்து பார்க்கும் போது ஏற்படும் சந்தோஷமானது அளப்பரியது. அதற்கு இணையாக எதுவுமே இல்லை என்று தனது சினிமா நினைவுகளை, தனது நாட்குறிப்பின் வழியாகப் பகிர்ந்து கொள்கிறார் அல்மதோவர்.

இவரது பாதிப்பு இன்றைய இளம் ஸ்பானிய இயக்குனர்கள் பலரிடமும் காணப்படுகிறது. கார்லோ சுரா என்ற ஸ்பானிய இயக்குனர் அல்மதோவர் பற்றிக் குறிப்பிடும்போது, ‘‘அவர் ஒரு சினிமா இயக்குனர் மட்டுமல்ல; மாறாக அவர் ஒரு கலாசார சக்தி. ஆளுமை. அவரது திரைப்படங்கள் வசூல் ரீதியாக மிகப் பெரிய வெற்றி பெற்றதோடு ஸ்பானிய சினிமாவை உலக அரங்கில் முக்கிய இடம் பெறச் செய்திருக்கிறது. அந்த வகையில் இவர் ஒரு தனித்துவமான கலைஞர்’’ என்கிறார்.

அல்மதோவருக்கோ இந்தப் புகழுரைகள் யாவிற்கும் அப்பால் அடுத்த படத்திற்கான தயாரிப்பு வேலை காத்திருக்கிறது. அதற்காக தான் சிறுவயதில் சென்று வந்த கல்லறைகள் எதுபோன்ற துடைப்பங்களால் துடைக்கப்பட்டது, சிறுவயதில் அவரது அம்மா அணிந்திருந்த சிவப்பு உடையில் எத்தனை பூக்கள் இருந்தது என்பது போன்ற விபரங்களை நுட்பமாக, தனது சகோதரியிடம் கேட்டு அறிந்து கொண்டிருக்கிறார்.

தனது சுயசரிதை, கொஞ்சம் கொஞ்சமாகத் தனது திரைப்படங்களின் வழியாக ரகசியமாக எழுதப்பட்டு வருகிறது என்று கூறும் அல்மதோவர், சினிமா என்பது நிஜமும் கற்பனையும் கலந்தது. ஆனால், அதில் எது நிஜம், எது கற்பனை என்று எவரும் கண்டுபிடித்துவிடக்கூடாது என்பதே அதன் சிறப்பு என்கிறார். இது அல்மதோவரின் திரைப்படங்களுக்கு மட்டுமல்ல, சமகால சிறந்த உலக சினிமா யாவற்றிற்கும் பொருந்தக்கூடியதே.

நன்றி: தீராநதி

"ஆணிவேர்" ஓர் கண்ணோட்டம்

2006-09-19T21:55:00.000+02:00

தமிழ் ஈழத்தில் உருவான ஆணிவேர் திரைப்படம்
ஈழத்தமிழர் பிரச்சனைகளை பேசும் முழுநீள இந்திய - இலங்கை திரைப்படம் .

அழுத்துங்கள்

விளம்பர படக் காட்சிக்காக

ஆணிவேர்

குறித்த
திரை விமர்சனம்
ஒரு பேப்பரிலிருந்து.........

"ஆணிவேர் கண்ணோட்டம் "

தமிழில்

AANIVAER (TAP ROOT)

A Brief Eye View

AANIVAER which is a full length film shot and produced in the Tamil homeland of Sri Lanka. It unfolds a love story through which courses turbulent and continuing scenes of political current seriously affecting the very existence of the indigenous Tamils of Sri Lanka.

AANIVAER is a 'Must- See' - Movie for those that are concerned with human rights as the film makes a bracing of the real socio ' political situation in Sri Lanka. Any person who views the film with equanimity will agree that it undeniably stands out for its honesty and sincerity.

AANIVAER film has a touch of political theme and it is welcomed by non-partisan people and non governmental organisations as they portray the urgency and evoke a reflection of the times we live in. AANIVAER belongs to that category of films.

Sri Lanka which once was praised as a Pearl of the Indian Ocean is now a pool of serious problems. The countries of the West are not unaware of the ever unfolding tragedies of the Tamils in Sri Lanka, nor about the inhuman and degrading treatment do the Tamils suffer in Sri Lankan. Still western countries continue to be deaf and blind to the miseries and tragedies of the Tamils though the Tamil Diaspora who are now scattered all over the world continue to knock at the doors of the corridors of power in the West.

The recent involvement of international governments and peace loving organisations in the monitoring of peace between the Sinhalese and the Tamils has internationalized the Sri Lankan ethnic conflict. The presence of Western representatives in Sri Lanka as peace monitors has exposed the duplicity and pretensions of the Sri Lankan government to the rest of the world which hitherto willfully refused to listen to the cries of the oppressed Tamils of Sri Lanka, branding all and sundry as terrorists.

AANIVAER is being released at a time when the West, thanks to the honest and bold utterings of the Norwegian representative in Sri Lanka, has started to realize the reality and ground situation in Sri Lanka.

Though the movie AANIVAER is not political, yet it artistically succeeds in telling the world at large that it is high time the West heeds to the whimpers of the Tamils whose necks are wrung mercilessly by the brutal security forces with the connivance of the Sinhalese government.

The love story of AANIVAER begins with the arrival in Omantai in Vanni of a female journalist from South India, who had visited Sri Lanka previously to gather information and photographs for a cover story for an Indian magazine. During her first visit, which lasted for a couple of months, she witnessed the happenings in the Sri Lanka and during her interviews with people and authorities developed a love affair with a Tamil Doctor cum social worker in the trouble stricken region of Tamil homeland.

Having personally experienced the pitiful plight of the Tamils in Sri Lanka, she goes back to South India with a heavy heart.

The love lorn journalist from South India returns to Vanni for the second time with a view to meeting the Doctor cum social worker whom she had met and loved on her first visit. Her initial enquiries to find out the whereabouts of the Doctor friend prove difficult. But she continues. The events that unfold in the movie thereafter are flash backs, and those flash backs vividly and picturesquely portray the scenes of how the school girl Krishanthy was abused, raped and bumped off as well as the pathetic scenes of Tamil exodus from Jaffna to Kilinochchi and Vanni reminiscent of the great exodus of the Biblical times.

The most revealing aspect of the movie is what it says indirectly about the political and social attitude of the Sinhalese race towards the Tamil race. Although this is the first full length film filmed in the home land of Tamils with the barest of facilities and technology the director of the film has successfully ploughed a far- from typical furrow on the firmament of cinematography.

AANIVAER has brilliantly proved that films can impart telling messages while appearing to be doing something entirely different. It is a brilliant film by all standards.

This is a 'Must-See' movie that should be seen by all and sundry.

ஆணிவேர் வெற்றி பெற

இதயபூர்வமான வாழ்த்துகள்!

திரைப்படத்தை திரையில் பாருங்கள்

பார்த்தவர்கள் திரைப்படத்தைப் பற்றி எழுதுங்கள்.

சென்னையில் ரகசிய ஆயுத தயாரிப்பு

2006-09-16T23:36:00.000+02:00

ஆந்திர நக்ஸல்களின் ‘ஆயுதக் கடத்தல்’ பற்றிய விசாரணைப் படலம் சூடு பிடிக்கத் தொடங்கி, ஒரு வழியாக இப்போது ஒரு நுனியைக் கண்டுபிடித்துவிட்டார்கள். ஆனாலும் தமிழக போலீஸுக்கு ஆரம்பத்தில் இதுவொரு சவாலாகவே இருந்தது!விசாரணைக் களத்தின் தொடக்கமே திகில், க்ரைம் நிறைந்த ஹாலிவுட் படத்திற்கு இணையாகப் போகிறது என்று கூறும் போலீஸ் வட்டாரம், ‘இன்னும் ஓரிரு தினங்களுக்குள் எல்லாவற்றையும் முழுமையாகக் கண்டுபிடித்து விடுவோம்’ என்று கூறுகிறது.

இதற்கிடையில் கடந்த செவ்வாய்க்கிழமையன்று மாலை ஆந்திர மாநில டி.ஜி.பி. சுவரண்ஜித் சென் சென்னை வந்தார். தமிழக போலீஸ் டி.ஜி.பி. முகர்ஜியை மறுநாள் சந்தித்து நக்ஸல்களின் ஆயுதக் கடத்தல் பற்றியும் கடலோர காவல் படையின் செயல்பாடு குறித்தும் பேசப் போவதாகக் கூறினார்.

அடுத்த நாள் காலை பதினொரு மணி வாக்கில் தமிழக டி.ஜி.பி., முகர்ஜியைச் சந்திப்பார் என்ற தகவல் கிடைத்து, மொத்த மீடியாவும் டி.ஜி.பி. அலுவலகத்தில் காத்திருந்தனர். பதினொரு மணி வாக்கில்தான் ‘ஆந்திர டி.ஜி.பி.யும். தமிழக டி.ஜி.பி.யும், எழும்பூர் போலீஸ் ஆபீஸர்ஸ் மெஸ்ஸில் இருக்கிறார்கள். அங்கே அவர்களைச் சந்தித்துப் பேச வாய்ப்பிருக்கிறது’ என்று தகவல் சொன்னார்கள்.

மறுநாள் மதியம் இரண்டு மணிவாக்கில் எழும்பூரிலுள்ள போலீஸ் ஆபீஸர்ஸ் மெஸ்ஸில் பத்திரிகையாளர்களைச் சந்தித்த சுவரண்ஜித் சென், ‘‘தமிழக டி.ஜி.பி.யுடன் காலையிலேயே பேசிவிட்டோம். தமிழக டி.ஜி.பி. நியமித்துள்ள அதிகாரிகள் குழுவும், ஆந்திர எஸ்.பி.யும் இணைந்து நடத்திவரும் விசாரணையின் முன்னேற்றங்கள் குறித்து விவாதித்தோம். அந்த விவாதம் திருப்திகரமாக இருந்தது!’’ என்றார்.

அதோடு, ‘‘ஆயுதத் தயாரிப்பு சென்னையில்தான் நடந்துள்ளது. ஆயுதக் கடத்தல் கும்பலுக்கும் விடுதலைப் புலிகளுக்கும் தொடர்பில்லை’’ என்று கூறிவிட்டுப் பறந்துவிட்டார் சென்.

இதுபற்றி நம் போலீஸ் தரப்பில் விசாரித்தோம். ‘இதுதான் போலீஸ் டெக்னிக்’ என்ற ஓர் அதிகாரி, ‘‘இதில் கவனிக்கப்பட வேண்டியது நிறைய இருக்கிறது. ஆந்திரா டி.ஜி.பி., சென்னை விமான நிலையம் வந்தவுடனேயே ‘இந்தக் கடத்தல் இரண்டு மூன்று ஆண்டுகளாக நடந்திருக்கலாம்’ என்றார். இதற்கு, அடுத்த நாளே ஜெ.விடமிருந்து, ‘அரசியல் உள்நோக்கம் கற்பிக்கப் பார்க்கிறார்கள். அ.தி.மு.க. ஆட்சியில் அப்படி ஏதும் நடைபெறவே இல்லை’ என்று ஒரு காரமான பதில் வந்தது. அவ்வளவுதான்! அப்படியே அடக்கிவாசிக்கத் தொடங்கி விட்டார்கள். இனி, வெளிப்படையாகச் சந்திப்பு, விவாதம், ஆலோசனை என்பதைத் தவிர்த்து, ஆதாரத்துடன் ஆட்களைப் பிடித்து, எத்தனை வருடங்களாக நடந்தது என்பதை நிரூபித்து விட்டுப் பிறகு பேசுவோம் என முடிவெடுத்து விட்டார்கள். அதனுடன் வேறு சில ரகசிய காரணங்களும் இருக்கின்றன’’ என்ற அந்த அதிகாரி, அதை மர்ம நாவலைப் போன்று விவரிக்கத் தொடங்கினார்.

‘‘பொதுவாகவே நக்ஸல்பாரிகளின் திட்டம், செயல்பாடு என்பது, படு ரகசியமாகவே இருக்கும். மற்ற போராளிக்குழுக்களைப் போன்றோ, தீவிரவாதக் குழுக்களைப் போன்றோ அவர்களின் செயல்பாடு இருக்காது. போலீஸ் மூவ்மெண்ட் என்ன என்பதை உடனுக்குடன் தெரிந்து கொண்டு, அதற்கேற்றாற்போல் வியூகம் அமைப்பார்கள். வேண்டுமென்றே சில தடயங்களையோ, அல்லது நபர்களையோ சிக்க வைத்து விசாரணையின் போக்கையே மாற்றி விடுவார்கள். அதற்கு நிறைய உதாரணங்கள் இருக்கின்றன.

ஆந்திராவிலேயே இதுவரை பல நக்ஸல்பாரி இயக்கத்தவர்களைப் பிடித்திருக்கிறார்கள். விசாரித்தும் உள்ளார்கள். ஆனால் உருப்படியாக எதுவும் தேறவில்லை. பிடிபட்டவரோடுதான் ‘விவரம்’ முட்டிக் கொண்டு நிற்கும். அவரைத் தாண்டி மேல்மட்ட நபர்கள் யார்? என்று நகரவே நகராது. பெரிய இடைவெளியோடு விசாரணை தொங்கிக் கொண்டிருக்கும். இந்த இக்கட்டை போலீஸ் அனுபவிப்பதைத்தான் நக்ஸல்கள் விரும்புவார்கள்.

அதனால்தான், ‘இதை விவாதித்தோம். இது கிடைத்திருக்கிறது’ என்பதை இப்போது போலீஸ் வெளிப்படுத்திக் கொள்ளவில்லை!’’ என்று கூறினார்.

தொடர்ந்து நமது போலீஸின் ‘விசாரணைக் களத்திற்குள்’ நுழைந்தோம்.‘கியூ’ பிராஞ்சின் தலைமைக்கு இந்த வழக்கை மாற்றியதிலிருந்து விறுவிறுப்புதான். ஐந்து இன்ஸ்பெக்டர்கள் தலைமையிலான தனித்தனி டீம். ஒவ்வொன்றும் ஒவ்வொரு திசையில் பயணித்துக் கொண்டிருக்கிறது. முதல்கட்டமாக அம்பத்தூர் தொழிற்பேட்டை மற்றும் அதனைச் சுற்றியுள்ள அனைத்து ரக லேத் பட்டறைகளையும் தரவாரியாகப் பிரித்துப் பட்டியலெடுத்து விட்டார்கள்.

ஒவ்வொரு பட்டறையிலும் வேலை செய்பவர்கள் யார் யார்? அந்த ஊழியர்கள் எங்கே இருக்கிறார்கள் எனத் தேடி, ஒவ்வொருவரையும் விடாமல் கேள்விக்கணைகளால் துளைத்தெடுக்கிறார்கள். இதற்கிடையில் ஆந்திர போலீஸிடமுள்ள நக்ஸல் பாரி தலைகளின் புகைப்பட பட்டியல் ஒன்று தமிழகம் வந்து சேர்ந்துள்ளது.

அதில் ஆயுதப் பயன்பாட்டுத் தலைகள் எது, ஆயுத வடிவமைப்புச் செய்யும் பொறியாளர்கள் டீம் எது, அதில் முக்கியமானவர்கள் யார் யார்? என்ற விவரமெல்லாம் அடங்கியிருக்கிறது.அப்படிப்பட்ட ‘தலைகள்’ பட்டியல்களை வைத்துக்கொண்டுதான், அம்பத்தூர் தொழிற்பேட்டை வட்டார ஃபேக்டரிகளிலும், அதன் ஊழியர்களிடமும் ரகசிய விசாரணை நடத்தினார்கள் க்யூ பிராஞ்ச் போலீஸார்.

ஓர் ஊழியரிடம் விசாரிப்பது மற்றொரு ஊழியருக்குத் தெரியாது.விசாரணையில் ‘புகைப்படங்களில் உள்ள நபர்கள் எப்போதாவது ஃபேக்டரி பக்கம் வந்தார்களா? பார்த்திருக்கிறீர்களா? வந்தார்கள் என்றால் என்ன கால கட்டத்தில், எதற்காக வந்தார்கள்...? என்ற கேள்விகளை எல்லாம் கேட்டு பதில் பெற்றனர்.

நக்ஸல்பாரிகளிடம் பொதுவாக ஓர் அணுகுமுறை இருப்பதை ஓரளவு தெரிந்துகொண்டிருக்கிறது விசாரணை டீம்! ஓர் இடத்தைத் தேர்வு செய்து களப்பணியாற்றும் போது, அந்த இடத்தில் ஒரு பெயரை முன் வைத்துத்தான் அவர்கள் இயங்குவார்கள். அந்த இடத்தில் அவர் ஒரு எலக்ட்ரீஷியனாக அறிமுகமாகியிருப்பார். அந்த நபர் இன்னோர் இடத்தில் அம்பத்தூர் தொழிற்பேட்டையில் வேலை செய்பவராக இருப்பார்.

எனவே, இப்படி ஒரு ‘க்ளு’ கிடைத்து, நாம் ஒரு போலீஸ் டீமை இறக்கி விசாரித்தால் சரியான தகவல் இருக்காது. குறிப்பிட்ட அந்த நபர் சொன்ன முகவரியிலும் இருக்கமாட்டார்.

அதே பகுதியில் இருந்தாலும் வேறு பெயரில் டெய்லராக இருப்பார்.எப்படிச் சிக்குவார்?இதையெல்லாம் நுணுக்கமாகத் தெரிந்து கொண்டுதான் நமது போலீஸ் விசாரித்து வந்தது. ‘ஆயுதக் கடத்தலில் சம்பந்தப்பட்டவர் என்று சொல்லப்படும் சீனுவாச ரெட்டி என்ற பெயர் போலியானது. அந்தப் பெயரில் யாரும் இல்லை. அவர்கள் யாரும் ஒரிஜினல் பெயரில் நடமாடமாட்டார்கள்’ என்று ஆந்திர டி.ஜி.பி. கூறியதும் இதனடிப்படையில்தான்.

இப்படி பெரும்படையுடன் நூற்றுக்கணக்கான நபர்களிடம் இன்னமும் ரகசிய விசாரணை நடத்தி வரும் போலீஸ் டீமிற்கு, லேட்டஸ்ட்டாக மேலும் ஒரு நம்பிக்கை கிடைத்துள்ளது என்கின்றனர். அது கிராந்தி டிரான்ஸ்போர்ட் சர்வீஸை நடத்திய ரமணன் என்ற நபர்தானாம்.போலீஸ் கஸ்டடியிலேயே ஒவ்வொரு காவல் நிலையமாக மாற்றி மாற்றி வைத்திருக்கும் அவரையும், அவரது ஊழியர்கள் நான்கு பேரையும் இதுவரை சரியாக விசாரிக்கவே இல்லை. மேம்போக்கான விசாரணையையே நடத்தியிருக்கிறார்கள்.

இதற்குள் டிரான்ஸ்போர்ட் ஏஜென்ஸி எடுத்து நடத்திய ரமணனின் மொத்த ஜாதகத்தையும் ரகசியமாகவே தோண்டி எடுத்துள்ளார்கள்.தொடக்கத்தில் ஐதராபாத்தை மையமாக வைத்து ஜவுளித் தொழில் செய்து வந்த அவர், அந்தத் தொழிலில் நஷ்டத்தையே கண்டிருக்கிறார். பிறகு இந்த லாரி டிரான்ஸ் போர்ட் ஏஜென்ஸி பொறுப்பேற்ற பிறகு, ‘வசதி’யான நிலையை எட்டியிருக்கிறார். அது எப்படி என்பதுதான் போலீஸின் தற்போதைய துருவல்.

அதோடு அடிக்கடி ஆந்திரா சென்று வந்திருக்கிறார். எதற்காக அந்தப் பயணம் என மேலோட்டமாகவே கேட்டுத் தகவலை வாங்கியவர்கள், அதை அவருக்கே தெரியாமல் ரகசியமாகச் சரி பார்த்திருக்கிறார்கள். அதன்படி அவர் கூறிய பல தகவல்கள் முன்னுக்குப் பின் முரணாக இருப்பதையும் தெரிந்து கொண்டுள்ளார்கள். ஆக அவரிடம் ‘ஏதோ தகவல்’ உள்ளது என்பதை ஊர்ஜிதம் செய்தவர்கள், முதல்கட்டமாக அவரை ‘உரிய முறையில்’ விசாரிப்பதென்று முடிவெடுத்தார்கள்.இவற்றுடன் வேறு சில தகவல்களும் கிடைத்துள்ளனவாம்.

ஆந்திராவில் உள்ள நக்ஸல்பாரிகள் இதற்கு முன்பு ராக்கெட் லாஞ்சரை எப்போது பயன்படுத்தியிருக்கிறார்கள் என்கிற விவரம் பெறப்பட்டிருக்கிறது. பல இடங்களில் (காட்டுப்பகுதிகளில்) பயிற்சிக்காக அவற்றைப் பயன்படுத்தி இருப்பதை இப்போது ஆதாரத்துடன் ‘கலெக்ட்’ செய்திருக்கிறார்கள்.இது தவிர, ஒரேயரு முறை ரயில் நிலையத் தாக்குதலில் லாஞ்சர் மூலம் ராக்கெட் குண்டை ஏவியிருக்கிறார்கள். இந்தத் தாக்குதலின்போது, லாஞ்சரை தோள்மீது வைத்து ஏவிய நக்ஸல்பாரி நபர், ராக்கெட் குண்டு சீறிப் பாய்ந்த வேகத்தில் நிலைகுலைந்து அப்படியே மல்லாக்க விழுந்து இறந்திருக்கிறார். அதன் பிறகு வேறு எந்தத் தாக்குதல்களிலும் ராக்கெட் குண்டு பயன்பாடு இருந்ததில்லை.

அதைப்பாடமாக வைத்துக்கொண்டு லாஞ்சர் ராக்கெட் குண்டுகளில் மேலும் சில வடிவமைப்பு மாற்றம் செய்த பிறகுதான், புதிய தயாரிப்பிற்காக அவர்கள் சென்னையை அணுகியிருக்கலாம் எனக் கணித்துள்ளது போலீஸ். இந்தத் தயாரிப்பு வேலைகள்கூட, ஒரே இடத்தில், ஒரே ஃபேக்டரியில் தயாரிக்கப்படவில்லை என இதுவரையிலான விசாரணையில் தெரியவந்திருக்கிறதாம்.

ராக்கெட் குண்டுகளுக்கான மூன்று பாகங்களையும் தனித்தனியே பிரித்து, வேறு வேறு இடங்களில் செய்திருக்கலாம். அதேபோன்று லாஞ்சர்களையும் பாகம் பாகமாகப் பிரித்துக் கொடுத்திருக்கலாம். ஒரே இடத்தில் செய்யும்போது, ‘இதுதான்’ என்ற அடையாளம் மற்றும் சந்தேகம் எழுந்துவிடக்கூடாது என்பதால், அப்படிச் செய்திருக்கலாம் என்ற முடிவுக்கு வந்தனர்.

அதனடிப்படையில் கியூ பிராஞ்ச் டீமுடன் உள்ளூர் சட்டம் ஒழுங்கு இன்ஸ்பெக்டர்களான செல்வமணி, ஆகியோர் தீவிரமாக இறங்கி கொரட்டூர் பெரியார் நகர் ஒளவை வீதியில் உள்ள ‘பாரத் பைல்ஸ்’ தொழிற்சாலை மற்றும் அம்பத்தூர், மண்ணுர்பேட்டை ஆகிய இடங்களிலும் உள்ள ஃபேக்டரியை வேவு பார்த்து முற்றுகையிட்டார்கள். தொழிலதிபர்கள் ஐந்துபேர் உட்பட ஒன்பது பேரைக் கைது செய்துள்ளனர்.

உதிரி பாகங்கள் கிடைத்துள்ளது. அம்பத்தூர் எஸ்டேட் ஃபேக்டரி ஒன்றில் வேலை செய்த ரகு என்ற நபர்தான் அப்படி முன்னின்று ஆர்டர் கொடுத்துள்ளார். தலைமறைவான ரகுவைத் தேடி வருகிறார்கள்.

பிடிபட்ட குற்றவாளிகள் எட்டுப்பேரும், ராக்கெட் லாஞ்சர் மற்றும் குண்டுகளை தனித்தனி பாகமாகச் செய்து கொடுத்த ஊழியர்கள்.இந்தியாவே திரும்பிப்பார்த்த சவாலான இந்த வழக்கில் உச்சிக் குடுமியை பிடித்துள்ளது தமிழக போலீஸ். இனி மொத்தமாகத் தூக்கிவிடுவார்கள். சபாஷ்!

- ஸீ பா. ஏகலைவன் (ரிபோர்டர்)
படங்கள்: நாதன்

SLRC brands teledrama 'a disgrace'

2006-09-14T22:39:00.000+02:00

SLRC brands teledrama 'a disgrace'

By censoring without the knowledge of the producer the dialogue
" Jaffna Tears is cold as tears in Hambantota"
in the last episode shown on SLRC shows the level of censorship considered acceptable in the national broadcaster

- FMM

"I only found out about the ban by watching it on TV, says Athula Peris, director of Sudu Kapuru Pethi.

"Rupavahini initially asked me to do it, but now some of the episodes have been taken off."

"I still don't know the exact reason why they stopped this teledrama"

SLRC says the teledrama is a 'disgrace' to security forces
Sudu Kapuru Pethi, which was set upon the ongoing conflict between the Sri Lankan government forces and the Tamil Tigers, was recently banned by the Sri Lanka Rupavahini Corporation (SLRC).

The SLRC says the teledrama 'disgraced' the security forces at a time of war.
'Some parts of this teledrama brings disgrace to these soldiers and their self respect, on the other hand if we were to take episodes off and telecast it that would have been unfair on the audience so we had to discontinue it," explains head of SLRC Newton Gunarathne.
Consent given
Award winning film director Somarathna Dissanayake's Avasanda was also banned earlier by the SLRC.

A member of the 'Manel Mal' movement, that is organised for the well being of Army soldiers, Dissanayake says banning a teledrama for whatever reason is unacceptable.
"I still don't know the exact reason why they stopped this teledrama"
"They gave their consent to these teledramas as suitable for the audience at first, and now they say they are not suitable. If it was suitable then it has to be suitable now" He said.
The teledrama on Sri Lanka soldiers abusing Tamil women was one of the reasons for the ban according to the director of the SLRC.

"Even though we have heard of soldiers abusing Tamil women in minor scales, the teledrama makes it look like every soldier is in the wrong" Newton Gunerathne told BBC Sandeshaya.
The teledrama was based upon the award winning novel Sudu Kapuru Pethi by Thushari Abesekara.

SLRC says the teledrama is a 'disgrace' to security forces

Abusing Tamil women
The writer says the story does not insult decent soldiers in any form.
"In one episode the character Revathi says that she is pregnant by the people who are there to save the country. I have not insulted the soldiers by this as this is a common issue in Sri Lanka.'
'This is about how women Sinhalese or Tamil get abused by men." The author told bbcsinhala.com.
"If this teledrama can discourage the soldiers how did they win their battles last few weeks? This was broadcasting at the time they were fighting" questions a disappointed Athula Pieris.

- BBC sandesaya & BBC

சென்னையில் 'வலைப்பூக்கள்' குறித்த மாநாடு

2006-09-09T23:11:00.000+02:00

சென்னையில் 'வலைப்பூக்கள்' குறித்த மாநாடு

வலைப்பதிவுகளை உருவாக்குபவர்கள் சென்னையில் தான் அதிகம் என கூறப்படுகிறது

இணையதளத்தில் தகவல்பரிமாற்றம் நடைபெறும் முறையின் எதிர்காலநிலையை பிரதிபலிக்கும் விதமாக, தமிழக தலைநகர் சென்னையில் இன்று சனிக்கிழமை தேசிய அளவிலான இரண்டு நாள் மாநாடு ஒன்று துவங்கியது.

அதாவது, தகவல் தொழில்நுட்பத்துறையில் மிகப்பெரிய புரட்சியாக கருதப்படும் இன்டர்நெட் எனப்படும் இணையத்தில் தகவல்களை பரிமாறிக்கொள்ளும் முறைகளில் பிளாக்கிங் என்கிற நடைமுறை தற்போது அதிவேகமாக பிரபலமடைந்துவருகிறது. இதை தமிழில் வலைப்பதிவுகள் என்றும் வலைப்பூக்கள் என்றும் வலைப்பின்னல்கள் என்றும் பல பெயர்களில் அழைக்கிறார்கள்.

பத்திரிகைத்துறையின் ஆரம்பகாலகட்டத்தில் கையெழுத்துப்பிரதிகள் நடத்தப்பட்டன. அதாவது தனிமனிதர் ஒருவர் தனக்கு பிடித்த விடயங்கள் பற்றிய தனது கருத்துக்களை கையால் எழுதி தனிச்சுற்றுக்கு விடுவது கையெழுத்துப்பிரதியாக விளங்கிவந்தது. ஏறக்குறைய அதேபோன்றதொரு விடயம் தான் இணையத்தில் வலைப்பதிவுகளாக உருவெடுத்திருக்கிறது.
அதாவது, இணையத்தில் உலவத்தெரிந்த யார் வேண்டுமானாலும் இந்த வலைப்பதிவுகளை உருவாக்கலாம். இதற்கு கட்டணம் எதுவும் இல்லை. இதற்கு பெரிய தொழில்நுட்ப அறிவும் தேவையில்லை. பேசுவதில், எழுதுவதில் மற்றவர்களோடு கருத்துப்பரிமாறுவதில் ஆர்வம் இருக்கும் யாரும் இந்த வலைப்பதிவுகளை உருவாக்கலாம்.

ஒருவகையில் இந்த வலைப்பதிவுகள், தனிமனிதர்களின் இணையதள தகவல் மற்றும் கருத்துப்பரிமாற்றத்திற்கான எதிர்கால தனிமனித ஊடகங்களாக உருவெடுத்து வருகின்றன.

இந்திய அளவில் இப்படிப்பட்ட வலைப்பதிவுகளை உருவாக்குபவர்கள் அதிகம்பேர் சென்னையில் இருப்பதாக புள்ளிவிவரங்கள் தெரிவிக்கின்றன. இப்படியான வலைப்பதிவாளர்களின் தேசிய அளவிலான இரண்டு நாள் மாநாடு ஒன்று இன்று சனிக்கிழமை சென்னையில் துவங்கியுள்ளது.

எனது அமெரிக்க - கனடாவுக்கான முதல் பயணம் இது .6

2006-08-25T17:50:00.000+02:00

வாசிங்டனை நுனிப்புல் மேய்வது போல் சிவாவோடு
மேய்ந்து விட்டு
இல்லை
சுற்றி விட்டு சிறீராம் வீட்டுக்கு வந்தால்
நம் திரைப்பட குழுவில் உள்ள ஒரு சிலர் ஏற்கனவே
ரெடியா இருந்தாங்க.

நாங்களும் சொன்ன நேரத்துக்கு வந்ததில்
என்னை விட நம்ம சிவாவுக்குத்தான் திருப்தியாக இருந்தது.
அவரது டென்சன் குறைந்திருப்பதை பார்த்ததுமே
அது எனக்கு நல்லாவே புரிந்தது.

நான் ஏதோ திரைப்பட பயிற்சிப் பட்டறையில்
எல்லோருக்கும் ஒரு பயிற்சியாக இருக்கட்டுமே என்று
ஒரு குறும்படத்தை எடுக்கலாம் என்ற கருத்தைத்தான் அவர்களிடம் முன் வைத்தேன்.

ஆனால் தீபாவோ
அவரது எண்ணத்தை தரமாக பதிவாக்குவதற்காக
தமது முழு வீரியத்தையும் செலவு செய்து
அனைத்து பணிகளையும் செய்திருப்பதை
சிறீகாந் வீட்டுக்கு போனதுமே காணக் கூடியதாக இருந்தது.

அவரது கதைக்கான
கதாபாத்திர தேர்வை மிக அருமையாக அவரே செய்திருந்தார்.

அத்தோடு நடிக்கும் குழந்தைகளுக்கு
அதாவது தனது மகளுக்கு
ஏற்கனவே ஓரளவு பயிற்சியும் அளித்திருந்தார்.
தீபா தமது இதய தாகத்தோடே இவற்றை செய்திருந்தார் என்பதை
அவரது செயற்பாடுகள் ஊடாக என்னால் புரிந்து கொள்ள முடிந்தது.
அதை நான் மனம் திறந்து சொல்லியே ஆக வேண்டும்.

நாங்கள் கூடினோம் என்பதை விட
கலந்தோம் என்பதாகவே என்னால் சொல்ல முடியும்.
5-6 பேராக இருந்தாலும் எல்லோர் இதயங்களிலும்
ஓர் இனிமையான உணர்வு பூர்வமான உத்வேகத்தை என்னால் உணர முடிந்தது.

அவர்களது கலைத் தாகத்தை முழுமையாக என்னால்
தணிக்க முடியாவிட்டாலும்
ஓரளவு தாக சாந்தியாவது பண்ணியாக வேண்டும் என
என் மனது சொன்னது....................

எல்லோரும் என்ன செய்யப் போகிறோம் என்பதை
மீண்டும் கலந்து மேலோட்டமாக பேசினோம்.
யாரும் பெரிதான குறுக்கீடுகள் செய்யவில்லை.

அதற்கான காரணம்
ஆரம்ப விளக்கங்களும்
எல்லோரிடமும் இருந்த புரிதலுமாகவே நான் கருதுகிறேன்.

தீபா தனது பணியை தொடங்க
நான் அவர் என்ன செய்ய விரும்புகிறார் என்பதை
ஒரு முறை செய்யுங்கள் என்றேன்.

அவரது உணர்வோடு இணைந்த கதையின்
வெளிப்பாட்டை அவரது செயல்பாடு எனக்கு மட்டுமல்ல
எல்லாருக்கும் புரிய வைத்திருக்கும்.

நான் ஒளிப்பதிவு செய்வதற்காக தயாரானேன்.
காரணம் அங்கே யாரும் அதுவரை அதை செய்திருக்காததுதான்.
3-4 நாட்களில் யாரையும் ஒரு ஒளிப்பதிவாளராக்கி விட முடியாது.
இந்த திரைப் பயிற்சி பட்டறை எல்லோருக்குமே
சினிமாவை எப்படி நுகர வேண்டும்.
அதில் பணிபுரியும் போது என்ன தெரிய வேண்டும் என்பது போன்ற
ஒரு அடிப்படை அறிவை கொடுத்திருக்கும் என்றே நம்புகிறேன்.

எனவே அவர்களது ஒரு படைப்பு
அவர்களுக்கு ஓரளவாவது திருப்தி தருவதாக ஆகி விட்டால்
அடுத்த கட்டத்துக்கு போகும் சக்தி
அவர்களுக்குள் தானாகவே இயங்கத் தொடங்கிவிடும்.
இதை செய்வதே எனது தற்போதைய பணி...............

ஏனைய நண்பர்களான
சிறீராம் - சங்கரபாண்டி - பாபு மற்றும் சிவா
அனைவருமே இணைந்து
ஒலிப்பதிவுயை செய்வது
பொருட்களை நகர்த்துவது
மற்றவர்களை அமைதியாக இருக்கச் செய்வது
இதனிடையே ஒளிப்பதிவுக் கருவிக்குள்
என்ன கோணத்தில் - எப்படி படம் பிடிக்கப்படுகிறது
இப்படி அனைத்திலும் ஓர் சினிமா தேடுதலில் என்னோடு இணைந்தார்கள்.

இங்கு கூட ஒரு சில குறைபாடுகள் இருந்தன.
நான் கொண்டு சென்ற சாதாரண கனொன் (Cannon) வீடியோ கமராவைத்தான்
ஒளிப்பதிவுக்காக பயன்படுத்தினோம்.
அது பரவாயில்லைதான்.
இருந்தாலும்
அதில் பெரிய தரமான ஒளிப்பதிவை செய்ய முடியாது.
முன்னமே இப்படி என்று தெரிந்திருந்தால்
எனது Sony HDV Cameraவை கொண்டு சென்றிருப்பேன்.
மனதை வருத்தியது.
இதற்கெல்லாம் காரணம் சரியான
அறிமுகம் இல்லாமல் போனதே என்பது
எனது கருத்து.

அடுத்தது
நான் ஒளிப்பதிவு செய்வதை
பயிற்சியாளர்கள் பார்க்க
சிறிய மொனிட்டர் (TV) ஒன்றும் அங்கு இருக்கவில்லை.
அதனால் அவர்களால் என்ன நடக்கிறது என்பதை
ஓரளவு ஊகிக்க முடியுமே தவிர
நிச்சயமாக என்ன ஒளிப்பதிவு செய்யப்படுகிறது என்பதை
அவர்களால் பார்க்க முடியாத குறை...........!

அடுத்து
வீடியோ லைட்கள் மட்டுமல்ல
கமரா ஸ்டான்ட் அதாவது டிரைபொட் ஒன்று கூட
இருக்கவில்லை.
அதனால் முழு ஒளிப்பதிவும்
Hand Camera எனும் முறையில்தான்
அதாவது முழுப்படப்பிடிப்பும்
கையில் கமராவை வைத்தே
ஒளிப்பதிவு செய்தேன்.

படப்பிடிப்பு ஆரம்பமாகும் முன்
என்னுள் தோன்றிய
சில கருத்துகளை தீபாவுக்கு சொன்னேன்.
அதிகமானவை அவரால் ஏற்கக் கூடியதாக இருந்தது.
ஒரு சில கருத்துகள் அவரால் ஏற்க முடியாதவையாக இருந்ததை
என்னால் உணர முடிந்தது.

இப்படியான தருணங்களில்
நவீன படைப்பாளிகளது கருத்துகளை
சற்று பயிற்சி பெற்றவர்கள்
மனம் நோகாமல் அணுக வேண்டிய
ஒரு கடமையுண்டு.

இங்கே
தர்க்கங்களில் ஈடுபடக் கூடாது.
படைப்பை உருவாக்குவதை விட
அதற்கே கால விரயமாகி
அனைத்தையும் நிறுத்திவிடும்.

எனவே
அவரது கருத்துப்படி ஒளிப்பதிவு செய்ததோடு
சிலவற்றை நான் விரும்பிக் கேட்டு
செய்யச் சொல்லி ஒளிப்பதிவு செய்தேன்.

திறமையான ஒளிப்பதிவாளர்கள்
படைப்புக்கும் இயக்குனருக்கும்
சம்பந்தமான
ஆனால் இயக்குனரது மனதில் தோன்றாத
சில சாட் (Shot) களை பிரத்தியேகமாக
எடுப்பார்கள்.
இதற்கு அனைத்து இயக்குனர்களும் உடன்படுவதில்லை.
நமக்கு மேலே இவர் ஏன் எண்ணுகிறார் என்ற எண்ணமாகக் கூட இருக்கலாம்.

இப்படி கொஞ்சம் அதிகமாக எடுக்கும்
பிரத்தியேக சாட் (Shot) கள் எடிடிங் எனும் தொகுப்பில்
பெரிதும் கைகொடுக்கும்.

நாம் எதையாவது கவனக் குறைவாக
அல்லது
மறதி காரணமாக விட்டிருப்போம்.
சிறு துரும்பு கூட ஆபத்துக்கு உதவும் என்பது போல
இவை நிச்சயம் உதவும்.
என் பணிகளில் இவை பயன்படவே இல்லை
என்று சொல்ல மாட்டேன்.
அதற்கான முழு ஒத்துழைப்பும்
தீபா மற்றும் நண்பாகளால் எனக்கு கிடைத்தது என்பது
மகிழ்வான விடயமே..............

எமக்கு இருந்த அடுத்த மிக முக்கியமான பிரச்சனை
குழந்தைகளை கையாள்வது.

இது மிக அவதானமாக செய்ய வேண்டியது.
குழந்தைகள் நாம் நினைப்பது போல ஒரே மாதிரியாக தொடர்ந்து இருக்க மாட்டார்கள்.
ஒரு சிறு மன அதிர்வும் அவர்களை மாற்றி விடும்.
பெரியவர்களுக்கு சொல்வது போன்ற விளக்கங்கள் எல்லாம்
இவர்களிடம் எடுபடாது.
யானை சாய்ந்தால் எழுந்திருக்காது என்பது போல
குழந்தைகள் குழம்பினால் அம்பேல்தான்..................?

அடுத்த பிரச்சனை
படப்பிடிப்பு மாலை 8.30 அளவில்தான் தொடங்கியது.
செயற்கை விளக்குகள் எம்மிடம் இருக்கவில்லை.
இயற்கை ஒளி மட்டுமே.............
(அமெரிக்கா மற்றும் கனடாவில் மாலையில் கொஞ்சம் நேரமாகும் வரை
சூரியன் தூங்குவதில்லை!)
அதாவது வெளியே இருந்து வரும் இயற்கை ஒளி
அதோடு வீட்டு மின் விளக்குகளிலிருந்து வரும் சிறு ஒளி.................

இந்த நிலமையில்
இருள் அதிகமாவதற்கு முன்
எமது பணி முடிந்தால் நல்லா இருக்கும்
என்ற ஆதங்கம் என் மனதுக்குள்............

தீபாவின் நண்பியின் குழந்தை
சிறியவளாக நடித்த (ஷ்ரியா ஐயர்)
மாலையானதும் கொஞ்சம் பிரச்சனை
கொடுக்கத் தொடங்கினாள்.

அந்தக் குழந்தைக்கு பழக்கமில்லாத புது இடம்.
தாய் போன்ற நெருங்கியவாகளைத் தவிர
குழந்தைகள் வெகு நேரம் அடுத்தவரோடு தங்காது.

அவளைக் கட்டுப்படுத்த தீபா பெரு முயற்சியில் இருந்தார்.
அதுவே சில இடங்களில் யதார்த்தமாக வந்து இருந்தது.

படப்பிடிப்பு நல்லபடியாக முடிந்தது
பெரிய ஆறுதல்...............
இருந்தாலும்
எடுத்ததை என் லாப்டொப்பில்
பதிவு செய்யும் போது
அனைவருமே என்ன வந்திருக்கு என்று பார்த்தார்கள்.

எடிட் பண்ண முயன்றேன்.
அதற்கான மன நிலையோ
சாத்தியமோ இல்லாததால் அதை அத்தோடு நிறுத்தினோம்.

இது முடிந்து
நான் சங்கரபாண்டி வீட்டுக்கு போய்
அடுத்த நாள் என் குறும்பட திரையிடலுக்கு
வேறு தயாராக வேண்டும்.

எனவே சாப்பிட்டு விட்டு புறப்பட தயாரான போது
மனது கொஞ்சம் வலிக்கவே செய்தது.
அனைவரும் அப்படி ஒரு நெருக்கமாக
வாழ்ந்தார்கள்..............

நான் அதிகமாக அங்கே கழித்த நேரங்கள்
சிவாவோடுதான்.
அவரது துணைவியார் தாராவிடம் சொல்லிக் கொள்ளாமல்
புறப்பட வெண்டியதாயிற்று.
அவர் ஊரில் இருக்கவில்லை.
இருந்தாலும் தொலைபேசியில்
அஜீவனுக்கு சாப்பிடக் கொடுத்தீங்களா?
வெளிய கூட்டிட்டு போனீங்களா என்று
அவர்களுக்குள் நடக்கும் தொலைபேசி சம்பாசனைகள்
என்மேல் இருந்த கரிசனையை காட்டியது.

சிறீராம் குடும்பத்தின் இனிமை
பாபுவின் தேடுதல் கொண்ட பேச்சுக்கள்.
இனிய காமடித்தனமான வாத விவாதங்கள்.
கல்லூரி நாட்களை நினைவலைக்குள் கொண்டு வந்தது.

தீபாவின் கலைத்தாகம்
அதற்கான உழைப்பு
அவரது கணவர் மூர்த்தியின் ஒத்துழைப்பு
காவியாவின் குறும்பும் துடிப்பும்
இதுவெல்லாம் என் இதயத்தைக் கவர்ந்தவை.

அவர்களை பிரிந்து வந்தாலும்
அவர்களை மறக்க இயலாமல் பண்ணிய விடயங்கள் இவை.

ஒரே ஒரு குறை.

எல்லோரும் இணைந்து ஒரு புகைப்படம் கூட
எடுக்க முடியவில்லை.
படப்பிடிப்பு நடக்கும் போது கூட.................?
ஒரு நினைவக்காக................?

படப்பிடிப்பில் மட்டும் மனம் லயித்து நின்றதால்
முக்கியமான ஒன்று தவறவிடப் பட்டு விட்டது.

சே.............என்று
தலையை நான் சொறியும் போது
சங்கரபாண்டி ரொம்ப தூரம்
காரில் வந்துவிட்டார்......................

தொடரும் என்று போடுவதற்கு முன்............

நான் சுவிஸ் வந்து
பிஞ்சு மனம் குறும்படத்தை தொகுத்து
இணையத்தில் இணைத்த போது
வந்த பாராட்டுகள் சற்றும் எதிர்பாராதவை.

நமக்குள் பகிர்ந்து கொண்டதை
உங்களோடும் பகிர்ந்து கொள்ள ஆவல்........

அதற்கு முன் இது...................

பிஞ்சு மனம்
சர்வதேச ஒரு நிமிட திரைப்பட விழாவுக்கு தேர்வானது
மற்றுமொரு சுவையான நிகழ்வுதான்.

ஒரு நிமிட பிஞ்சுமனம் குறும்படத்தை பார்ப்பதற்கு அழுத்தவும்

ஒரு நிமிட சர்வதேச திரைப்பட விழாக்கள்
சுவிற்சர்லாந்து தவிர்ந்து
Chile , France , Italy , Tokyo , Canada மற்றும் Croatia ஆகிய நாடுகளிலும்
100 செக்கன் சர்வதேச ஒரு நிமிட திரைப்பட விழா அமெரிக்காவிலும் நடைபெறுகிறது.

சுவிஸில் நடைபெறும் விழாவுக்கு
பிஞ்சு மனத்தை மேலும் குறுக்கி எடிட் செய்து
அனுப்ப யோசித்தேன்.

குறும்படத்தை அனுப்புவதற்கு முன்
விண்ணப்பத்தை இணைய வழி அனுப்பினேன்.

குறும்படத்தை இணைய வழி பார்க்க கேட்டார்கள்.
மின் அஞ்சலில் அனுப்பினேன்.

இணையம் ஊடாக பார்த்த பின்
தபாலில் அனுப்புமாறு பதில் வந்தது.

800 குறும்படங்களில் 186 குறும்படங்கள்
போட்டிக்காக தேர்வாகி இருந்தன.
அதனுள் ஒன்றாக பிஞ்சு மனமும் சேர்ந்து
பார்வையாளர்களை பரவசப்படுத்தியது.

2006 ஆகஸ்ட் 20ம் நாள்
காலை 11.00 மணி முதல் பி.ப.14.00மணி வரை
படைப்பாளிகள் கலந்துரையாடும் நிகழ்வில்
பலரும் பாராட்டினார்கள்.

இது சர்வதேச பிரச்சனைகளில் ஒன்று என்றும்
தாய்மார் கவனத்தில் கொள்ள வேண்டிய
ஒரு கரு என்ற கருத்துகளை பார்வையாளர்களும்
ஏனைய படைப்பாளிகளும் முன் வைத்தார்கள்.

படம் ஒளிப்பதிவு செய்த சூழலை சொன்ன போது
அவர்களுக்கு வியப்பாகவே இருந்தது.

அன்று சிறந்த குறும்படமாக தேர்வான
குறும்படத்தை ஒரு மாதமாக திட்டமிட்டு எடுத்திருந்தார்கள்
என்பது சொல்லப்பட்டது..............

சுவிஸ் மனேதத்துவ பெண் வைத்தியர் ஒருவர்
வித்தியாசமான ஒரு தகவலை சொன்னார்.

தாய்
குழந்தையின் சித்திரத்தை
குழந்தையின் அறையில் மாட்டுவதை விட
தாய் தனது அறையில் சித்திரத்தை மாட்டுவதாகவும்
அதை
குழந்தை காண்பதாகவும் காட்சிப் படுத்தியிருந்தால்
சிறப்பாகியிருக்கும் என்றார்.

அவரது பார்வைக்கு நன்றி சொன்னேன்.
நியாயமான ஒரு விமர்சனம்.

எனது சுவிஸ் நண்பர்கள் விழாவில் என்னுடன் இருந்தார்கள்.
ஐரோப்பா முழுவதுமிருந்து 1400 பேர்
கலந்து கொண்டார்கள்.
3 இடங்களில் ஒரே நேரத்தில் (18,19 & 20 August 2006)
3 நாட்களாக
தொடர் திரையிடல்கள் இருந்ததால்
புதிய நட்புகளும் அறிமுகங்களும் மலர்ந்ததில் மகிழ்ச்சியே !

இதோ குறும்பட விழா பற்றிய தகவல்களும் புகைப்படங்களும் (அழுத்துங்கள்)

பிஞ்சுமனம் குறும்படத்தை பார்க்கவும் முன்னைய விமர்சனங்களை படிக்கவும்.(அழுத்துங்கள்) .

தொடரும்....................

ONE NINUTE FILM & VIDEO FESTIVAL ; Switzerland / Aug.2006

2006-08-22T00:42:00.000+02:00

3rd Internationales
ONE NINUTE
FILM & VIDEO FESTIVAL AARAU
Switzerland
18-20 Aug. 2006

http://www.oneminute.ch/

One Minute Film & Videofestival Aarau
and the winners 2006 are.....
http://www.oneminute.ch/winner06.html

http://www.oneminute.ch/

பிரிட்டனில் தஞ்சக் கோரிக்கை அவலம்

2006-08-15T15:07:00.000+02:00

பிரிட்டனில் தஞ்சக் கோரிக்கை நிராகரிக்கப்பட்ட தமிழர்களின் அவலம்
[15 - August - 2006]
- கலாநிதி சிதம்பரநாதன்

கடந்த பல வருடங்களுக்கு மேலாக அகதிகளாக வாழ்ந்து வந்த பல ஆயிரம் தமிழர்கள் இப்போது கொழும்புக்கு நாடு கடத்தப்படுகிறார்கள். அதேவேளை, பல இலட்சக்கணக்கான ரூபா பணத்தை செலவு செய்து ஆள் கடத்தும் முகவர்கள் மூலம் இப்போதும் பிரித்தானியாவுக்குள் தமிழர்கள் தஞ்சம் கோருகிறார்கள். தற்போது நாளொன்றுக்கு இருவர் அல்லது மூவர் என்ற எண்ணிக்கையில் கொழும்புக்கு அனுப்பப்படும்போது அதே எண்ணிக்கையில் புதிதாக தஞ்சம் கோருகிறார்கள். ஐக்கிய நாடுகளின் அகதிகள் சாசனத்தின் அடிப்படையில், தஞ்சம் கோருதல் தனிப்பட்ட ஒவ்வொருவருடைய மனித உரிமையாகும். அதேவேளை, தகுதியான தஞ்சம் கோருவோருக்கு புகலிடம் அளிக்க வேண்டியது பிரித்தானியாவுக்குரிய சர்வதேச சட்டங்களுக்கு உட்பட்ட அடிப்படையில் கடப்பாடாகும். தஞ்சம் கோரி வருவதை எவரும் தடை செய்ய முடியாதென்பது உண்மை. ஆனால், பல இலட்சம் பணத்தை விரயமாக்கி பிரித்தானியாவிற்குள் தஞ்சம் கோருவதற்கு முன்பு அவர்கள் எதிர்கொள்ள இருக்கும் அவல நிலையையும் ஏற்கனவே தஞ்சம் கோரி நிராகரிக்கப்பட்டவர்களின் புரையோடிய பிரச்சினைகளையும் புதிதாக தஞ்சம் கோருவோர் அறிந்து கொள்வது நன்மையளிக்கும்.

2005 ஆம் ஆண்டு ஐக்கிய நாடுகள் சபையின் அகதிகளுக்கான ஆணையாளரின் வருடாந்த சர்வதேச அகதிகள் பற்றிய மதிப்பீட்டில் அகதிகளாக புலம்பெயர்ந்த இலங்கையர்களின் எண்ணிக்கையில் சுமார் அறுபது நாடுகளில் ஒரு மில்லியன் இலங்கையர்கள் தஞ்சம் புகுந்துள்ளதாக தெரிவிக்கப்படுகின்றது. இந்த மொத்த எண்ணிக்கையில் 99 சதவீதமானவர்கள் தமிழர்கள் என உத்தியோகப்பற்றற்ற எண்ணிக்கையாக எடுத்துக் கொண்டால் இலங்கையர்கள் எனக் குறிப்பிடப்படும் போது அது தமிழர்களாக எடுத்துக் கொள்வது எனது ஆய்வுக்கு பொருத்தமாக இருந்தது. ஐரோப்பிய நாடுகளில் முக்கியமாக ஜேர்மனி, பிரான்ஸ், இத்தாலி, நெதர்லாந்து மற்றும் ஸ்கென்டினேவியன் நாடுகளான டென்மார்க் சுவிற்சர்லாந்து போன்றவற்றுடன் பிரித்தானியானியாவிலும் அதிக எண்ணிக்கையிலான தமிழர்கள் தஞ்சம் கோரி புலம்பெயர்ந்துள்ளார்கள்.

இந்த நாடுகளெல்லாம் தஞ்சம் புகுந்த தமிழர்களின் தஞ்சக் கோரிக்கைகள் அந்த நாட்டு அதிகாரிகளினால் 85 முதல் 95 வீதமான வரையிலானவை ஏற்றுக் கொள்ளப்பட்டு இன்று அவர்களில் கணிசமானவர்கள் அந்த நாட்டு பிரஜைகளாக மாறி அதன் அனுகூலங்களை அனுபவித்துக் கொண்டிருக்கின்றார்கள். ஆனால், பிரித்தானியாவில் 2005 ஆம் ஆண்டு வரையிலான கடந்த 22 வருட காலத்தில் தஞ்சம் கோரி விண்ணப்பம் செய்த தமிழர்களில் 85 வீதமானவர்கள் இந்த நாட்டு குடிவரவு அதிகாரிகளினால் நிராகரிக்கப்பட்டிருக்கின்றார்கள். இவர்களில் சுமார் 33 ஆயிரம் தமிழர்களும் அவர்களின் குடும்ப அங்கத்தவர்களும் கடந்த 10 வருடங்களாகவும் சிலர் அதற்கு மேலாகவும் நிராகரிக்கப்பட்ட நிலையில் இந்த நாட்டில் சொந்த நாடுமின்றி புலம்பெயர்ந்த நாடுமின்றி வாழ்கிறார்கள்.

இலங்கையில் சிங்கள இராணுவத்திற்கு அஞ்சி ஓடி வந்தவர்கள் இங்கு இப்போது குடிவரவுப் பகுதி அதிகாரிகளுக்கும் பிரித்தானிய பொலிஸாருக்கும் பயந்து தலைமறைவாக வாழ்கின்றார்கள். குற்றம் புரிந்த கிரிமினல்களை சமூகத்திற்குள் உலாவ விடுவதுபோன்ற நடைமுறையில் வாராந்தம் அல்லது மாதாந்தம் கையெழுத்திட்டு ஒவ்வொருவருடைய சமுகத்தையும் பொலிஸ் நிலையங்களிலும் குடிவரவு நிலையங்களிலும் உறுதிப்படுத்தும்படி பணிக்கப்படுகின்றார்கள். தங்களது நாளாந்த வாழ்க்கையை நடாத்துவதற்குத் தேவையான பணத்தை சம்பாதிப்பதற்கு ஏதுவான தொழில் செய்யும் உரிமையை இழந்து பல ஆயிரம் தமிழர்கள் வேறு வழியின்றி சட்டவிரோதமான வழிகளில் பிரித்தானிய சமூகத்தில் மலிந்து கிடக்கின்ற சந்தர்ப்பத்தை இலாபத்துக்கு பயன்படுத்திக் கொள்கின்ற வேலை வழங்கும் முதலாளிகளிடம் சிக்குண்டு மலிவு ஊதியத்திற்கு தும்பாக அடிபடும் துயரத்தில் பல ஆயிரம் பேர் தங்கள் நாளாந்த வாழ்க்கையை ஓட்டிக் கொண்டிருக்கின்றார்கள். பத்து வருடங்களுக்கு முன் ஜேர்மனி - பிரான்ஸ் நாட்டுக்கு தஞ்சம் கோரி சென்றவர்கள் இப்போது அந்த நாடுகளின் பிரஜைகளாக மாறி ஐக்கிய இராச்சியத்திற்குள் குடிவந்து இந்த நாட்டில் கிடைக்கக்கூடிய வாய்ப்புகளை சட்டபூர்வமாக அனுபவிக்கிறார்கள்.

ஆனால், அதே ஆண்டில் அவர்களுடன் நாட்வைவிட்டு வெளியேறி இந்த நாட்டுக்குள் தஞ்சம் கோரியவர்கள் பத்து வருடங்களுக்கு பின்பும் பிறந்த நாடும் இல்லாமல் புலம்பெயர்ந்த நாடும் இல்லாமல் கட்டாய நாடுகடத்தலை எதிர்பார்த்து ஏங்கிக் கொண்டிருக்கின்றார்கள். இவ்வாறு நிராகரிக்கப்பட்ட தமிழர்களின் அவல நிலையை பட்டியல் படுத்திக்கொண்டே போகலாம்.

இவற்றுக்கெல்லாம் தங்களால் சமர்பிக்கப்பட்ட அரசியல் தஞ்சக் கோரிக்கை நிராகரிக்கப்பட்டிருப்பதே காரணம். தமிழர்களுக்கு தஞ்சம் வழங்கிய மற்றைய நாடுகளுடன் ஒப்பிடும் போது ஐக்கிய இராச்சியத்தில் தஞ்சம் கோரிய தமிழர்களின் தஞ்சக் கோரிக்கைகள் அதியுயர் எண்ணிக்கையில் நிராகரிக்கப்பட்டதற்கு காரணம் என்ன? தஞ்சம் கோரியவர்களா? அல்லது தஞ்சக்கோரிக்கைகளை பரிசீலனை செய்த குடிவரவுப் பகுதி அதிகாரிகளா? அல்லது இவர்கள் இரு பகுதியினருக்கும் இடையிலிருந்து தஞ்சம் கோரிய தமிழர்களின் நலன்களை சட்டபூர்வமாக பேணிய சட்டத்தரணிகள் அல்லது அதற்கு சமமான மட்டத்திலிருந்து கடமையாற்றிய நலன்புரி அமைப்புகள் அல்லது தனிப்பட்டவர்களா காரணம்?

தஞ்சம் கோரிய தமிழர்களோ தங்களது சட்டத்தரணிகளிலும் சங்கங்களிலும் பொறுப்பை சுமத்துகின்றார்கள். சட்டத்தரணிகளும் சங்கங்களும் தஞ்சம்கோரிய தமிழர்களிலும் குடிவரவுப் பகுதி அதிகாரிகளிலும் குற்றத்தை போட்டுவிடுகிறார்கள். குடிவரவுப்பகுதியோ உயிராபத்திலிருந்து தப்பி வந்தார்கள் என்ற காரணத்தை சந்தேகத்திற்கு அப்பாற்பட்ட வகையில் நிரூபிக்கத் தவறிய தஞ்சக் கோரிக்கைக்கு உரியவர்கள்தான் நிராகரிக்கப்பட்டவர்கள் என்கின்றது. யார் யார் மீது குற்றம் சுமத்தினாலும் உண்மை என்னவென்றால், 2005 ஆம் ஆண்டு முடிவடையும் போது சுமார் 33 ஆயிரத்துக்கும் மேற்பட்ட இலங்கைத் தமிழர்களும் அவர்கள் குடும்பத்தினரும் குடிவரவுப்பகுதியினரின் கூற்றுப்படி நிராகரிக்கப்பட்ட நிலையில் பலவந்த நாடு கடத்தலுக்கு தயாராகிக் கொண்டிருக்கிறார்கள் என்பது உண்மை.

தமிழ் அகதிகளின் வருகையும் தஞ்சக் கோரிக்கைளும்
இலங்கைக்கும் பிரித்தானியாவிற்கும் இடையிலிருந்து வந்த நீண்டகால உறவுகளின் அடிப்படையில் 1983 ஆம் ஆண்டு ஜூலை மாதத்தின் பின் அதிக எண்ணிக்கையில் தமிழ் அகதிகள் தஞ்சம்கோரிவரத் தொடங்கினார்கள். விசா இன்றியே பிரித்தானியாவுக்குள் வரக்கூடிய சந்தர்ப்பத்தை பாவித்து 1986 ஆம் ஆண்டு வரையிலான காலத்தில் 4,600 விண்ணப்பகாரர்களும் அவர்களுடைய குடும்பத்தினரும் இலங்கையிலிருந்து தஞ்சம் கோரி பிரித்தானியாவுக்குள் வந்தனர். அந்தக் காலப்பகுதியில் இலங்கையில் தமிழர்களுக்கு எதிராக நடத்தப்பட்ட வன்செயல்கள் பிரித்தானிய ஊடகங்களில் அதிக கவனத்தை பெற்றிருந்த காரணத்தினால் பிரித்தானிய மக்களின் அனுதாப அலைகள் தமிழ் அகதிகள்மீது அதிகமாகக் காணப்பட்டன. தமிழ் அகதிகளுக்கு அடைக்கலம் வழங்கவேண்டுமென்ற வேண்டுகோள் வலுப்பெற்றதன் காரணமாக அகதி அந்தஸ்து பெறத் தகுதியற்றவர்கள் மனிதாபிமான அடிப்படையில் தற்காலிகமாக தங்கியிருப்பதற்குரிய இருப்பிட அனுமதியை பிரித்தானிய அரசு வழங்கியது.

1993 ஆம் ஆண்டு வரையிலான 10 வருட காலத்தில் 13,700 தமிழர்களுக்கும் அவர்களது குடும்பத்தினருக்கும் இவ்வாறான இருப்பிட அனுமதி வழங்கப்பட்டிருந்தது. இவ்வாறு வழங்கப்பட்டவர்கள் காலக்கிரமத்தில் பிரித்தானியாவின் நிரந்தர இருப்பிடத்தை பெற்றவர்களாகவும் பிரித்தானிய பிரஜைகளாகவும் மாறிவிட்டனர். 1990 ஆம் ஆண்டு காலப்பகுதியில் பிரித்தானியாவிற்குள் படையெடுக்கப்பட்ட பல்வேறு நாடுகளைச் சேர்ந்த பல இலட்சக்கணக்கான அகதிகளின் வருகையை கட்டுப்படுத்துவதற்காக பிரித்தானிய அரசு புதிய சட்டமூலங்களை அறிமுகப்படுத்த வேண்டியிருந்தது.

1993 ஆம் ஆண்டு கொண்டு வரப்பட்ட பிரித்தானியாவின் தஞ்சம் கோருவார் அப்பீல் உரிமை சட்டமூலத்தினால் தமிழர்களுக்கு வழங்கப்பட்டு வந்த மனிதாபிமான இருப்பிட அனுமதி நிறுத்தப்பட்டது. ஒவ்வொருவருடைய தஞ்சக்கோரிக்கையும் தனித்தனியே பரிசீலனை செய்யப்பட்டு தகுதியடிப்படையில் தஞ்சம் வழங்கப்பட்டதுடன் நிராகரிக்கப்பட்டவர்களுக்கு நீதிமன்றத்தில் அப்பீல் செய்கின்ற உரிமையும் வழங்கப்பட்டு வந்தது.
இந்த நடைமுறையினால் குடிவரவுப்பகுதியின் தஞ்சம் கோருவோர் விண்ணப்பங்களை பரிசீலனை செய்யும் நடைமுறையில் என்றுமில்லாதவாறு முடக்கம் காணப்பட்டு இறுதியில் பல ஆயிரம் விண்ணப்பகாரர்களுக்கு பரிசீலனையின்றியே இருப்பிட அனுமதி வழங்க வேண்டிய கட்டாயத்திற்கு பிரித்தானிய அரசு தள்ளப்பட்டது. இந்த அரிய வாய்ப்பில் அதிர்ஷ்டமுள்ள சுமார் 1,500 தமிழர்களும் அவர்களுடைய குடும்பத்தினரும் இருப்பிட அனுமதியைப் பெற்றனர்.

ஆனால், அதே காலப்பகுதியில் தஞ்சம் கோரி நிராகரிக்கப்பட்டவர்கள் சுமார் 1,700 பேரும் அவர்களுடைய குடும்பத்தினரும் இந்த சலுகையைப் பெற முடியாதவர்களாக ஆக்கப்பட்டதுமின்றி அவர்களில் 90 வீதமானோர் இன்றும் 10 வருடங்களுக்கு பிறகும் நிராகரிக்கப்பட்டவர்கள் பட்டியலில் சேர்க்கப்பட்டு நாடு கடத்தப்படும் தினத்தை எதிர்நோக்கும் அவல நிலைக்கு தள்ளப்பட்டிருக்கின்றார்கள்.

2000 ஆம் ஆண்டு அக்டோபர் மாதத்திற்கு முன்பு தஞ்சம் கோரிய குடும்பத்தைக் கொண்டவர்களுக்கு குழந்தைகளின் நலன் கருதி அறிமுகப்படுத்தப்பட்ட மற்றுமொரு இருப்பிட அனுமதி வழங்கும் திட்டத்தில் சுமார் 1,500 தமிழர் குடும்பங்கள் பலனடையுமென உத்தியோக பூர்வமற்ற கணிப்பீடுகள் காட்டின. 1992 ஆம் ஆண்டிலிருந்து இலங்கைத் தமிழர்கள் பிரித்தானியாவிற்குள் தஞ்சம் கோரி வருதல் படிப்படியாக குறைந்து கொண்டு வந்தாலும் 1998 இல் திடீர் ஏற்றம் காணப்பட்டது. இந்த ஆண்டு சுமார் 3,500 தமிழர்களும் அவர்களது குடும்பத்தினரும் தஞ்சம்கோரினர். இது முதல் ஆண்டை விட 50 வீத அதிகரிப்பைக் காட்டியது. இதனைத் தொடர்ந்து 1999 முதல் 2002 ஆம் ஆண்டு வரையான 4 வருட காலத்தில் சுமார் 23,600 தமிழர்களும் அவர்களது குடும்பத்தினரும் பிரித்தானியாவிற்குள் தஞ்சம் கோரி புகுந்தனர்.

இவர்களில், கடந்த 22 வருட காலத்தில் அகதி அந்தஸ்து வழங்கப்பட்ட 2,400 தமிழர்களும் அவர்களது குடும்பத்தினரும் மற்றும் மனிதாபிமான அடிப்படையில் அல்லது விசேட இருப்பிட அனுமதியைப் பெற்றவர்கள் மொத்தமாக 19 ஆயிரம் தமிழர்களும் அவர்களது குடும்பத்தினரும் பிரித்தானியாவின் நிரந்த இருப்பிட அனுமதியையோ அல்லது பிரித்தானியாவின் பிரஜைகளாகவோ வாழ்வதற்குரிய தகுதியைப் பெற்றிருக்கின்றார்கள். எஞ்சிய 33 ஆயிரம் தமிழர்களும் அவர்களுடைய குடும்பத்தினரும் நாடுகடத்தலுக்கு உள்ளாக வேண்டிய நிலைக்கு தள்ளப்பட்டிருக்கின்றார்கள்.

நன்றி: தினக்குரல்

சமாதான புறாக்கள் குருதியில்...........

2006-08-14T16:46:00.000+02:00

முல்லைத்தீவு செஞ்சோலை சிறார் இல்லம் மீது
சிறிலங்கா இராணுவம் இன்று நடத்திய கொடூர விமானக் குண்டுவீச்சுத் தாக்குதலில்
61 பாடசாலை சிறுமிகள் படுகொலை செய்யப்பட்டுள்ளனர்.
129 பேர் படுகாயமடைந்துள்ளனர்.

இந்த
சமாதானப் புறாக்கள்
குருதி புறாவாக யார் காரணம்?

சமாதானத்தை விட
எல்லோருக்கும் யுத்தம் ஒன்று தேவைப்பட்டது.

அது இப்போது அப்பாவிகளை பலிக்கடாவாக்கியிருக்கிறது.

அதுவும் இது போன்ற ஒன்றுமறியா பிஞ்சுகள்..............
(இப்படியான குழந்தைகளை பிணமாய் பார்ப்பதற்கு கூட என்னால் முடியவில்லை.)

இதயம் வலிக்கிறது...........................

இருந்தாலும் அழுவதைத் தவிர வேறு என்னதான் செய்ய முடியும்.
இது இன்றோ நாளையோ முடியப் போவதில்லை.
இது தொடக்கம் ஒன்று மட்டுமே?

இன்று ஒரு பொஸ்னிய (யூகோஸ்லாவிய) நண்பனோடு
பேசிக் கொண்டிருந்தேன்.
அவனிடம் இன்றைய தாக்குதலை வேதனையோடு விபரித்தேன்.

அவன் சொன்னான்.......
"எமது மண் ஒரு காலத்தில் யுத்த பூமியாகவே இருந்தது.
இறந்தோர் தொகை இதுவரை யாருக்குமே சரியாகத் தெரியாது.

இழந்ததை தவிர கிடைத்தது என்ன என்று நீ கேட்டால்
என்னால் அதற்கு பதில் தர முடியாது என்றான்."

என்னால் பேச முடியவில்லை.

தற்போதைய நிலையில் இலங்கையின் யுத்தம்
மேகம் போல எந்த திசையை நோக்கியும் பயணிக்கலாம்.

இந்த யுத்த மேகத்தை (யுத்த மோகத்தை)
யாராலும் கணிப்பிட முடியாத நிலை............
சமாதானம் குறித்து அரசும் - விடுதலைப் புலிகளும்
எவ்வளவுதான் பேசினாலும்
யாரிடமும் சமாதானத்தின் மேலான நம்பிக்கை
இருந்ததே கிடையாது.

அவர்களது அடிமனதில் யுத்தமே தீர்வாக இருந்ததை
யாராலும் மறுக்க முடியாது.

எதை எதிர்பார்த்தார்களோ அது நடக்கிறது...........
ஆனால் இறுதியில் மீண்டும் ஒருநாள்
ஒன்றாய் அமர்ந்து பேசியே
முடிவொன்றை தீர்மானிக்க வேண்டியிருக்கும்.

அரசியல்வாதிகள் நினைக்கத் தலைப்படும் நேரத்தில்
நாடும் மக்களும் அவலமாகி நிற்கும் நிலைக்கு காரணமானவர்கள்
பிலாத்து யேசுவை சிலுவையில் அறைய ஒப்புதல் கொடுத்து விட்டு
"நான் குற்றமற்றவன்" என்று கை கழுவியது போல
மக்களே குற்றவாளியாகப் போகிறார்கள்.

மக்களுக்கே புரியாத நிலையில்
நேற்று நினைத்தற்கு மாறாக இன்று?
நாளை............? வேறாகலாம்.............!?

தவறான தலைமைகள்.............????????????????

"SRI LANKA -THE COUNTRY WILL NEVER BE PUT TOGETHER AGAIN"
- Lee Kuan Yew, 1998
http://www.tamilwritersguild.com/srilanka.htm

எனது அமெரிக்க - கனடாவுக்கான முதல் பயணம் இது .5

2006-08-04T13:07:00.000+02:00

"இதுதான் அஜீவன்........... வாங்க" என்று சொல்லி விட்டு

சிறீராம் முன்னால் போக நான் அவரைத் தொடர்ந்தேன்.

வீட்டு அழைப்பு மணியை அழுத்தி காத்திருந்தால் வந்து கதவை திறந்த சிவாவைப் பார்க்க எனக்கு வியப்பாக இருந்தது?

சிவா என்ற பெயரில் ஒரு வெள்ளைக்காரனா?

சுவிஸில் கூட பல சுவிஸ்காரர்கள் இந்திய மற்றும் தமிழ் பெயர்களில் தனது பெயரை வைத்துக் கொண்டிருக்கிறார்கள்.

அப்படிப் பட்டவர்களில் பலர் இந்து சமயத்தை தழுவியவர்களாகவோ அல்லது யோகா செய்பவர்களாகவோ அல்லது பரதநாட்டியம் கற்றுக் கொண்டவர்களாகவோ அல்லது தம்மோடு வாழ்ந்த தமிழர்கள் நினைவாக பெயர் சூட்டிக் கொண்டவர்களாகவோ இருப்பதை காணலாம்.

இவர்களில் சிலர் நன்றாக தமிழ் பேசுவார்கள்.

இந்திய உணவு வகைகளை சமைப்பதிலும் அத்துப்படி......... சமஸ்கிருத சுலோகங்களுக்கு உண்மையான விளக்கங்களை அவர்கள் சொல்லும் போதே நமது அறியாமையை நினைத்து வெட்கப்படத் தோன்றும்..................?

என் நினைவுகள் அப்படி நகர்ந்து கொண்டிருக்கையில்

"மன்னிக்கவும் தவறாக வந்து விட்டேன்" என்று சிறீகாந் அவரிடம் சொன்ன போது நிலமையை புரிந்து கொண்டு நான் சிரிக்க சிறீகாந்தும் முகத்தை சுழித்துக் கொண்டார்.

கதவைத் திறந்தவர் பரவாயில்லை என்று கதவை மெதுவாகவே மூடினார்.

வீட்டு இலக்கத்தை பார்த்தவர் வீட்டின் படிகளை கவனிக்கத் தவறியதால் ஏற்பட்ட நிலைதான் அது..............

அடுத்த கதவை நோக்கி நடந்து அழைப்பு மணியை அழுத்தினால் சிவாதான் கதவைத் திறந்தார்.

"வாங்க...வாங்க........." சிரித்த முகத்தோடு சிவா.

உள்ளே போனதும் பொதுவான அறிமுகம்.

சிவாவும் அவரது துணைவியார் தாராவும் இருந்தார்கள்.

எனக்காக ஒதுக்கப்பட்ட அறைக்கு என் பெட்டிகளை சிவா கொண்டு போய் வைத்து விட்டு சிறு விளக்கம் தந்தார்.

சிறீகாந்துக்கும் எனக்கும் அவரது வீட்டை சுற்றிக் காட்டினார்.

சிறிது நேரத்தில் சிறீகாந் என்னை சிவா வீட்டில் விட்டு விட்டு அவர் வீடு நோக்கி பயணமானார்.

என்னோடு வெகு நேரம் சிவா பேசிக் கொண்டிருந்தார்.

அவர் அதிகமாக பேசியது தமிழீழ அரசியல் பற்றியதாகவே இருந்தது.

என் மனதில் பட்டதை மட்டுமல்ல எனக்குள் சரி என்று பட்டதையும் சொல்லும் ஒரு குணம் என் பிறவிக் குணம்.

சில சமயங்களில் கருத்து முரண்பாடுகள்?

எனது பேச்சின் ஊடாக என்னிடமிருந்து எதை எதிர்பார்த்தாரோ தெரியாது.

நான் சில வேளைகளில் வேறு எதையோ பேசத் தலைப்பட்டேன்.

சாப்பாடு பரிமாறும் போது தாரா சற்று பேசினார். தாரா என்னோடு பேசுவதையிட்டு சிவா பெருமை கொண்டார். எல்லோருடனும் தாரா பேசமாட்டார் என்றார். உண்மையிலே அவர் பேசியது மிக மிகக் குறைவுதான். அவருக்காகவும் சேர்த்தே சிவா பேசினார்..........

நான் ஏற்கனவே இவருடன் தொலைபேசியில் பேசி இருந்தேன்.

அப்போது பேசியதை விட அதிகமாகவே பேசுவது வியப்பாக இருந்தது.

இவர் பேசும் : பேச்சின் தோரணை மற்றும் தொலைபேசி அழைப்புகளில் தமிழ்சங்க தலைவர் சிவா என்ற பதத்தை அடிக்கடி பாவிப்பது ஆகியவற்றை அவதானித்த போது எனக்குள் ஒரு சந்தேகம்?

பொறுக்க முடியாமல் "நீங்கள் என்னோடு தொலைபேசியில் முன்ன பேசி இருக்கீங்களா?" என்று கேட்டேன்.

"இல்ல அஜீவன். அந்த சிவா வேற நான் வேற........." என்றார்.

சே...........இவ்வளவும் அவர்தான் இவர் என்றல்லவா?..............

அவர் எழுத்தாளர் பீ.கே.சிவகுமார்.

இவர் தமிழ்சங்க தலைவர் சிவா.

அப்பாடா......என்று மனதுக்கள் நினைக்கும் போதே........

"சிவக்குமார் நீங்க வந்தாச்சாண்ணு முன்ன போண் பண்ணினார்." என்று தொடர்பு கொண்டு பேசச் சொன்னார்.

சிவக்குமாரோடு பேசியதில் சந்தேகங்கள் விலகின.

அன்றைய தினத்துக்கு பிறகு அதாவது அடுத்த நாள் தாரா அவர் சகோதரி வீட்டு கொண்டாட்டத்தில் கலந்து கொள்ள போய் விட்டார்.

காலையில் எழுந்தால் என்னைத் தவிர வேறு எவரும் வீட்டில் இல்லை. எட்டிப் பார்த்தால் குப்பை எடுக்க வரும் லாரிகளைத் தவிர வேறு எதுவுமே கண்ணுக்கு புலப்படவில்லை.

வீடுகள் தெரிந்ததே தவிர ஆள் அரவமேயில்லை.

காடுகளைத் தவிர இப்படியான அமைதியை நான் கண்ட முதல் இடம் இதுவாகத்தான் இருக்கும் எனப்பட்டது.

எனக்கு இப்படியான அமைதி பிடிக்கவே பிடிக்காது.

நான் இருந்தால் அந்த இடம் கலகலப்பாய் இருக்க வேண்டும். இல்லையோ அந்த இடத்தை விட்டு போய் விடுவேன்.

மயான அமைதியான இடமா இருந்தால் என்னடா பண்ணுவே என்று கேட்ட ஒரு நண்பனுக்கு நான் ஒருமுறை சொன்ன பதில் நினைவலைக்கு வந்தது.

"நான் இருந்தா அந்த இடம் கல கலக்கணும் இல்ல ஒப்பாரியாவது கேட்கணும்டா........."

இனியும் இந்த அமைதி தொடரக் கூடாது.

சிவக்குமாருக்கு என் கைத் தொலைபேசியால் தொடர்பு கொண்டேன். ஏன் உங்க போனில பேசுறீங்க அஜீவன். றோமிங் சாஜ் ஆவுமே....... வீட்டு போனில பேசலாமே என்றார்.

யாருமில்லாதபோது யார் வீட்டு போனையும் பாவிக்க மாட்டேன். இருந்தாலும் கூட அனுமதியில்லாது அதைச் செய்ய மாட்டேன் என்றேன்.

முதல்ல போணை வைங்க என்று சொல்லி விட்டு சிவா வீட்டு

போண் கீழ் மாடியில இருக்கும் போங்க என்று சொல்லி அவரே அழைத்தார்.

கொஞ்ச நேரம் அவரோடு பேசியது ஆறுதலாய் இருந்தது.

பேசி முடித்த கையோடு தமிழ் சங்க சிவா வீட்டுக்குள் வந்தார்.

நான் பீகே சிவா பேசியதை சொன்னேன்.

இதுக்கேல்லாம் போய் ஏன் யோசிக்கிறீங்க. எங்க வேணுமானாலும் போண் போடுங்க என்றார்.

எனக்குத் தெரியும் அதன் பாதிப்புகள்.

இவை பெரிதல்ல என்று நினைப்போம். ஆனால் யாரையும் வீடுகளில் தங்க வைக்க பலர் விரும்பாததற்கு இதுவும் ஒரு காரணம். எனக்கே பலரை வெறுக்க வைத்த நிகழ்வுகள் ஏராளம். அதை நான் செய்வதில்லை.

பின்னர் அவரோடு கொஞ்சம் வெளியே போனோம்.

திரும்பி வீடு வந்தோம்.

மாலையில் திரைப் பயிற்சி பட்டறை சிறீகாந் வீட்டில் நடந்தது.

அதில் பங்குபற்றிய அனைவரும் பணிகளில் இருந்ததால் மாலை வேளைகளில்தான் பயிற்சி வகுப்புகள்.

பயிற்சி வகுப்புகள் என்பதை விட எனக்கு தெரிந்த சிலவற்றை அவர்களோடு பகிர்ந்து கொண்டேன் என்றே சொல்ல வேண்டும்.

பயிற்சி வகுப்புகள் இரவு 8.00 மணி முதல் இரவு 10.00 மணி வரை அதாவது இரண்டு அல்லது அதிகரித்தால் இரண்டரை மணி நேரம் மாத்திரமே அதி கூடிய காலமாக இருந்தது.

ஆரம்பம் பரவாயில்லை......... 5 பேர்தான்

ஆனால் நேரத்துக்கே அனைவரும் வந்து இருந்தார்கள்.

சங்கரபாண்டி சிறிகாந் பாபு சிவா தீபா இவர்களோடு முதல் நாள் மட்டும் கொஞ்ச நேரம் சிறிகாந் மனைவி பிரியாவும் பங்கு கொண்டார்.

3-4 வருட கல்வியொன்றினை 4-5 நாட்களுக்குள் சாரமாக்கி கொடுப்பது கடினமே?

சினிமாவுக்கான அரிச்சுவடி வழிகாட்டியாக அந்த மணித்துளிகள் இருந்தாலும் அனைவரும் திருப்தியாக இருந்ததாக சொன்னது எனக்கு மகிழ்வாக இருக்கிறது.

பயிற்சி பட்டறை மட்டுமா?

நல்ல சாப்பாடுகளும் பரிமாறப்பட்டது.

இப் பயிற்சிகள் நடக்கும் நாட்களில் நான் அதிகமாக தமிழ்சங்க சிவா வீட்டிலேயே மாலை வேளை தயாரிப்புகளுக்காக காலத்தை செலவழிக்க முடிந்தது.

அவரோடு சுற்றிப் பார்த்தது என்னவோ மிக மிகக் குறைவென்றே சொல்வேன்.

இறுதி பயிற்சி நாளுக்கு முதல்நாள் பயிற்சியாளர்கள் அனைவரும் முன் வைத்த கதைக் கருக்களிலிருந்து தீபாவின் கதையை குறும்படமாக்கலாம் என்று அனைவராலும் முடிவானது.

இது ஒரு குறும்படமாக உருவாக்குவதற்காக அல்ல பயிற்சி குறும்படமாக செய்வது என்பதே குறியாகியது. அடுத்த நாள் நான் தமிழ்சங்க சிவா வீட்டில் இருக்க வேண்டிய இறுதி நாள்.

அதன் பின்னர் சங்கரபாண்டி வீட்டுக்கு போவதாக திட்டமிடப்பட்டு இருந்தது.

எனவே வொசிங்டனை கொஞ்சமாவது சுற்றிக் காட்டுகிறேன் என்று தமிழ்சங்க சிவா என்னை வொசிங்டன் நகருக்கு அழைத்துச் சென்றார்.

வெளிப்புற நகரை சுற்றிக் காட்டினார். வொசிங்டன் நகரின் பெருமைகளையும் அவர் அழைத்து வந்து காட்டியவர்களையும் பற்றி சொல்லிக் கொண்டே வந்தவர் திடீரென "உங்களுக்கு இது அமெரிகா என்று பீலாகுதா?" என்றார்.

எனக்கு அது முதலில் புரியவேயில்லை. அவர் மீண்டும் மீண்டும் அதையே திருப்பிக் கேட்கவே என்னால் அவர் என்ன நினைக்கிறார் என்பதை புரிந்து மனதுக்கள் சிரிக்காமல் இருக்க முடியவேயில்லை.

நான் நினைக்கிறேன்.............. இந்தியாவில் இருந்து முதன் முறையாக அமெரிக்கா வருவோருக்கு அமெரிக்கா ஒரு மோட்சமான உணர்வை ஏற்படுத்தி அது அவர்களை அதிகளவான மகிழ்ச்சிக்கு உள்ளாக்கிய தாக்கத்தில் அவர்கள் அதை தாள முடியாமல் ஆகா........ஓகோ.............என பீல் பண்ணியிருக்கலாம்.

இது என்னிடம் காணப்படாததும் அமைதியாக வேறு நான் இருப்பதையும் பார்த்துத்தான் "இவன் என்ன ஜடம் மாதிரி இருக்கிறானே?" என்று தமிழ்சங்க சிவாவுக்கு கேட்கத் தோன்றியிருக்கலாம்.

எனவே "அது கனடா எயார் போட்டில் வெல்கம் டூ அமெரிக்கா என்ற பேர் பலகையை பார்த்ததுமே எனக்கு வந்து விட்டது." என்றேன்.

நான் எதையாவது கவனிக்கத் தொடங்கி விட்டால் அல்லது அதை மனதில் பதிய வைக்கத் தொடங்கி விட்டால் ஏனைய உலகை மறந்து விடுவேன். அமைதியாகி விடுவேன்.

இதில் எது நம்ம சிவாவை குழப்பத்துக்குள்ளாக்கியது என்பது அவருக்குதான் வெளிச்சம்...................

அமெரிக்கா என்ற பெயர் பலருக்கு ஒரு மாயை உண்டாக்கலாம்.

அதை விட அழகான இடங்கள் ஐரோப்பாவில் உண்டு.

இதுவரை பல நாடுகளுக்கு (20க்கு மேல்) பயணம் செய்து இருக்கிறேன்.

அழகு, அமைதி, பாதுகாப்பு என அனைத்தும் நிறைந்து என்னைக் கவர்ந்த நாடு சுவிஸ்தான்.

பாரீசிலிருக்கும் என் நண்பர்கள் பிரகலாதன் - வசந்தி இருவருமே ஊர் சுற்றுபவர்கள்.................. பாரீஸ் கூட அழகுச் சிலைகளின் உறைவிடம்தான்.

அவர்களே அடிக்கடி சொல்லும் ஒரு வசனம் "அஜீவனோடு சேர்ந்து சற்றினால் சுவிஸ் ஈஸ் பெஸ்ட் இன் த வேர்ல்ட்"

சுவிஸ் ஒரு மகிச் சிறிய நாடு. இயற்கை வளம் மட்டுமல்ல பொருளாதார வளமும் நிறைந்த நாடு...................

உண்மையாகவே அமெரிக்கா என்னில் பெரியதொரு மாயை ஏற்படுத்தவேயில்லை என்றே சொல்வேன்.

அங்கு வாழும் நண்பர்களை பார்த்த அன்பை பகிர்ந்து கொண்ட திருப்தி மட்டுமே எனக்குள்!

வொசிங்டனை கூட நுணிப் புல் மேய்வது போல பார்த்து விட்டு திரும்பி நேரத்துக்கு சிறீகாந் வீட்டுக்கு வர வேணும்.

வழி டிரப்பிக்கால் இறுகிப் போய் விட்டது. சிவா திணறிப் போனார். இருந்தாலும் நேரத்துக்கு வந்ததில் என்னை விட சிவாதான் திருப்திப்பட்டார்.

வரும் போதே எல்லோரும் குறும்படத்தை உருவாக்க தயாராக இருந்தார்கள்..................

தொடரும்................

எனக்கு தெரியாமலே.......அஜீவன்

2006-07-28T23:33:00.000+02:00

எனக்கு தெரியாமலே
எனக்குள் உருவானதுதான் இந்த கலைத்தாகம்

அண்மையில் என் கரங்களுக்கு கிடைத்த
பழைய ஒளி நாடாக்கள்
கடந்து வந்த பாதையை ஒரு முறை
திரும்பிப் பார்க்க வைத்திருக்கிறது.............

ஏகப்பட்ட படைப்புகளை
கவனயீனமாக இழந்திருக்கிறேன்
என்பதை
கிடைத்த ஒளி நாடாக்களை
பார்த்த போதுதான் உணர முடிந்தது..............

சேர்த்ததை கூட
சில காலத்துக்கு முன்
தீயானவன்
அவன் பசிக்காய் இரையாக்கியும்
கொண்டான்

இளமை துடிப்பால்
என் பாதை மாறிய போது
நான் தடுமாறியது மட்டுமல்ல
எங்கோ தவறி சறுக்கி போய்விட்டேன்
என்பது
மனதளவில் அழியாத வடுதான்.............

தொடர்ந்து
பல முறை எகிறி விழப் போனாலும்
இதுவரை ஏற பல நல்ல உள்ளங்கள்
படிக்கல்லாகியிருக்கிறார்கள்

அவர்களிடம்
நான் மனிதநேயத்தை மட்டுமல்ல
மற்றவனை நேசிக்கவும்
நேசத்தை பெறவும் கற்றுக் கொண்டேன்

அவர்கள் கற்றுத் தந்ததை
பகிர்ந்து கொள்ள முயல்கிறேன்

சிலர் புரிந்து கொள்ளவில்லை
பலர் ஏற்றுக் கொள்ளவில்லை

தவிரவும்
மனம் உள்ளவர்களிடம் பலம் இல்லை
பலம் உள்ளவர்களிடம் மனம் இல்லை

இடி ; முழக்கம் ; மின்னல் ; புயல்மழை
இதுவெல்லாம்
முடிந்த பின் ஏற்படும்
அமைதியான தூறல்
அதுபோல சில மனிதர்கள்

அது தூறல்தான்
இருந்தாலும்
இளம் காற்றோடு வீசுவதால்
அது இதமாகவே இனிக்கிறது

கிடைத்ததை
நண்பர்களான உங்களோடு
பகிர்ந்து கொள்ள விழைகிறேன்...............

உள்ளம்
http://www.youtube.com/watch?v=a8IDNRLY0pM&mode=related&search=

விசப்பரீட்சை
(மேடை- தொலைக்காட்சி நாடகம்)

Part.1
http://www.youtube.com/watch?v=cp1ZKccFtao

Part.2
http://www.youtube.com/watch?v=RPvhRrNmctw

ஒரு மரம் நிழலைத் தேடுகிறது
http://www.youtube.com/watch?v=hHbovwC5waQ

என் நினைவுகளிலிருந்து.......
http://www.youtube.com/watch?v=puYAz73o_S8

சிறிய வில்லன்
http://video.google.com/videoplay?docid=-4145726927667963518

சுவிஸ் ஜெர்மன் திரைப்படத்தின் ஒரு பகுதி
http://video.google.com/videoplay?docid=-140866406854336108

நன்றி!

கவனம் PEPSI

2006-07-25T12:15:00.000+02:00

nandmana@sltnet.lk to ajeevan

Please forward this mail to as many people as possible
என்று ஒரு மெயில் வந்த போது சாதரணமாக வரும் ஒரு மின் அஞ்சல் என்று குப்பைக்குள் தள்ள முற்பட்டாலும்
படங்கள் எதோ ஒரு செய்தியை பேசுவதற்கு
முனைவது போலத் தோன்றவே
கொஞ்சம் உன்னிப்பாகவே கவனிக்கத் தொடங்கினேன்.

படங்களை பார்த்ததும்
அவை எனக்குள் எழப்பிய வினாக்கள் எத்தனையோ?

இது
அமெரிக்காவுக்கு எதிரான ஒரு செய்தியா?
அல்லது
ஒரு குளிர்பானத்தின் வியாபாரத்தை வீழ்த்த நடத்தும்
அல்லது
அதன்பால் மக்களை கவர வைக்கும் ஒரு உத்தியா?
அல்லது
அதையும் மீறி
மக்களை காப்பதற்காக ஒரு நல்லவன் எடுத்துக் கொள்ளும் முயற்சியா?

இங்கே
சில படங்கள் பேசுகின்றன......... !

நீங்கள் என்ன பேசப் போகிறீர்கள்?

Great boy picking the colors to prepare the PEPSI
PEPSI யை உருவாக்குவதற்கான மூலப் பொருட்கள் இங்கேயுள்ள கடையில் கிடைக்கிறது.
ஒரு சிறுவன் கலருக்கான கலவையை வாங்குகிறான்.

Men at work - washing the bottles
வெற்று போத்தல்களை கழுவி சுத்தம் செய்கிறார்கள்.

Men at work washing the bottles Fully
நன்றாகவே சுத்தம் செய்கிறார்கள்.

Boys placing the bottles in the tray
சிறுவர்கள் போத்தல்களை தட்டிகளில் அடுக்குகிறார்கள்.

Boy filling the PEPSI Soooooo... called
ஆகா ........ பெப்சி குளிர்பானம் நிரப்பப்படுகிறது.

Boy filling the PEPSI & checking for the air bubles
ஒரு புறத்தில் பெப்சி நிரப்ப்படுகிறது.
மறுபுறத்தே காற்று குமிழ்கள் கவனிக்கப்படுகின்றன.

Boy filling the Gas in the bottles
போத்தலுக்குள் காற்று சிறுவர்களால் எற்றப்படுகிறது.

Boy searching for the right caps
போத்தலுக்கு எற்ற மூடிகள் தேடப்படுகின்றன.

Great man at capping the bottle
மூடிகள் ஒரு சிறு யந்திரத்தால் இணைக்கப்படுகிறது.

Quality checking and Success
பெப்சியின் தரம் வெற்றிகரமாக பரிசீலிக்கப்படுகிறது.

(பெப்சி உமா இதை பார்த்தா என்ன சொல்லவாங்களோ..........)

பாதிக்கப்படப் போகும் அப்பாவிகள் யார்?

இப் படங்கள் சொல்லும் செய்தி என்ன?

இதன் நன்மை தீமை என்ன?

பார்க்கலாம் உங்கள் கருத்துகளை?

Water (தண்ணி காட்டிய தீபா மேத்தா)

2006-07-20T23:06:00.000+02:00

கதை வசனம் மற்றும் இயக்கம் தீபா மேத்தாவினுடையது.

1938ஆம் ஆண்டுகளில் இந்தியாவில் நடைபெறுவதாக கதை தொடங்குகிறது.

ரம்யமான ஒரு மாலையில் போகும் மாட்டு வண்டி.
அதன் பின்னே விளையாட்டுத் தனமாய் உட்கார்ந்து இருக்கும் சாயா என்ற 8 வயது குழந்தை.

மரணப்படுக்கையில் இருக்கும் ஒருவரை வண்டியில் கொண்டு செல்கிறார்கள்.
அவன் யார்?
அவனுக்கு என்ன நடக்கப் போகிறது என்றே தெரியாத
குழந்தை சாயாவின் குறும்பு.

வண்டியில் போகும் போதே அந்த மனிதன் மரணித்து விடுகிறான்.

அப்போதுதான் "உன் கணவன் இறந்து விட்டான்.
நீ விதவை"
என்று ஒரு பெரியவர் அந்த பிஞ்சு சாயாவிடம் கூறி
அவள் கையிலிருக்கும் வளைகாப்புகளை உடைத்து நொறுக்குகிறார்.
அவள் அதை எந்த உணர்வுமே இல்லாது பார்த்துக் கொண்டிருக்கிறாள்.
அதற்கான அர்த்தம் கூட அந்த பிஞ்சுக்கு பரிந்திருக்காது.

அதோடு பார்த்து கொண்டிருக்கும் நம் மனதும் சேர்ந்தே
நொறுங்கி விடுகிறது.

பெரியவர்கள்
சாயா என்ற எட்டு வயதுயான அந்த விதவை குழந்தையை வடநாட்டில் வாரனாசி என்ற புனித நகருக்கு அழைத்துச் செல்கிறார்கள்.

இந்துக்கள் இளம் பெண்களைப் பணத்துக்காக வயோதிபர்களுக்கு மணம் முடித்து வைத்து வயோதிபர் இறந்த பின் அந்த இளம் பெண்ணை மொட்டை அடித்து விதவையாக வீட்டினுள் அடைத்து வைத்து விடும் வழக்கத்தை கொண்டிருந்தார்கள்.

வாரனாசியில் உள்ள கங்கை நதியில் இந்தியாவின் பல மாநிலங்களில் இருந்து இந்து மதத்தினர் வந்து கங்கையில் குளித்து தங்கள் பாவங்களைப் போக்கும் வழக்கம் உள்ளது.

அது போல் விதவைகள் புனித நதியில் மூழ்கி அல்லது சிதையில் பாய்ந்து தங்களது உயிர்களைப் போக்கிக் கொள்வார்கள்.

இதனால் அவர்கள் மோட்சத்துக்கு போவதான நம்பிக்கை.

அப்படியும் இல்லாதவிடத்து விதவைகள் வாழும் ஆசிரமங்களில் கொண்டு போய் விட்டு விடுவார்கள்.

வாட்டரில் சாயாவை பெற்றோர் விதவைகள் வாழும் ஆசிரமத்துக்கே
கொண்டு போய் விடுகிறார்கள்.

அங்கு போகும் வரை தான் எங்கே போகிறோம் என்று கூட
தெரியாமல் செல்லும் அந்தக் குழந்தை அங்கு போனதும் கூண்டிலடைக்கப்பட்ட கிளி போலாகிறாள்.

அவளது அழகு முடி மொட்டை அடிக்கப்பட்டு மஞ்சல் பூசப்பட்டு வெள்ளை உடை தரிக்கப்படுகிறது.

ஓடி விளையாடித் திரிய வேண்டிய பருவத்தில் அவள் சிறகொடிக்கப்பட்ட பறவை போலாகிறாள்.

சாயா வாழும் விதவைகள் விடுதியில்
பெரும்பாலான வயோதப விதவைகளுடன் சகுந்தலா, கல்யாணி என்ற இளம் விதவைகளும் வாழ்ந்து வருகிறார்கள்.

சகுந்தலாவும் கல்யாணியும் அவளோடு நெருக்கமாகிறார்கள்.

நாரயணன் எனும் இளைஞன்
கல்யாணியையும் சாயாவையும் கங்கையில் சந்திக்கிறான்.

அழகே உருவான இளம் விதவையான கல்யாணி மீது
நாரயணன் மனதை பறி கொடுக்கிறான்.

கல்யாணி நாரயணன் உறவுக்கு சாயாவும் சகுந்தலாவும் உதவியாக இருக்கிறார்கள்.

கல்யாணியின் பிராத்தனை நாரயணனுடன்
வாழ வேண்டுமென்பதாக மாறுகிறது.

இவளது காதல் விடுதியில் வெளிப்படும் போது
விதவைகளின் தலைவியாக செயல்படும் பெண்ணால்
அவளது அழகு கேசம் சிதைக்கப்பட்டு
தனி அறையொன்றில் அடைக்கப்டுகிறாள்.

இதனால் கோபாவேசத்துக்குள்ளாகும் சாயா
கூட்டுக்குள் அடைபட்டுக் கிடக்கும் கிளியை திறந்து கொன்று விட்டு
பைத்தியம் பிடித்தவள் போல் கதறுகிறாள்.

கூண்டுக் கிளயாய் வாழ்வதை விட சாவதே மேல்
என கூறுவது போல் அவள் நடந்து கொள்கிறாள்.

கல்யாணியின் நிலையை அறிந்து கொள்ளும்
நாரயணன் கல்யாணியை மணக்க விரும்புகிறான்.

ஆனால் பெற்றோர் சாத்திரிய சடங்கு முறைகளை
காரணம் காட்டி வேண்டாம் என்று தடுக்க முனைகிறார்கள்.

அவனது தந்தை கூட
ஒரு விதவையோடு உறவு கொள்வது கூட தவறில்லை.
ஆனால் மணமுடிப்பது தவறு என்கிறார்.

சகுந்தலா மதப் பெரியவரிடம் விதவைகள் மறுமணம் செய்ய
மார்க்கம் உண்டா எனக் கேட்கிறாள்.

அவரோ கணவனது சகோதரன் ஒருவன் விரும்பினால் வாழ்வு கொடுக்கலாம்.

மகாத்மா காந்தி கூட விதவைகள் மறுமணம் நடக்க வேண்டும் என்று கூறி இருப்பதாகவும்
அதை யாரும் கடைப்பிடிக்கத் தொடங்கியதாக தெரியவில்லை என்றும் கூறுகிறார்.

இத்தருணத்தில்
நாரயணன் பெற்றோருடன் முரண்பட்டுக் கொண்டு தன் விருப்பப்படி கல்யாணியை மணமுடிக்கப் போவதாக கூறி
வீட்டை விட்டு வெளியேறுகிறான்.

கல்யாணியின் நிலை கண்டு பொறக்காத சகுந்தலா
பலவந்தமாக கல்யாணியின் அறையைத் திறந்து
நாரயணன் உடன் போய் வாழுமாறு கூறுகிறாள்.

அதை எதிர்க்கும் வயோதிப விதவை
"போகிறவர்கள் யாரும் இங்கே திரும்பி வர இடமில்லை" எனக் கூறுகிறாள்.

கல்யாணி நாரயணனை சந்திக்கிறாள்.

அவளை அவன் மனப்பூர்வமாக ஏற்றுக் கொள்வதாகக் கூறி
அக்கரையில் இருக்கும் அவனது வீடு நோக்கி படகொன்றில் கங்கையினூடே பயணிக்கிறார்கள்.

போகும் வழியில் கல்யாணி நாரயணனது குடும்ப விபரங்களை கேட்கிறாள்.

நாரணயனது தந்தை பற்றி அவன் குறிப்பிட்டதும்
அவள் ஏனோ முகம் விகாரமடைகிறது.
படகைத் திருப்பச் சொல்கிறாள்.

அவன் கேட்கும் கேள்விகளுக்கு
அவள் பதில் சொல்வதாக இல்லை.
மெளனத்தையே விடையாக்கிறாள்.

கல்யாணி விதவைகள் ஆசிரமத்துக்கு மீண்டும் தனியாகவே திரும்புகிறாள்.

ஆசிரம தலைவி அவளை ஏற்றுக் கொள்ள மறுக்கிறாள்.

தனித்துப் போகும் கல்யாணி
கங்கையில் தன் உயிரையே கரைத்துக் கொள்கிறாள்.

சாயா அவளது மறைவால் உடைந்து போகிறாள்.

விதவைகளின் விடுதியோடு
நட்பாய் பழகி வரும் அரவாணி பெண்
விதவைகளின் தலைவியின் ஒப்புதலோடு
அழகிய உலகொன்றைக் காட்டுவதாக கூறி
சாயாவை வெளியே அழைத்துச் செல்கிறாள்.

அங்கு அந்த பிஞ்சு சாயா
நாரயணின் தந்தையால் கெடுக்கப்பட்ட பின்
சகுந்தலாவால் கண்டுபிடிக்கப்படுகிறாள்.

இங்குதான் கல்யாணி நாரயணனை விட்டு பிரிவதற்கு காரணமாக இருக்கும் என்பதை பார்வையாளருக்கு சொல்லாமல் சொல்லியிருக்கிறார் இயக்குனர்.
(அல்லது அது தணிக்கையாகி இருக்கலாம்)

இதுதான் வாட்டர் சொல்லும் சூடான செய்தி..............

அதன் பின்னே வரும் காந்தியின் பேச்சு மற்றும் முடிவு பகுதிகள்
எந்தவொரு தாக்கத்தையும் படத்தில் ஏற்படுத்தவதாகத் தெரியவில்லை.

அருமையான ஒளிப்பதிவு மற்றும் தொகுப்பு.
நல்லதொரு கதைக் கரு..............
கதாபாத்திரங்கள் வாழ்ந்திருக்கினறன.
குழந்தை சாயாவின் நடிப்பு அபாரம்.

ஆரம்பத்தில்
சற்று மெதுவாகவே கதை நகர்ந்தாலும்
சொல்லும் விடயம் பலமாகும் போது
நமக்கும் திரையோடு ஒட்டிக் கொள்ள பலம் வருகிறது.

மூட நம்பிக்கைகளிலிருந்து மக்கள் தெளிவு
பெறக் கூடாதெனும் எண்ணம் கொண்டோர் மட்டுமே
இத் திரைப்படத்துக்கு தடையாக இருக்கக் கூடியவர்கள்.

மற்றவர்கள் நிச்சயம் விழிப்புணர்வு பெற
இது போன்ற படங்களை ஆதரிக்க வேண்டும்.

மேலதிக வீரகேசரி தகவல்கள்:

இலங்கை காலி நகரைச் சேர்ந்த எட்டு வயது சரலா என்ற சிறுமி சாயா என்ற விதவையாக மிகச் சிறப்பாக நடித்துள்ளார்.

மாமியாராக இலங்கையைச் சேர்ந்த ஐராங்கணி சேரசிங்க நடித்துள்ளார். இவர்களுடன் இந்தியாவைச் சேர்ந்த மனோரமா, பண்டிட் குயின்புகழ், சீமா, பிஸ்வஸ், வஹிதாரஹ்மான் லிஸ்ஸாரே, ஜோன் அபிரஹாம் மற்றும் இலங்கையைச் சேர்ந்த பலரும் நடித்துள்ளார்கள்.

ஏ.ஆர்.ரஹ்மான் சிறப்பாக இசையமைத்துள்ளார்.
கில்ஸ் நூட் ஜென்ஸ் ஒளிப்பதிவு செய்துள்ளார்.
கதை வசனம் இயக்கம், தீபா மேத்தா.

2000 ஆம் ஆண்டு தீப மேத்தா வாட்டர் திரைப்படத்தை தயாரிக்க முற்பட்ட போது சிவ சேனா கோஷ்டிகள் இத்திரைப்படத்தின் செட்களை தீ வைத்து எரித்துக் கொலை மிரட்டலும் செய்துள்ளனர்.

ஐந்து வருட காலமாக தீபா மேத்தா இத்திரைப்படத்தை தயாரிக்க முடியாமல் இருந்தார் திரைப்படத்தை எப்படியாவது எடுத்துத் தர வேண்டும் என்ற வெறியில் இருந்த தீபா மேத்தாவுக்கு அவரது நண்பர் குல்சான் குரோவர் மேத்தா நீ போய் இலங்கையில் சந்திரன் ரத்தினத்தைப் பார் என்று கூற தீபா மேத்தா இலங்கைக்கு வந்து சந்திரனை சந்தித்தார்.

சந்திரன் ரத்னத்தின்FILM LOCATION SERVICES PVT LTD இலங்கை யில் பல திரைப்படங்கள் படப் பிடிப்பு நடத்த உதவியிருக்கிறது.வாட்டர் இலங்கையில் 45 நாட்கள் படப் பிடிப்பு நடத்தப்பட்டது. பாதுகாப்பு கருதி " Full MOON" என்ற பெயரிலேயே இலங்கையில் வாட்டர் திரைப்படம் படமாக்கப்பட்டது.

கொழும்பு, ஜிந்துப்பிட்டியில் நூறு வருடங்களுக்கு முன் இந்து குடும்பம் ஒன்று கட்டிய சிறு கோவிலை விதவைகள் வீடாக மாற்றப்பட்டு படப்பிடிப்பு நடத்தப்பட்டது.சந்திரன் ரத்னத்தின் பிலிம் லோகேஷன் சேர்விஸ் இத் திரைப்படத்தின் முழு படப் பிடிப்புக்களையும் சிறப்பாக செய்து முடித்திருக்கிறார்.

மேலும் முதலில் வாட்டர் படத்தில் நடிக்க இருந்த ஷாபனா அஸ்மி, நந்திதா தாஸ் ஆகியோருக்குப் பதிலாக லிஸ்சாவையும் நடிக் வைத்திருக்கிறார்.

தீபா மேத்தா இலங்கை லொகேஷனைப் பற்றிக் குறிப்பிடும் போது "" இலங்கையில் எங்களுக்கு நல்ல அனுபவம் கிடைத்தது. மிகச் சிறந்த தொழில் நுட்பக் கலைஞர்கள், இது லேசான விஷயமில்லை. ஆனால் அவர்கள் மிகச் சிறப்பாக செய்து முடித்தார்கள். அதற்கு நான் சந்திரன் ரத்னத்துக்கு நன்றி கூறுவேன்.

இத்திரைப்படத்தை தயாரிக்க முன் வந்த டேவிட் ஹமில்ட்டனுக்கும் நான் நன்றி கூற வேண்டும்.

இத்திரைப்படத்தில் நடித்திருக்கும் லிஸ்ஸாரே இந்தியாவின் மிக அழகான பத்து பேர்களில் ஒருவர்.

BOLLYWOOD - HOLLY WOOD படத்திற்காக 2002 இல் சர்வதேசத் திரைப்பட விழாவில் விருது பெற்றார்.

எனது அமெரிக்க - கனடாவுக்கான முதல் பயணம் இது .4

2006-07-19T01:18:00.000+02:00

கார் நகரும் போதே
சிறீகாந்
தான் தாமதமாக வந்த காரணத்தை சொல்லி
என் மனதை ஆசுவாசப்படுத்த முயன்றார்.

அதனாலலோ என்னவோ
"எதிர பாருங்க அஜீவன் ............."
என்று எதிர்திசை வாகன நெரிசலை வேறு காட்டினார்.

இதென்ன இவருக்கு மட்டுமல்ல.
யாருக்கும் நடக்கக் கூடிய ஒன்றுதான்.

தெரியாத ஒரு தேசத்தில்
நான் வந்து இறங்கிய போது
யாரையும் காணோமே என்ற ஒரு தவிப்பு
மனதுக்குள் ஏற்பட்டதே தவிர
அதைக் கோபம் என்ற சொல்ல முடியாது.

தொலைபேசியில் பேசியிருந்தாலும்
காரில் போகும் போதுதான் நாங்கள் கொஞ்சம்
மனம் விட்டு பேசினோம் என்று சொல்லாம்.

எதையும் நட்பாய் பேசிய தன்மை
நளினமான பேச்சு என்பன
அவரை அன்பானவர் என்பதை
எனக்கு உணர்த்தியது.

அதை அவரது வீட்டுக்குள் போனவுடன்
யதார்த்தமாகவே உணர்ந்தேன்.

நான் உள்ளே போனதும்
சிறீகாந்தின் மனைவி பிரியா
சிரித்த முகத்தோடு அன்பாய் வரவேற்றார்.

"வாங்க பயணமெல்லாம் நல்லாயிருந்திச்சா........... "
என்ற சிறீகாந்தின் மனைவி பிரியாவின் வார்த்தைகள்
என்னை ஊருக்கே அழைத்துச் சென்றது.

பலநாள் பழகியவர் போன்ற தன்மை
தொலைபேசியில் பேசியிருந்ததால் ஏற்பட்டிருக்கலாம்.

அவர்களின் மகள் ஓடி வந்து
சிறீகாந்திடம் செல்லமாக ஒட்டிக் கொண்டாள்.

அவர்களது வாழ்வு முழுவதும்
அவளுக்காகவே வாழ்வதான நிலையை
காண முடிந்தது.

என்னை மகளுக்கு அறிமுகம் செய்தார்கள்.

நான் குழந்தைகளுடன் உடனே பழகுவதில்லை.

காரணம் குழந்தைகள் எப்போதுமே
புதிய ஒருவரைக் கண்டவுடன் ஒட்டிக் கொள்ளாது.
அவர்களது மனதுக்கு நம்மை ஏற்றுக் கொள்ள
கொஞ்சம் அவகாசம் வேண்டும்.

இவர்கள் மட்டும்தான் அங்கே என்றாலும்
ஊரிலிருந்து பிரியா அம்மா வேறு வந்திருந்தார்கள்.

ஏற்கனவே
நான் சிறீகாந் அவர்களோடு தங்குவதாகத்தான்
ஏற்பாடுகள் இருந்தது.

பிரியா அம்மா வந்திருந்ததால்
என்னை சிவா வீட்டில் தங்க ஏற்பாடு செய்திருந்தார்கள்.
இதை காரில் வரும் போது சிறீகாந் என்னிடம்
சொன்னார்.

அங்கே கொஞ்ச நேரம் அவர்களோடு
பேசி ஆசுவாசப்படுத்திக் கொண்ட பின்
பிரியா எங்களுக்கான மாலை டிபனை
செய்து தந்தார்.

அதில் ஸ்பெசலாக ஊர் அயிட்டங்கள்
அம்மா தயவில் இணைந்து அதிசுவையாகின.
ஊர் மணம் கமழ அதுவும் காரணமாயின.

அமெரிக்கா என்ன
அந்த சந்திர மண்டலமே போனாலும்
ஊர் வாசனை மாறத கனிவான உபசரிப்போடு
உணவுகள் பரிமாறப்படும் போது
மனது களிப்புறுவதை சொல்ல வார்த்தைகளே இல்லைதான்.

சாப்பிடும் போதே
"நீங்க என்ன பண்றீங்க?"
என்ற என் கேள்விக்கு............

"குழந்தையை பார்த்துக் கொண்டு
வீட்டில் நடன வகுப்புகளை நடத்துகிறேன்" என்கிறார் பிரியா மெல்லிய புன்னகையோடு.

"ஓ........ கலைக் குடும்பம்தான்" என்று
நான் சொல்லவும்

" நீங்க நினைக்கிற அளவு பெரிய ஆளில்லலை " என்ற வார்த்தை
உடனே வந்து விழுகிறது.

உண்மைதான்
அவர் ஒல்லிதான்.
அதைவிட இன்னும் உடல் சீராக இருக்க
வீட்டுக்குள்ளேயே சைக்கிள் பயிற்சி வேற செய்கிறார்.

"நடன பயிற்சி நடத்திற அறையிலதான்
உங்க வேர்கசொப்பை நடத்தப் போறீங்க அஜீவன்.
ஒருமுறை பாருங்க......" என்கிறார் சிறீகாந்.

எனக்கு பிடித்திருந்தது.
ஓ சுப்பர் என்கிறேன்.

அவர்களோடு இருந்த கொஞ்ச நேரமும்
என் பயணக் களைப்பை இல்லாமல் பண்ணியதென்றே சொல்ல வேண்டும்.

"இன்னும் கொஞ்ச நேரத்தில சிவா வீட்டுக்கு போகணும்." என்கிறார் சிறீகாந்.

ஓ.........என்று ரெடியாகிறேன்.

அதிலிருந்தே தெரிகிறது அவரது பஞ்சுவாலிட்டி.
என் மனதுக்குள் சிரித்துக் கொள்கிறேன்.

வீட்டிலுள்ளவர்களிடம் விடைபெற்று சிவா வீட்டை
நோக்கி சிறீகாந்தோடு பயணமாகிறேன்.

20 -25 நிமிட டிரைவிங்.

வீடு வந்தாச்சு என்றார்.

அது எனக்கு முதலில் வீடு மாதிரியே தெரியவில்லை.

அது என்னவோ
அரசு அலுவலங்கள் போல் தெரிந்தது.

"இதுதான் அஜீவன்........... வாங்க" என்று சொல்லி
சிறீராம் முன்னால் போக நான் அவரைத் தொடர்ந்தேன்.

வீட்டு அழைப்பு மணியை அழுத்தி காத்திருந்தால்
வந்து கதவை திறந்த சிவாவைப் பார்க்க
எனக்கு வியப்பாக இருந்தது?

தொடரும்..................

எனது அமெரிக்க - கனடாவுக்கான முதல் பயணம் இது .3

2006-07-15T00:44:00.000+02:00

22.05.06 காலை 9.30க்கு
சுவிஸ் சூரிக் விமான நிலையத்திலிருந்து
எயார் கனடா AC 879 விமானம் மேலெழுந்து பறந்து
ஒரு வட்டமிட்ட போது
சுவிசின் காலைக் காட்சிகள்
விண்ணிலிருந்து பார்ப்பதற்கு ரம்யமாகவே இருந்தது.

மெல்லிய முகிலை கிழித்துக் கொண்டு முன் நகரும்
விமானத்தின் ஜன்னல் வழி சூரிக் நகர் தாண்டி
அல்பஸ் மலைகளின் மேலே விமானம் பறக்கத் தொடங்கியதும்
விமானத்திலிருந்த பலர் வாவ் என்று
ஆச்சரியப்பட்டு வாய் பிளப்பதை கண்ணுற
மனதுக்குள் ஐசே உறைந்து கரைவது போல இருந்தது.

எட்டிப் பார்த்தால் அது அல்ப்ஸ் மலையில் தெரியும் ஐஸ் கொடுத்த குளுமைதான்..............

8 மணி நேரத்து பயணம்.

22.05.06 பி.ப.12.25 மணிக்கு Toronto Pearson Airport Terminal 1 ல் வந்திறங்கும் வரை அதிக நேரத்தை தூக்கத்திலேயே கழித்தேன்.

டொரொன்டோவில் வந்து இறங்கி அங்கிருந்து 15.45 மணிக்கு பயணமாகும் வொசிங்டன் செல்ல Air Canada AC 308 விமானம் தரித்து நிற்கும் Terminal 2 பகுதிக்கு செல்ல வேண்டும்.

அதற்காக நான் அங்கிருந்து ஒரு பஸ்ஸிலே பிரயாணம் செய்ய வேண்டி இருந்தது.

அங்கு நான் நுழையும் போதே வாயில் அமெரிக்கா என வரவேற்றது.

ஆம்..........கனடாவிலிருந்து விமானம் ஏறும் அடுத்த சுங்க பகுதி அமெரிக்காவாக இருப்பதை கண்ணுற்றதும் சுவிஸின் பாசல் விமான நிலையம் நினைவுக்கு வந்தது.

Euro-Airport Baselலின் ஒரு பகுதி ஜெர்மனியையும்
மற்றொரு பகுதி பிரான்சையும்
அடுத்த பகுதி சுவிஸையும் இணைக்கிறது.

(CH = Switzerland, F= France , D = Germany)

சுங்க பரிசோதனைகளை முடித்துக் கொண்டு போய்
விமானத்தில் ஏறி
அது 22.05.06 17.10 மணிக்கு
Washington Ronald Regan National Airportல்
இறங்கிய போது சுங்க பரிசோதனைகள் எதுவுமேயில்லை.

ஓ........... நாம் கனடாவின் மறு பகுதியான
அமெரிக்காவுக்குள் அப்போதே வந்து விட்டோமே
அதனால்தான் எந்த பிரச்சனையுமில்லை என
மனது சொல்லிக் கொண்டது.

அடுத்து
வெளியே இறங்கி
நமக்காக காத்திருப்பதாக சொன்ன
சிறீகாந்தை என் கண்கள் தேடின.

தூரத்தே சில இந்தியர்கள் நிற்பது தெரிந்தது.

ஆகா நிக்கிறாங்க போல என்று முன்னால் நடந்தால்...........

நினைத்தது போல அவர்களில் யாருமே சிறீகாந் இல்லை.

எல்லோருமே யார் யார் பெயரையோ எழுதிய
பதாதைகளை வைத்துக் கொண்டு
எதிர்பார்ப்போடு இருப்பது
அவர்களது அலை மோதும் கண்களில் இருந்தே தெரிந்தது.

ஆனால் என் கண்கள் சிறீகாந்தை தேடி அலை மோதியது.

இறுதியாக எனது கைத்தொலைபேசியை எடுத்து அழுத்தினால்
அது என் நிலமை புரியாது தொடர்பு கொள்ள மறுத்தது.

சே.........என்று
வேண்டா வெறுப்பாய் திரும்பிய போது
விமானம் புறப்பட்ட போது
கனடாவிலிருந்தே என் பக்கத்து ஆசனத்தில்
அமர்ந்து வந்த பஞ்சாபி பெண்
"யாருக்கு போண் பண்ண டிரை பண்ணுறீங்க?" என்ற குரலோடு
அருகே வந்ததும் கொஞ்சம் ஆறுதலாய் இருந்தது.

என் பக்கத்தில் அமர்ந்து வந்தாலும்
நான் ஏனோ அவரோடு பேச்சுக் கொடுக்கவில்லை.

இப்போது அவரே பேசியது ஆச்சரியமாக இருந்தது.

"என் போண் ஏனோ வேலை செய்ய மாட்டேன் என்கிறது.
நான் நினைக்கிறேன் வெதர் பிரச்சனையோ தெரியாது"

அவள் பலமாய் சிரித்தாள்.

"ஏன் சிரிக்கிறீங்க?" என்றேன்.

"நீங்க சரியான ஜோவியல் பேர்வழி.
சுங்க இலாகா அதிகாரிகள் கூட
உங்க பேச்சுக்கு சிரிச்சதை நான் பார்த்தேன்." என்றார்.

எனக்கு தெரியாதே என்றேன்.

சுங்க அதிகாரிகள் செக் பண்ணும் போது
"ஏசுநாதரை ஒரு முறைதான் சிலுவையில அறைங்சாங்க.
சிலுவையே இல்லாம இன்னைக்கு
என்னை பல முறை சிலுவையாக்கிட்டாங்க"
என்று சொல்லிட்டு போனீங்க.

உங்க பின்னாடி நானும் செக்கிங்காக நின்றேன்.

அவங்க உங்கள காட்டி
"பாவம் இன்னொரு ஏசுநாதர் போறார்" என்று சொல்லி
சிரிச்சாங்க என்றார்.

எனக்கே தெரியாமல் நான் செய்யும்
கோமாளித்தனங்களை நினைத்து
சிரிப்பு வந்தது.

அந்த சிரிப்பு சிறீகாந் மேலிருந்த சூட்டை கொஞ்சம் தணித்தது.

யாரையாவது எதிர்பார்க்கிறீங்களா?

ஆமாம் . ஒருத்தர் வந்துடுவேன் என்றார்.
எல்லா விபரமும் மெயில் பண்ணினேன்.
இப்ப............ என்ற போது

நம்பர் இருந்தா கொடுங்க
என் போணில் நான் டிரை பண்ணி பார்க்கிறேன்
என்று சொல்லி முடிக்கும் முன்னே
நான் கையிலிருந்த பேப்பரை கொடுத்து சிறீகாந்தின் கைத்தொல்லைபேசியின் எண்ணைக் காட்டினேன்.

அவரது கைத் தொலைபேசியில்
இலக்கங்களை அழுத்தி வேலை செய்கிறது.
இதோ என்று தொலைபேசியை என்னிடம் தந்தார்.

மறு முனையில் சிறீகாந்தான்.

பக்கத்தில வந்துட்டேன் அஜீவன்.
சாரி...........
ஒரு இடத்தை குறிப்பிட்டு அங்கே வாங்க என்றார்.

நான் எங்கே நிக்கிறேன் என்றே தெரியாத போது
அவர் சொல்லுற இடம் எனக்கு எங்கே தெரியப் போகுது?

கொஞ்சம் இருங்க என்று சொல்லி விட்டு
அவளிடம் போனை நீட்டினேன்.

சிலவேளை சிறீகாந்
ஒரு பெண்ணும் அஜீவன் கூட வந்திருக்கு
என்று நெனைச்சாரோ தெரியாது?

அவளிடம் சிறீகாந் இடத்தை சொன்னதும்
ஓகே சொல்லிவிட்டு என்னை அழைத்து வந்து
இடத்தை காண்பித்தார்.

மிக்க நன்றி என்று சொல்லி விட்டு
அவர் போவதை பார்த்து விட்டுத் திரும்பிய போது
ஒரு இந்திய முகம் யாரையோ தேடிக் கொண்டு
காரை முன்னால் ஓட்டி வருவது தெரிந்தது.

அது நிச்சயம் சிறீகாந்தாகத்தான் இருக்கும்
என்று நம்பி சும்மா கையை ஆட்டினேன்.

அது சிறீகாந்தான்.
ஒரு அசட்டுச் சிரிப்பு.

அவரது முன் சீட்டில்
அஜீவன் என தமிழில் பெரிதாய் எழுதி வைத்திருந்த
ஏ4 சைஸ் பேப்பரைக் காட்டினார்.

எனக்கு சிரிப்பு தாங்க முடியவில்லை.
நான்தான்யா என்று தலையை ஆட்டினேன்.

என்னை காரில் ஏற்றிக் கொண்டு
"ரொம்ப சாரி அஜீவன்.
எயார் போட்டில நீங்க வரும் போது இதை புடிச்சூட்டு
நிக்கணும்ணு வந்தா
இந்த டிராப்பிக் பாருங்க.............
சே......... மாட்டிக்கிட்டேன்" என்றார்.

பரவாயில்ல.
வெளியே வந்ததும் நீங்க வந்துட்டீங்க என்றேன்.

அவர் சொன்னது உண்மைதான்
நாங்கள் திரும்பி வரும் போது
எதிர் திசை டிராப்பிக்காய் தெரிந்தது.

அப்போது
என் கல்லூரி வாழ்வின் ஒரு சம்பவம் நினைவுக்கு வந்தது.

ஆனால்
அன்று அவரைத் தெரியாததால் சொல்லவில்லை.

ஆனால் இப்ப சொல்லலாம்.
ஏன்னா நான் இப்ப சுவிஸுக்கு வந்துட்டேன்?
.............................................................

நான் காலேஜுக்கு போகும் நாட்கள்ல
ஒரு நாளுமே நேரத்துக்கு காலேஜ் போகவே மாட்டேன்.
அப்போது என் காலேஜின் பிரின்சிபாலாக இருந்தவர் ஒரு கத்தோலிக்க சகோதரர்.
பெயர் பிறதர் ஜஸ்டின்.
அடிக்கவே மாட்டார்.
ஆனால் கிள்ளி தலையில குட்டுற குட்டுல
உலகமே இருண்டுடும்.
அவருக்கு நாங்க வைத்த பெயர் ரண்டொக்கா (சிங்களத்தில்).
அதாவது தங்ககுட்டன். ( தங்க மோதிரக் கையால் குட்டுறவன்)

அப்போ எல்லாம் நினைப்பேன்
இனி இந்த பேய் கிட்ட மாட்டுறது இல்ல.
நேரத்துக்கே வர வேணும் என்று........

இருந்தாலும் எனக்கு அது முடியாத காரியமாவே இருந்துச்சு.

அதனால
அவர் கிள்ளுறதும் குட்டுறதும் எனக்கு பழகிடுச்சு.

கடைசியில
என்னைப் பார்த்து அவரே திருந்தி இருக்க வேணும்.

ஒரு நாள் கூப்பிட்டார்.

போனேன்.

நானும் பார்க்கிறேன்.
நீ திருந்திற மாதிரி இல்லயே?
ஏன் எப்பவும் நீ லேட்டா வர்ரே? என்றார்.

எப்பவும்
நான் வரும் போது பஸ் போயிடுது என்றேன்.

அவருக்கு சிரிப்பு தாங்க முடியவில்லை.

எனக்கு அவர் சிரிப்பதன் அர்த்தம் புரியவில்லை.

ஆனால் நான் சொன்னது உண்மை.

நானும் மெதுவாய் சிரித்தேன்.

இங்க பாரு ஜீவன்
நமக்காக ஒரு நாளும் பஸ் காத்து நிக்காது
நாமதான் பஸ்ஸுக்காக காத்து நிக்கணும்.

இனி ஒரு 15 நிமிசம் முன்னமே வந்து நில்லு.

நீ ஒரு வாரம் சரியா நேரத்துக்கு வந்தா
உனக்கு நான் ஒரு பரிசு தருவேன் என்றார்.

அடுத்த நாள் தொடங்கி 30 நிமிடம் முன்ன வந்து
நேரத்துக்கு காலேஜ் வரத் தொடங்கினேன்.

ஒரு வாரம் கழிந்தது.
எனக்கொரு சைக்கிள் பரிசாக கிடைத்தது.

சில ஆசிரியர்கள் மாணவர்கள் நலனில்
கொண்ட கரிசனைகளே எமக்கும் வழிகாட்டியாக
இன்றும் எம் இரத்தத்தில் உறைந்து கிடக்கிறது.
அவர் என் மனக் கண்ணில் இன்று........................

அடுத்த முறை சிறீகாந் நிச்சயம்
இன்னொரு கதை சொல்ல வைக்க மாட்டார்
என்று நினைக்கிறேன்?

அதுக்காக
அடுத்த தொடருக்கு சைக்கிளோடு வரமாட்டேன்பா?

தொடரும்...........

பிஞ்சுமனம் (Tender heart )

2006-07-07T14:06:00.000+02:00

"குழந்தைகளுக்கு பாரபட்சமற்ற அன்பை பெற்றோர் செலுத்த வேண்டும்.............."

Tender heart

(1.30 நிமிட குறும்படம்)

நடிப்பு:

காவ்யா சிவன்

சிறீதர் ஐயர்

தீபா ராஜகோபால்

திரைக்குப் பின்னால்:

சிறீகாந் மீனாட்சி

சங்கரபாண்டி சொர்ணம்

வெங்கடேஸ் கிருஸ்ணசாமி

எம்.பீ.சிவா

மற்றும்

அஜீவன்

எண்ணம் - எழுத்து - இயக்கம்

தீபா ராஜகோபால்

2006 மே மாதம் அமெரிக்காவின் வாசிங்டனில்

நடைபெற்ற குறும்பட பயிற்சியின் பின்னர்

பயிற்சி பெற்றவர்களால் உருவான

1.30 நிடங்களே ஓடக் கூடிய குறும்படம்.

தீபா,சிறீகாந்,வெங்கடேஸ்(பாபு) ,சிவா மற்றும் சங்கரபாண்டி (இடமிருந்து வலமாக)

திரைப் பயிற்சி பட்டறையில் கலந்த உறவுகள்

குறும்படத்தைப் பார்ப்பதற்கு கீழ் காணும்

ஏதாவது ஒரு குறியீட்டின் மேல் அழுத்துங்கள்:-

தமிழமுதம் கானபிரபா சலனம்

முத்தமிழ் மன்றம் நிலா முற்றம் ஊடறு ஸ்ரீகாந்த்

பிஞ்சுமனம் தொடர்பான

வெவ்வேறு கருத்துகளையும் விமர்சனங்களையும் படிப்பதற்கு

மேலே காணும் வெவ்வேறு குறியீடுகளை தேர்வு செய்து அழுத்துங்கள்.

கரம் கொடுத்த அனைவருக்கும் நன்றி!

www.ajeevan.com

ajeevan@ajeevan.com